ತೇಜಸ್ವಿ ಸೂರ್ಯ, ಸೂಲಿಬೆಲೆ ಕೊಲೆಗೆ ಯತ್ನಿಸಿದವರಿಗೆ ಎಸ್‌ಡಿಪಿಐನಿಂದ ತಿಂಗಳಿಗೆ 10 ಸಾವಿರ ಸಂಬಳ!

ಬೆಂಗಳೂರು: ಸಂಸದ ತೇಜಸ್ವಿ ಸೂರ್ಯ ಮತ್ತು ಯುವ ಬ್ರಿಗೇಡ್‌ ಸ್ಥಾಪಕ ಚಕ್ರವರ್ತಿ ಸೂಲಿಬೆಲೆ ಕೊಲೆಗೆ ಸಂಚು ನಡೆಸಿದ್ದ ಆರೋಪಿಗಳು ಎಸ್‌ಡಿಪಿಐನ ಸಕ್ರಿಯ ಸದಸ್ಯರು ಮತ್ತು ಇವರಿಗೆ ಈ ರೀತಿಯ ಚಟುವಟಿಕೆಗಳಿಗೆ ಎಸ್‌ಡಿಪಿಐ 10 ಸಾವಿರ ರೂ. ಸಂಬಳ ಕೊಡುತ್ತಿತ್ತು ಎಂಬ ಸ್ಪೋಟಕ ವಿಚಾರ ಬಯಲಾಗಿದೆ.

''ಬಂಧಿತರಿಗೆ ಹಣ ಎಲ್ಲಿಂದ ಬರುತ್ತಿತ್ತು? ಯಾರು ಕೊಡುತ್ತಿದ್ದರು? ಎನ್ನುವ ಬಗ್ಗೆ ಭಯೋತ್ಪಾದನೆ ನಿಗ್ರಹ ದಳದ ಅಧಿಕಾರಿಗಳು ತನಿಖೆ ನಡೆಸಲಿದ್ದಾರೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಸಿ ತಪ್ಪಿತಸ್ಥ ಎಲ್ಲರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಬಂಧಿತರನ್ನು ಯಾರೇ ಬೆಂಬಲಿಸುತ್ತಿದ್ದರೂ, ಎಷ್ಟೇ ಪ್ರಭಾವಿಗಳಾಗಿದ್ದರೂ ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು'' ಎಂದು ಪೊಲೀಸ್‌ ಆಯುಕ್ತ ಭಾಸ್ಕರ್‌ ರಾವ್‌ ತಿಳಿಸಿದ್ದಾರೆ.

ಪೌರತ್ವ ಗದ್ದಲದ ವೇಳೆ ಕಲ್ಲು ತೂರಿ ಗೊಂದಲ ಎಬ್ಬಿಸಲೆತ್ನಿಸಿದ್ದ ಆರೋಪಿಗಳು ಯಾರು?
- ಇರ್ಫಾನ್‌(33), ಟೈಲರ್‌, ಆರ್‌ಟಿ ನಗರ ನಿವಾಸಿ
- ಸೈಯದ್‌ ಅಕ್ಬರ್‌ (46), ಮೆಕ್ಯಾನಿಕ್‌ ಕೆಲಸ, ಆರ್‌ಟಿ ನಗರ ನಿವಾಸಿ
- ಸೈಯದ್‌ ಸಿದ್ಧಿಕ್‌ ಅಕ್ಬರ್‌ (30), ಸಿವಿಲ್‌ ಕಂಟ್ರ್ಯಾಕ್ಟರ್‌
- ಅಕ್ಬರ್‌ ಪಾಷಾ (27), ಅಮೆಜಾನ್‌ ಡೆಲಿವರಿ ಬಾಯ್‌, ಗಾಂಧಿನಗರ
- ಸನಾ (28), ಎಲೆಕ್ಟ್ರಿಕಲ್‌ ಇಂಟೀರಿಯರ್‌, ಆರ್‌ಟಿ ನಗರ ನಿವಾಸಿ
- ಸಾದಿಕ್‌ ಉಲ್‌ ಅಮೀನ್ (39), ಸೌಂಡ್‌ ಸಿಸ್ಟಮ್‌ ಅಂಗಡಿ, ಶಿವಾಜಿನಗರ

ಎಸ್‌ಡಿಪಿಐಗೆ ಮುಸ್ಲಿಮರ ಬೆಂಬಲ ಇಲ್ಲ: ಭಾಸ್ಕರ್‌ ರಾವ್‌

ಹಲವು ಪ್ರಕರಣಗಳಲ್ಲಿ ಭಾಗಿಯಾಗಿರುವ ಎಸ್‌ಡಿಪಿಐ ಸಂಘಟನೆ ಕಾರ್ಯಕರ್ತರ ಮೇಲಿನ ಮೊಕದ್ದಮೆಯನ್ನು ಹಿಂದಿನ ಕಾಂಗ್ರೆಸ್‌ ಸರಕಾರ ಕೈಬಿಟ್ಟಿದ್ದರಿಂದ ಈ ಸಂಘಟನೆಯ ಚಟುವಟಿಕೆ ಮುಂದುವರಿದಿದೆ.
- ಬಸವರಾಜ ಬೊಮ್ಮಾಯಿ, ಗೃಹ ಸಚಿವ

ಪೌರತ್ವ ತಿದ್ದುಪಡಿ ಕಾಯ್ದೆ ಪರವಾಗಿ ಪ್ರತಿಭಟನೆ ನಡೆಸಿದ್ದ ಆರ್‌ಎಸ್‌ಎಸ್‌ ಕಾರ್ಯಕರ್ತ ವರುಣ್ ಅವರ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿದ್ದ ತಂಡವನ್ನು ಬಂಧಿಸಿ ವಿಚಾರಣೆ ನಡೆಸಿದ ವೇಳೆ, ಈ ಖತರ್ನಾಕ್ ಪ್ಲಾನ್ ಬಯಲಿಗೆ ಬಂದಿದೆ. ಮುಂದೆ ಓದಿ.