ಬೀರಲಿಂಗೇಶ್ವರ ಸ್ವಾಮಿ ಕೆಂಡೋತ್ಸವ

ಹೊಸದುರ್ಗ: ತಾಲೂಕಿನ ಕಸಬಾ ಹೋಬಳಿ ಬಾಗೂರು ಗ್ರಾಮದ ಬೀರಲಿಂಗೇಶ್ವರ ಸ್ವಾಮಿ ಕೆಂಡೋತ್ಸವ ಭಾನುವಾರ ಬೆಳಗಿನ ಜಾವ ಭಕ್ತರ ಸಮ್ಮುಖದಲ್ಲಿ ಸಂಭ್ರಮದಿಂದ ಜರುಗಿತು.

ದಸರಾ ಹಬ್ಬದ ಅಂಗವಾಗಿ ವಿಶೇಷವಾಗಿ ಕಳೆದ ಒಂಭತ್ತು ದಿನಗಳಿಂದ ಬೀರಲಿಂಗೇಶ್ವರ ಚರಿತ್ರೆ ಪಠಣ ನಡೆದವು. ಪ್ರತಿನಿತ್ಯ ವಿಶೇಷ ಪೂಜೆ ಧಾರ್ಮಿಕ ಕಾರ್ಯಗಳು ಜರುಗಿದವು. ಸಂಜೆ ನಡೆದ ಅಂಬಿನೋತ್ಸವದಲ್ಲಿ ಈ ಭಾಗದಲ್ಲಿ ಅತಿ ಹೆಚ್ಚು ಭಕ್ತರು ಕ್ಷೇತ್ರಕ್ಕೆ ಆಗಮಿಸಿ ದೇವರ ಕೃಪೆಗೆ ಪಾತ್ರರಾದರು.

ಕೆಂಡೋತ್ಸವ: ಬಾಗೂರು ಬೀರಲಿಂಗೇಶ್ವರ ಸ್ವಾಮಿ ದಸರಾ ಹಬ್ಬದಲ್ಲಿ ವಿಶೇಷ ಆಕರ್ಷಣೆ ಆಗಿರುವುದು ಕೆಂಡದ ಸೇವೆ. ಭಕ್ತರು ಹರಕೆ ತೀರಿಸಲು ಕೆಂಡ ಹಾಯುವ ಮೂಲಕ ಪಾಲ್ಗೊಳ್ಳುವುದು ಇಲ್ಲಿನ ವಿಶೇಷ. ನಾನಾ ಜಾತಿ ಮರಗಳನ್ನು ಒಂದಡೆ ತಂದು ಹಾಕಿದ್ದ ಕೆಂಡ ಹಾಯುವ ಮೂಲಕ ತಮ್ಮ ಭಕ್ತಿ ಸಮರ್ಪಿಸಿದರು.

ಬೀರಲಿಂಗೇಶ್ವರ ಸ್ವಾಮಿ, ಓರುಗಲ್ಲಮ್ಮ ದೇವಿ ಹಾಗೂ ಗುಳ್ಳಮ್ಮ ದೇವಿ ಸಮೂಹ ಕೆಂಡದಾರ್ಚನೆಯಲ್ಲಿ ಪಾಲ್ಗೊಂಡಿದ್ದವು. ಹರಕೆ ಹೊತ್ತವರು, ಹರಕೆ ತೀರಿದವರು ಜತೆಯಲ್ಲಿ ಸಾಕಷ್ಟು ಭಕ್ತ ಸಮೂಹ ದೈವ ಪ್ರೇರಣೆಯಿಂದ ಒಳಿತಾಗಲೆಂದು ಗಣಾಧೀಶರ ಸಮ್ಮುಖದಲ್ಲಿ ಕೆಂಡದ ಸೇವೆಯಲ್ಲಿ ಪಾಲ್ಗೊಂಡು ದೇವರ ಕೃಪಗೆ ಪಾತ್ರರಾದರು. ಮಕ್ಕಳೆನ್ನದೆ ಯುವಕರು ಹಿರಿಯರು ಈ ಮುಳ್ಳಿನ ಸೇವೆಯಲ್ಲಿ ಪಾಲ್ಗೊಂಡರು.

ಕೆಂಡೋತ್ಸವಕ್ಕೆ ಆಗಮಿಸಿದ್ದ ಭಕ್ತರಿಗೆ ಅನ್ನ ಸಂತರ್ಪಣೆ ವ್ಯವಸ್ಥೆ ಮಾಡಲಾಗಿತ್ತು. ದಸರಾ ಮಹೋತ್ಸವ ಎಲ್ಲ ಕಾರ್ಯಗಳಲ್ಲಿ ಯುವಕರು ಪಾಲ್ಗೊಂಡು ಹಬ್ಬದ ಯಶಸ್ವಿಗೆ ಶ್ರಮಿಸಿದರು.