ಸ್ನೇಹಿತನ ಜತೆ ಮಲಗು ಎಂದ ಪ್ರಿಯಕರ!

ಚಿತ್ರದುರ್ಗ: ಪ್ರಿಯಕರನೊಬ್ಬ ತನ್ನ ಪ್ರೇಯಸಿಗೆ ಸ್ನೇಹಿತನ ಜತೆ ಮಲಗುವಂತೆ ಒತ್ತಾಯಿಸಿರುವ ವಿಲಕ್ಷಣ ಪ್ರಕರಣವೊಂದು ತಾಲೂಕಿನ ಜಾನುಕೊಂಡದ ಗಂಜಿಗುಂಟೆ ಬೆಟ್ಟದ ರಂಗನಾಥ ಸ್ವಾಮಿ ದೇವಸ್ಥಾನದಲ್ಲಿ ಮಂಗಳವಾರ ಸಂಜೆ ಜರುಗಿದೆ.

ಹೊಳಲ್ಕೆರೆ ತಾಲೂಕಿನ ಕಾಗಲಗೆರೆ ಗ್ರಾಮದ ಮಂಜುನಾಥ ಇಂತಹ ವಿಲಕ್ಷಣ ಬೇಡಿಕೆ ಇಟ್ಟ ಪ್ರಿಯಕರ. ಅದೇ ಗ್ರಾಮದ ಯುವತಿಯೊಬ್ಬಳನ್ನು ಪ್ರೀತಿಸುತ್ತಿದ್ದ ಈತ ವಿವಾಹವಾಗುವುದಾಗಿ ನಂಬಿಸಿ ಮಂಗಳವಾರ ಸಂಜೆ ರಂಗನಾಥ ಸ್ವಾಮಿ ಬೆಟ್ಟಕ್ಕೆ ಕರೆಸಿಕೊಂಡಿದ್ದಾನೆ. ಆಕೆಯ ಜತೆ ಚಕ್ಕಂದ ಆಡುವ ದೃಶ್ಯಗಳನ್ನು ವಿಡಿಯೋ ಚಿತ್ರೀಕರಿಸುವಂತೆ ಸ್ನೇಹಿತ ನಾಗರಾಜನಿಗೆ ತಿಳಿಸಿದ್ದಾನೆ. ತನ್ನ ಚಕ್ಕಂದದಾಟ ಮುಗಿದ ನಂತರ ವಿಡಿಯೋ ತೋರಿಸಿ ಹೆದರಿಸಿ ಸ್ನೇಹಿತನೊಂದಿಗೆ ಮಲಗು ಎಂದು ಒತ್ತಾಯಿಸಿದ್ದಾನೆ.