ಮೊಳಕಾಲ್ಮುರು: ಪಟ್ಟಣದ ತಾಲೂಕು ಕಚೇರಿಯಲ್ಲಿ ಮಂಗಳವಾರ ಜೆಡಿಎಸ್‌ ಅಭ್ಯರ್ಥಿ ಪಟೇಲ್‌ ಜಿ.ಎಂ. ತಿಪ್ಪೇಸ್ವಾಮಿ ನಾಮಪತ್ರ ಸಲ್ಲಿಸಿ ಹೊರಬಂದ ನಂತರ ಜತೆ ಬಂದಿದ್ದ ನಟಿ ಪೂಜಾಗಾಂಧಿ ಆವರಣದಲ್ಲಿಯೇ ಮತಯಾಚಿಸಿ ನೀತಿ ಸಂಹಿತೆ ಉಲ್ಲಂಘಿಸಿದ್ದಾರೆ.
ನಾಮಪತ್ರ ಸಲ್ಲಿಸಿ ಹೊರಗಡೆ ಬಂದು ನೆಚ್ಚಿನ ಅಭಿಮಾನಿಗಳಿಗೆ ಥ್ಯಾಂಕ್ಸ್‌ ಹೇಳುತ್ತಾ ನೀವೆಲ್ಲಾ ಜೆಡಿಎಸ್‌ ಪಕ್ಷ ಕ್ಕೆ ಮತ ನೀಡಬೇಕು. ಯಾವುದೇ ಕಾರಣಕ್ಕೂ ಮಿಸ್‌ ಮಾಡಬೇಡಿ ಎಂದು ನಗು ನಗುತ್ತಲೇ ಮತಯಾಚಿಸುತ್ತಾ ಮುಂದೆ ಸಾಗಿದ್ದಾರೆ.
ಚುನಾವಣಾ ಆಯೋಗದ ಪ್ರಕಾರ ನಾಮಪತ್ರ ಸಲ್ಲಿಕೆಯ ಆವರಣದ ಒಳಗಡೆ ಮತಯಾಚನೆ ಮಾಡಬಾರದು. ಆದರೂ ನಟಿ ಮತಯಾಚನೆ ಮಾಡಿ ನೀತಿ ಸಂಹಿತೆ ಉಲ್ಲಂಘಿಸಿದ್ದಾರೆ. ನಟಿ ಹೊರಗಡೆ ಮಾತನಾಡಿದ್ದು ನನ್ನ ಗಮನಕ್ಕೆ ಬಂದಿಲ್ಲ ಎಂದು ಚುನಾವಣಾಧಿಕಾರಿ ಆರ್‌ಒ ಲಕ್ಷ ್ಮಣ್‌ ಪತ್ರಿಕೆಗೆ ತಿಳಿಸಿದರು.