ಬೆಂಗಳೂರು: ಒಂಬತ್ತನೇ ತರಗತಿಯಲ್ಲಿ ಫೇಲಾಗಿದ್ದ ವಿದ್ಯಾರ್ಥಿಯನ್ನು ಪಾಸು ಮಾಡಿಸುವುದಾಗಿ ನಂಬಿಸಿ ಹಣ ಪಡೆದು ವಂಚಿಸಿದ್ದ ವಂಚಕನ ವಿರುದ್ಧ ಕಬ್ಬನ್‌ಪಾರ್ಕ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಅಲ್ವಿನ್‌ ಎನ್ನುವವನು ಹಣ ಪಡೆದು ವಂಚಿಸಿದವ. ಬಿಷಪ್‌ಕಾಟನ್‌ ಶಾಲೆಯಲ್ಲಿ ಒಂಬತ್ತನೇ ತರಗತಿ ಓದುತ್ತಿದ್ದ ಕಾರ್ತಿಕ್‌ ಎನ್ನುವ ವಿದ್ಯಾರ್ಥಿ ಅಂತಿಮ ಪರೀಕ್ಷೆಯಲ್ಲಿ ಫೇಲಾಗಿದ್ದ. ಈತನನ್ನು ಪಾಸ್‌ ಮಾಡಿಸುವುದಾಗಿ ಹೇಳಿ ಆಲ್ವಿನ್‌ ಎಂಬಾತ ಹಣ ಕೇಳಿದ್ದ. ಈ ವಿಷಯವನ್ನು ಕಾರ್ತಿಕ್‌ ತನ್ನ ಮನೆಯಲ್ಲೂ ತಿಳಿಸಿದ್ದಲ್ಲದೆ 50 ಸಾವಿರ ರೂವನ್ನು ಆಲ್ವಿನ್‌ಗೆ ಕೊಟ್ಟಿದ್ದ. ಆದರೆ ಹಣ ಪಡೆದ ನಂತರ ಆತ ವಂಚಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆಲ್ವಿನ್‌ಗೆ ಬಿಷಪ್‌ ಕಾಟನ್‌ ಶಾಲೆಯ ಪರೀಕ್ಷಾ ವಿಭಾಗದಲ್ಲಿ ಯಾರೂ ಪರಿಚಯ ಇರಲಿಲ್ಲ. ಆದರೂ ಸುಳ್ಳು ಹೇಳಿ ಹಣ ಪಡೆದಿದ್ದ. ಹಣ ಪಡೆದ ನಂತರ ಮೊಬೈಲ್‌ ಸ್ವಿಚ್‌ ಆಫ್‌ ಮಾಡಿಕೊಂಡು ತಲೆ ತಪ್ಪಿಸಿಕೊಂಡು ಓಡಾಡುತ್ತಿದ್ದ ಎಂದು ಆರೋಪಿಸಲಾಗಿದೆ.
Boy wanted to gets exam passed Cheated