ನದಿ ಪಾತ್ರದ ನಿವಾಸಿಗಳ ಸ್ಥಳಾಂತರ

ಹಿರಿಯೂರು: ನಗರದ ವ್ಯಾಪ್ತಿಯಲ್ಲಿವೇದಾವತಿ ನದಿ ಹರಿಯುವ ವೇಗ ಸಂಜೆಯಿಂದ ಹೆಚ್ಚಾಗಿದ್ದು, ರಾತ್ರಿ ಇನ್ನಷ್ಟು ಜೋರಾದರೆ ಕೆಲ ತಗ್ಗು ಪ್ರದೇಶದ ಮನೆಗಳಿಗೆ ನೀರು ನುಗ್ಗುವ ಸಂಭವ ಇದೆ.
ಹಾಗಾಗಿ ನದಿ ಪಾತ್ರದ ನಿವಾಸಿಗಳನ್ನು ತಾಲೂಕು ಆಡಳಿತ ಮಂಗಳವಾರ ರಾತ್ರೋರಾತ್ರಿ ಬೇರೆಡೆ ಸ್ಥಳಾಂತರ ಮಾಡಿಸಿದೆ. ನದಿ ಪಾತ್ರದ ತಗ್ಗು ಪ್ರದೇಶಗಳಾದ ಮಟನ್‌ ಮಾರ್ಕೆಟ್‌ ಹಿಂಭಾಗ, ಕಟುಕರ ಹಳ್ಳ, ಗೋಪಾಲಪುರ, ಸುಣ್ಣಗಾರ ಬೀದಿ ಹಾಗೂ ಸೀಳೆ ಕ್ಯಾತರ ಬೀದಿ ಇತರೆಡೆ ತಹಸೀಲ್ದಾರ್‌ ಸತ್ಯನಾರಾಯಣ, ಪೌರಾಯುಕ್ತ ಮಹಾಂತೇಶ್‌ ಭೇಟಿ ನೀಡಿ ವೀಕ್ಷಿಸಿದರು. ನಂತರ ನಿವಾಸಿಗಳನ್ನು ನೇಖ್‌ ಬೀಬಿ ದರ್ಗಾ ಶಾದಿಮಹಲ್‌, ಕಟುಕರ ಹಳ್ಳ ಮತ್ತು ಸೀಳೆಕ್ಯಾತರ ಬೀದಿ ನಿವಾಸಿಗಳನ್ನು ಗುರುಭವನಕ್ಕೆ ಸ್ಥಳಾಂತರ ಮಾಡಿಸಿದರು.