ಸಾಲಬಾಧೆ: ರೈತ ಆತ್ಮಹತ್ಯೆ

ಹಿರಿಯೂರು: ತಾಲೂಕಿನ ಉಪ್ಪಳಗೆರೆ ಗ್ರಾಮದಲ್ಲಿಸಾಲಬಾಧೆಯಿಂದ ರೈತರೊಬ್ಬರು ಶುಕ್ರವಾರ ತನ್ನ ಮನೆಯಲ್ಲಿನೇಣುಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಉಪ್ಪಳಗೆರೆ ಗ್ರಾಮದ ವಾಸಿ ರಾಜಣ್ಣ(40) ಆತ್ಮಹತ್ಯೆ ಮಾಡಿಕೊಂಡ ರೈತ. ಉಪ್ಪಳಗೆರೆ ಗ್ರಾಮದಲ್ಲಿ1.20 ಎಕರೆ ಜಮೀನು ಹೊಂದಿದ್ದು, ನಾಲ್ಕು ಕೊಳವೆ ಬಾವಿ ಕೊರೆಸಿ ಅಡಕೆ ಬೆಳೆಸಿದ್ದರು. ಇದಕ್ಕಾಗಿ ತಾಲೂಕಿನ ನಾನಾ ಬ್ಯಾಂಕುಗಳಲ್ಲಿಹಾಗೂ ಕೈ ಸಾಲವಾಗಿ ಸುಮಾರು 7.90 ಲಕ್ಷ ರೂ. ಸಾಲ ಮಾಡಿದ್ದರು. ಆದರೆ, ಕಳೆದ ಎರಡು ವರ್ಷಗಳಿಂದ ಸರಿಯಾಗಿ ಮಳೆಯಿಲ್ಲದೇ ಕೊಳವೆಬಾವಿಗಳು ಬತ್ತಿ ಹೋಗಿ ಅಡಕೆ ತೋಟ ಸಂಪೂರ್ಣ ಒಣಗಿದೆ. ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿಕೇಸು ದಾಖಲಾಗಿದೆ.