ವಿದ್ಯುತ್‌ ತಂತಿ ತಗುಲಿ 2 ಎಮ್ಮೆ ಸಾವು

ಚಿತ್ರದುರ್ಗ : ಬೆಸ್ಕಾಂ ಇಲಾಖೆ ನಿರ್ಲಕ್ಷ ್ಯದಿಂದ ತಾಲೂಕಿನ ಈರಜ್ಜನಹಟ್ಟಿ ಗ್ರಾಮದಲ್ಲಿ ವಿದ್ಯುತ್‌ ಕಂಬದ ತಂತಿ ತಗುಲಿ ಎರಡು ಎಮ್ಮೆಗಳು ಮೃತಪಟ್ಟ ಘಟನೆ ಶುಕ್ರವಾರ ನಡೆದಿದೆ.

ಈರಜ್ಜನಹಟ್ಟಿ ಗ್ರಾಮದ ಸಾವಿತ್ರಮ್ಮ ಎಂಬವರಿಗೆ ಸೇರಿದ ಎಮ್ಮೆಗಳು. ಸಂಪೂರ್ಣ ಶಿಥಿಲಗೊಂಡಿದ್ದ ವಿದ್ಯುತ್‌ ಕಂಬ ತುಂಡಾಗಿ ಕೆಳಗೆ ಬಿದ್ದ ಪರಿಣಾಮ ಮೇಯಲು ತೆರಳಿದ್ದ ಎರಡು ಎಮ್ಮೆಗಳು ಸದರಿ ವಿದ್ಯುತ್‌ ಕಂಬದ ತಂತಿಗೆ ಸ್ಪರ್ಶಿಸಿ ಅಸುನೀಗಿವೆ.

ವಿದ್ಯುತ್‌ ಕಂಬ ಸಂಪೂರ್ಣ ಶಿಥಿಲಗೊಂಡಿದ್ದ ಬಗ್ಗೆ ಆಗಾಗ್ಗೆ ಬೆಸ್ಕಾಂನವರ ಗಮನಕ್ಕೆ ತರಲಾಗಿತ್ತು. ಆದರೆ ಈ ಕುರಿತು ಕಾಳಜಿ ವಹಿಸದ ಕಾರಣ ಈಗ ವಿದ್ಯುತ್‌ ಕಂಬ ತುಂಡಾಗಿ ಬಿದ್ದಿದೆ. ಇದರಿಂದ ನಮ್ಮ ಎರಡು ಎಮ್ಮೆಗಳು ಮೃತಪಟ್ಟಿವೆ. ಎರಡೂ ಎಮ್ಮೆಗಳು ನಿತ್ಯ ಹತ್ತಾರು ಲೀಟರ್‌ ಹಾಲು ಕೊಡುವ, ನಮ್ಮ ಕುಟುಂಬಕ್ಕೂ ಆಸರೆಯಾಗಿದ್ದವು ಎಂದು ಸಾವಿತ್ರಮ್ಮ ಅವರ ಪುತ್ರ ಧನಂಜಯ ಬೇಸರ ವ್ಯಕ್ತಪಡಿಸಿದರು.