ಆ್ಯಪ್ನಗರ

​ ಅಪ್ರಾಪ್ತ ಬಾಲಕಿ ಕೊಲೆ ಪ್ರಕರಣ: ಸ್ವಯಂ ಪ್ರೇರಿತ ದೂರು ದಾಖಲಿಸಿ

ನಗರದ ಕಾವಾಡಿಗರಹಟ್ಟಿಯ ಅಪ್ರಾಪ್ತ ಬಾಲಕಿಯ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಸದಸ್ಯ ಕೆ.ಬಿ.ರೂಪಾನಾಯ್ಕ ವರದಿ ಸಲ್ಲಿಸಿದ್ದು, ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಳ್ಳಬೇಕೆಂದು ಹೇಳಿದ್ದಾರೆ.

ವಿಕ ಸುದ್ದಿಲೋಕ 3 Sep 2016, 6:48 am
ಚಿತ್ರದುರ್ಗ : ನಗರದ ಕಾವಾಡಿಗರಹಟ್ಟಿಯ ಅಪ್ರಾಪ್ತ ಬಾಲಕಿಯ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಸದಸ್ಯ ಕೆ.ಬಿ.ರೂಪಾನಾಯ್ಕ ವರದಿ ಸಲ್ಲಿಸಿದ್ದು, ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಳ್ಳಬೇಕೆಂದು ಹೇಳಿದ್ದಾರೆ.
Vijaya Karnataka Web
​ ಅಪ್ರಾಪ್ತ ಬಾಲಕಿ ಕೊಲೆ ಪ್ರಕರಣ: ಸ್ವಯಂ ಪ್ರೇರಿತ ದೂರು ದಾಖಲಿಸಿ


ಆಯೋಗಕ್ಕೆ ಸೆ.31ರಂದು ಸಲ್ಲಿಸಿರುವ ವರದಿಯಲ್ಲಿ ಬಾಲಕಿಯ ತಾಯಿ ಗೌರಮ್ಮ ಮತ್ತು ಮಕ್ಕಳು, ಮನೆಯ ಪರಿಸ್ಥಿತಿ ಕುರಿತು ಮಾಹಿತಿ ನೀಡಿದ್ದಾರೆ. ಕುಟುಂಬಕ್ಕೆ ಸಂಬಂಧಪಟ್ಟ ಸರಕಾರಿ ಇಲಾಖೆಗಳು ಸೌಲಭ್ಯ ವಿಸ್ತರಿಸುವಲ್ಲಿ ನಿರ್ಲಕ್ಷ್ಯವಹಿಸಿವೆ ಎಂದು ತಿಳಿಸಿದ್ದಾರೆ.

ಗೌರಮ್ಮನಿಗೆ ಒಟ್ಟು ಐದು ಜನ ಮಕ್ಕಳು, ಇಬ್ಬರಿಗೆ ಮದುವೆಯಾಗಿದೆ. ಗಂಡನ ಮರಣದ ನಂತರ ಗೌರಮ್ಮನ ಜತೆ ಇದ್ದ ಮೃತ ಬಾಲಕಿಗೆ ಮಾತು ಬರುತ್ತಿರಲಿಲ್ಲ. ಕಿವಿ ಕೇಳಿಸುತ್ತಿರಲಿಲ್ಲ. ಇನ್ನೊಬ್ಬ ಮಗ ರೇಣುಕಾರಾಜ್‌ ಕೂಡಾ ಬುದ್ದಿ ಮಾಂದ್ಯ. ಗೌರಮ್ಮನಿಗೆ ವಿಧವಾ ವೇತನ, ಮೃತ ಬಾಲಕಿ ಹಾಗೂ ಮಗ ರೇಣುಕಾರಾಜ್‌ಗೆ ಸರಕಾರಿ ಸೌಲಭ್ಯ ತಲುಪಿಸಿಲ್ಲ ಎಂದು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ಕಿಶೋರಿಯರಿಗೆ ಅಂಗನವಾಡಿಯಲ್ಲಿ ನೀಡುವ ಆಹಾರ, ಬಡವರಿಗಾಗಿಯೇ ಇರುವ ಅನ್ನಭಾಗ್ಯ, ವಿಧವಾ ವೇತನ, ವಿಕಲ ಚೇತನರ ವೇತನ, ಸೂರಿಲ್ಲದವರಿಗೆ ನೀಡುವ ಆಶ್ರಯ ಯಾವ ಸೌಲಭ್ಯಗಳೂ ದಕ್ಕಿಲ್ಲ. ಇದುವರೆಗೂ ಯಾವ ಅಧಿಕಾರಿಗಳೂ ಭೇಟಿ ನೀಡಿಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಕುಟುಂಬಕ್ಕೆ ಪರಿಹಾರ ನೀಡಿ: ಸಂತ್ರಸ್ತ ಕುಟುಂಬಕ್ಕೆ ತಕ್ಷಣ ಅಂತ್ಯೋದಯ ಕಾರ್ಡ್‌ ನೀಡಬೇಕು. ಬುದ್ದಿ ಮಾಂದ್ಯ ಮಗನಿಗೆ ಮತ್ತು ತಾಯಿಗೆ ಪಿಂಚಣಿ ನೀಡಬೇಕು. ರೇಣುಕಾರಾಜ್‌ಗೆ ಬುದ್ದಿ ಮಾಂದ್ಯ ಶಾಲೆಯಲ್ಲಿ ಶಿಕ್ಷಣ ನೀಡಬೇಕು. ನಗರಸಭೆಯಿಂದ ಗೌರಮ್ಮನಿಗೆ ಉದ್ಯೋಗ ನೀಡಬೇಕು. ಸಮಾಜ ಕಲ್ಯಾಣ ಇಲಾಖೆ ಧನ ಸಹಾಯ ಮಾಡಬೇಕು ಎಂದು ಆಯೋಗದ ಗಮನಸೆಳೆದಿದ್ದಾರೆ.

--------

ನಗರಸಭೆಗೆ ಚಾರ್ಜ್‌ : ಕಾವಾಡಿಗರ ಹಟ್ಟಿ ಪರಿಸ್ಥಿತಿಯ ಬಗ್ಗೆಯೂ ಆಯೋಗಕ್ಕೆ ವರದಿ ಸಲ್ಲಿಸಲಾಗಿದೆ. ಸ್ಥಳೀಯ ನಗರ ಸಭೆ ಅರ್ಹ ಫಲಾನುಭವಿಗಳಿಗೆ ಯೋಜನೆ ರೂಪಿಸುವಲ್ಲಿ ಸೋತಿದೆ. ಈ ವಾರ್ಡಲ್ಲಿ ಜನಕ್ಕೆ ಶೌಚಾಲಯ ಕಟ್ಟಿಕೊಳ್ಳಲು ಆಸಕ್ತಿ ಇದ್ದರೂ, ನಗರಸಭೆ ಅವಕಾಶ ಮಾಡಿ ಕೊಟ್ಟಿಲ್ಲ. ಬಾಲಕಿಯ ಪ್ರಕರಣದ ನಂತರ ಹೆಣ್ಣು ಮಕ್ಕಳು ಬಹಿರ್ದೆಸೆಗೆ ಹೋಗಲು ಭಯಪಡುತ್ತಿದ್ದಾರೆ ಎಂದು ಹೇಳಿದೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ