ಸಲಿಂಗ ಪ್ರೇಮಿಮಿಗಳ ವಾಟ್ಸಾಪ್‌ ಗ್ರೂಪ್‌ ಮೂಲಕ ಡ್ರಗ್‌ ಮಾರಾಟ ನಾಲ್ವರ ಬಂಧನ

ಬೆಂಗಳೂರು: ಸಲಿಂಗ ಪ್ರೇಮಿಗಳ ವಾಟ್ಸಾಪ್‌ ಗ್ರೂಪ್‌ ಮೂಲಕ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ ಎಂಜಿನಿಯರ್‌ ಮತ್ತು ಬಿ-ಟೆಕ್‌ ವಿದ್ಯಾರ್ಥಿ ಸೇರಿ ನಾಲ್ವರನ್ನು ಮಾದಕ ದ್ರವ್ಯ ನಿಯಂತ್ರಣ ಘಟಕದ ಅಧಿಕಾರಿಗಳು ಬಂಧಿಸಿದ್ದಾರೆ.

ಫೆ.5 ರಂದು ನಡೆಸಿದ್ದ ಕಾರ್ಯಚರಣೆಯಲ್ಲಿ ಘಟಕದ ಅಧಿಕಾರಿಗಳು 16 ಗ್ರಾಂ ತೂಕದ ಎಂಡಿಎಂಎ ಮಾದಕ ವಸ್ತುವನ್ನು ವಶಪಡಿಸಿಕೊಂಡಿದ್ದರು. ಎಂಜಿನಿಯರ್‌ ಮತ್ತು ಎಂಜಿನಿಯರ್‌ ಕಾಲೇಜಿನಲ್ಲಿ ಉಪನ್ಯಾಸಕರಾಗಿರುವ ಒಬ್ಬರ ಬಳಿಯಿಂದ ಈ ಮಾದಕ ವಸ್ತುವನ್ನು ವಶಪಡಿಸಿಕೊಳ್ಳಲಾಗಿತ್ತು. ಇವರನ್ನು ವಿಚಾರಣೆಗೆ ಒಳಪಡಿಸಿದಾಗ ಮುಂಬೈನಲ್ಲಿರುವ ಬಿ-ಟೆಕ್‌ ವಿದ್ಯಾರ್ಥಿಯೊಬ್ಬನ ಮೂಲಕ ಬೆಂಗಳೂರಿಗೆ ಡ್ರಗ್‌ ಬರುತ್ತಿತ್ತು. ದಿಲ್ಲಿಯಲ್ಲಿರುವ ನೈಜೀರಿಯಾ ಪ್ರಜತೆ ಡ್ರಗ್‌ ಅನ್ನು ಬೆಂಗಳೂರಿಗೆ ತಂದು ಕೊಡುತ್ತಿದ್ದ. ಡ್ರಗ್‌ ಮಾರಾಟದಿಂದ ಬಂದ ಹಣವನ್ನು ತ್ರಿಪುರಾ ರಾಜ್ಯದಲ್ಲಿರುವ ಮಹಿಳೆಯೊಬ್ಬರ ಖಾತೆಗೆ ಹಾಕುತ್ತಿದ್ದರು. ಈ ಎಲ್ಲಾ ಸಂಗತಿಗಳು ಬೆಳಕಿಗೆ ಬಂದ ಬಂದ ನಂತರ ನಾಲ್ವರನ್ನು ಬಂಧಿಸಲಾಗಿದೆ ಎಂದು ಘಟಕದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ವಾಟ್ಸಾಪ್‌ ಗ್ರೂಪ್‌ ಸಲಿಂಕ ಪ್ರೇಮಿಗಳದ್ದೇ ಆದ ವಾಟ್ಸಾಪ್‌ ಗ್ರೂಪ್‌ ಇದೆ. ಈ ಗ್ರೂಪಿನ ಮೂಲಕ ಮಾದಕ ವಸ್ತು ಮಾರಾಟ ಮಾಡುವ ಜತೆಗೆ ಸಲಿಂಗ ಪ್ರೇಮಿಗಳು ಎಲ್ಲೆಲ್ಲಿ ನೆಲೆಸಿದ್ದಾರೆ ಎನ್ನುವ ವಿಳಾವನ್ನೂ ಗ್ರೂಪಿನಲ್ಲೇ ವಿನಿಮಯ ಮಾಡಿಕೊಳ್ಳಲಾಗುತ್ತಿತ್ತು. ಆ ಮೂಲಕ ಪರಸ್ಪರ ಸಂಪರ್ಕಕ್ಕೆ ಬಂದು ಸಲಿಂಗ ಪ್ರೇಮದಲ್ಲಿ ತೊಡಗಿದ್ದರು. ಈ ಅನೈಸರ್ಗಿಕ ಲೈಂಗಿಕ ಸಂಪರ್ಕದ ಮೂಲಕ ಏಡ್ಸ್‌ನಂಥಾ ಮಾರಕ ರೋಗ ಕೂಡ ಹರಡುವ ಸಾಧ್ಯತೆಗಳಿವೆ. ಮಾದಕ ವಸ್ತು ಸೇವಿಸಿ ಸಲಿಂಗ ಪ್ರೇಮದಲ್ಲಿ ತೊಡಗುವುದು ನಾನಾ ರೀತಿಯ ಲೈಂಗಿಕ ರೋಗಗಳನ್ನು ಹರಡುತ್ತದೆ ಎಂದೂ ಘಟಕದ ಅಧಿಕಾರಿಗಳು ತಿಳಿಸಿದ್ದಾರೆ.