ಬೆಂಗಳೂರು ಸಿಸಿಬಿಯ ಭರ್ಜರಿ ಬೇಟೆ, ಕೇರಳದ ಡೀಲರ್‌ಗಳಿಂದ 1.25 ಕೋಟಿ ಮೌಲ್ಯದ ಡ್ರಗ್ಸ್‌ ವಶಕ್ಕೆ!

ಬೆಂಗಳೂರು: ಮಾದಕ ವಸ್ತುಗಳ ಸೇವನೆಯಿಂದಾಗಿ ಅನೇಕ ಯುವ ಪೀಳಿಗೆಯ ಜೀವನವೇ ಹಾಳಾಗಿ ಬಿಟ್ಟಿದೆ. ಹೀಗಾಗಿ ಸರಕಾರಗಳು ಕೂಡ ಡ್ರಗ್ಸ್‌ ಮಾರಾಟ, ಸೇವನೆ ತಡೆಗೆ ಶತಾಯಗತಾಯ ಪ್ರಯತ್ನಿಸುತ್ತಿದೆ. ಈ ಮಧ್ಯೆಯೇ ಬೆಂಗಳೂರಿನ ಕೇಂದ್ರ ಅಪರಾಧ ವಿಭಾಗದ ಅಧಿಕಾರಿಗಳು ಬರೋಬ್ಬರಿ 1.25 ಕೋಟಿ ಮೌಲ್ಯದ ಡ್ರಗ್ಸ್‌ ವಶಕ್ಕೆ ಪಡೆದಿದ್ದಾರೆ.

ಕೇರಳ ಮೂಲದ ಅಂತರಾಷ್ಟ್ರೀಯ ಮಾದಕ ವಸ್ತು ಡೀಲರ್‌ (ಡ್ರಗ್‌ ಪೆಡ್ಲರ್ಸ್‌)ಗಳಿಗೆ ಸೇರಿದ ಕೋಟಿ ಬೆಲೆಯ ಡ್ರಗ್ಸನ್ನು ಸಿಬಿಬಿ ವಶಕ್ಕೆ ಪಡೆದಿದೆ. ವಿದೇಶದಿಂದ ದಕ್ಷಿಣ ಭಾರತಕ್ಕೆ ತರುವ ವೇಳೆ ಕಾರ್ಯಾಚರಣೆ ನಡೆಸಿದ ಸಿಸಿಬಿ ಅಧಿಕಾರಿಗಳು ದುಷ್ಕೃತ್ಯವನ್ನ ತಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ತಿಳಿದುಬಂದಿದೆ.

ಇನ್ನು ಕಾರ್ಯಾಚರಣೆ ವೇಳೆ ಕೆಲವರನ್ನ ಬಂಧಿಸಿದ್ದಾರೆ ಅಂತಲೂ ಸಿಸಿಬಿ ಮೂಲಗಳು ತಿಳಿಸಿವೆ. ಇನ್ನು ಈ ಬಗ್ಗೆ ಮಾಹಿತಿ ನೀಡಿರುವ ಗೃಹ ಸಚಿವ ಬಸವರಾಜ್ ಬೊಮ್ಮಯಿ, ಘಟನೆಗೆ ಸಂಬಂಧಪಟ್ಟಂತೆ ಇನ್ನು ಹಲವರನ್ನ ಬಂಧಿಸಲಾಗುವುದು. ರಾಜ್ಯವನ್ನ ಡ್ರಗ್ಸ್‌ ಮಾಫಿಯಾದಿಂದ ಮುಕ್ತಿಗೊಳಿಸುವುದೆ ನಮ್ಮ ಕರ್ತವ್ಯ ಎಂದು ತಿಳಿಸಿದ್ದಾರೆ.

ರ‍್ಯಾಪಿಡ್ ಟೆಸ್ಟ್‌ನಲ್ಲಿ ಕೊರೊನಾ ಪಾಸಿಟಿವ್‌, ಮರುದಿನವೇ ನೆಗಟಿವ್‌..! ಜನರಿಗೆ ಸುಖಾಸುಮ್ಮನೆ ಟೆನ್ಶನ್..!

ಭಾರತದಲ್ಲಿ ಪಂಜಾಬ್‌ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಭಾರೀ ಡ್ರಗ್ಸ್‌ ಮಾಫಿಯಾ ನಡೆಯುತ್ತಿದೆ. ಇದರಿಂದ ಮುಂದಿನ ಭವಿಷ್ಯವಾಗಬೇಕಿದ್ದ ಯುವ ಸಮೂಹ ಇದಕ್ಕೆ ಮೊರೆ ಹೋಗಿ ಜೀವನ ಹಾಳು ಮಾಡಿಕೊಳ್ಳುತ್ತಿದ್ದಾರೆ. ಬೆಂಗಳೂರಿನಲ್ಲೂ ಡ್ರಗ್ಸ್‌ ಮಾಫಿಯಾ ರುದ್ರ ತಾಂಡವ ಆಡುತ್ತಿದೆ.