ಬೆಂಗಳೂರು: ಭಾರಿ ರಿಯಾಯಿತಿ ದರದಲ್ಲಿ ಬ್ರ್ಯಾಂಡೆಡ್ ಬಟ್ಟೆ ಮಾರಾಟದ ಬಗ್ಗೆ ಫೇಸ್ಬುಕ್ನಲ್ಲಿನ ಆಕರ್ಷಕ ಜಾಹೀರಾತುಗಳಿಗೆ ಮರುಳಾಗಿ ಆರ್ಡರ್ ಮಾಡುವ ಮುನ್ನ ಹತ್ತು ಬಾರಿ ಯೋಚಿಸಿ. ಏಕೆಂದರೆ ಫೇಸ್ಬುಕ್ ಜಾಹೀರಾತು ನೋಡಿ 3 ಶರ್ಟ್ಗಳನ್ನು ಆರ್ಡರ್ ಮಾಡಿ 1,067 ರೂ. ಪಾವತಿಸಿದ ನಗರದ ವ್ಯಕ್ತಿಗೆ ಬಳಸಿದ ಹಳೆ ಶರ್ಟ್ ಕಳುಹಿಸಿ ಮೋಸ ಮಾಡಲಾಗಿದೆ. ನಗರದ ನಿವಾಸಿ ಪ್ರವೀಣ್ ಎಂಬುವವರು ಫೇಸ್ಬುಕ್ನಲ್ಲಿ ಸ್ಕ್ರಾಲ್ ಮಾಡುವಾಗ ‘ಮಲ್ಟಿ ಸ್ಟೋರ್ ಬ್ರ್ಯಾಂಡ್’ ‘ಕಾಂಬೋ 3 ಶರ್ಟ್’ ಎಂಬ ಜಾಹೀರಾತು ಕಾಣಿಸಿದೆ. ಲಿಂಕ್ ಕ್ಲಿಕ್ ಮಾಡಿದಾಗ ಆಕರ್ಷಕವಾದ ಶರ್ಟ್ಗಳು ಕಾಣಿಸಿವೆ. ಒಳ್ಳೆಯ ಕಾಟನ್ ಬಟ್ಟೆಗಳೆಂದು ಲಿಂಕ್ ಕ್ಲಿಕ್ ಮಾಡಿದ ಪ್ರವೀಣ್, ಖರೀದಿಸಲು ಕ್ಯಾಶ್ ಆನ್ ಡೆಲಿವರಿ ಆರ್ಡರ್ ಮಾಡಿದ್ದಾರೆ. ಏಪ್ರಿಲ್ 9 ರಂದು ಕೊರಿಯರ್ ಬಂದಿದೆ. ಹಣ ಪಾವತಿಸಿ ಕೊರಿಯರ್ ಕವರ್ ತೆಗೆದಾಗ ಶಾಕ್ ಆಗಿದ್ದಾರೆ. ಏಕೆಂದರೆ, ಆರ್ಡರ್ ಮಾಡುವಾಗ ಆಯ್ಕೆ ಮಾಡಿದ ಶರ್ಟ್ಗಳೇ ಬೇರೆ. ಕೊರಿಯರ್ನಲ್ಲಿ ಕಳುಹಿಸಿದ್ದ ಶರ್ಟ್ಗಳೇ ಬೇರೆ. ಆ ಮೂರು ಶರ್ಟ್ಗಳು ಬಳಕೆ ಮಾಡಿರುವ ಹಳೆ ಶರ್ಟ್ಗಳಾಗಿದ್ದವು.
‘ಹಳೆ ಶರ್ಟ್ಗಳನ್ನು ನೋಡಿ ನನಗೆ ಶಾಕ್ ಆಯಿತು. ಕೂಡಲೇ ಕಸ್ಟಮರ್ ಕೇರ್ ನಂಬರ್ ಸಂಪರ್ಕಿಸಿದೆ. ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ. ಕೊರಿಯರ್ ತಂದಿದ್ದ ವ್ಯಕ್ತಿಗೆ ಕರೆ ಮಾಡಿ ಕೇಳಿದಾಗ, ಕೊರಿಯರ್ ತಲುಪಿಸುವುದಷ್ಟೇ ನಮ್ಮ ಕೆಲಸ. ಒಳಗೆ ಏನಿರುತ್ತದೆ ಎನ್ನುವುದನ್ನು ನೀವು ಕಂಪನಿಯಿಂದ ತಿಳಿದುಕೊಳ್ಳಿ ಎಂದು ಹೇಳಿದರು’ ಎಂದು ಪ್ರವೀಣ್ ತಿಳಿಸಿದರು. ‘ಕೊರಿಯರ್ ಅನ್ನು ಹರಿಯಾಣದಿಂದ ಕಳುಹಿಸಲಾಗಿದೆ. ಸಂಬಂಧಪಟ್ಟ ಲಿಂಕ್ಗೆ ತೆರಳಿ ವಂಚನೆ ಮಾಡಲಾಗುತ್ತಿದೆ ಎಂದು ಕಮೆಂಟ್ ಹಾಕಿದೆ. ಕೂಡಲೇ ನನ್ನನ್ನು ಬ್ಲಾಕ್ ಮಾಡಿದ್ದಾರೆ. ಈಗ ಫೇಸ್ಬುಕ್ನಲ್ಲಿ ಆ ಲಿಂಕ್ ನೋಡಲು ಕೂಡ ಆಗುತ್ತಿಲ್ಲ’ ಎಂದು ಅವರು ದೂರಿದರು. ವಂಚನೆ ಕುರಿತು ಆನ್ಲೈನ್ ಮೂಲಕ ಕೇಂದ್ರ ಸರಕಾರದ ಸೈಬರ್ ಕ್ರೈಂ ಪೋರ್ಟಲ್ಗೆ ಪ್ರವೀಣ್ ದೂರು ನೀಡಿದ್ದಾರೆ.
ಆನ್ಲೈನ್ ಖರೀದಿದಾರರಿಗೆ ಟಿಪ್ಸ್
‘ಹಳೆ ಶರ್ಟ್ಗಳನ್ನು ನೋಡಿ ನನಗೆ ಶಾಕ್ ಆಯಿತು. ಕೂಡಲೇ ಕಸ್ಟಮರ್ ಕೇರ್ ನಂಬರ್ ಸಂಪರ್ಕಿಸಿದೆ. ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ. ಕೊರಿಯರ್ ತಂದಿದ್ದ ವ್ಯಕ್ತಿಗೆ ಕರೆ ಮಾಡಿ ಕೇಳಿದಾಗ, ಕೊರಿಯರ್ ತಲುಪಿಸುವುದಷ್ಟೇ ನಮ್ಮ ಕೆಲಸ. ಒಳಗೆ ಏನಿರುತ್ತದೆ ಎನ್ನುವುದನ್ನು ನೀವು ಕಂಪನಿಯಿಂದ ತಿಳಿದುಕೊಳ್ಳಿ ಎಂದು ಹೇಳಿದರು’ ಎಂದು ಪ್ರವೀಣ್ ತಿಳಿಸಿದರು. ‘ಕೊರಿಯರ್ ಅನ್ನು ಹರಿಯಾಣದಿಂದ ಕಳುಹಿಸಲಾಗಿದೆ. ಸಂಬಂಧಪಟ್ಟ ಲಿಂಕ್ಗೆ ತೆರಳಿ ವಂಚನೆ ಮಾಡಲಾಗುತ್ತಿದೆ ಎಂದು ಕಮೆಂಟ್ ಹಾಕಿದೆ. ಕೂಡಲೇ ನನ್ನನ್ನು ಬ್ಲಾಕ್ ಮಾಡಿದ್ದಾರೆ. ಈಗ ಫೇಸ್ಬುಕ್ನಲ್ಲಿ ಆ ಲಿಂಕ್ ನೋಡಲು ಕೂಡ ಆಗುತ್ತಿಲ್ಲ’ ಎಂದು ಅವರು ದೂರಿದರು. ವಂಚನೆ ಕುರಿತು ಆನ್ಲೈನ್ ಮೂಲಕ ಕೇಂದ್ರ ಸರಕಾರದ ಸೈಬರ್ ಕ್ರೈಂ ಪೋರ್ಟಲ್ಗೆ ಪ್ರವೀಣ್ ದೂರು ನೀಡಿದ್ದಾರೆ.
‘ನನ್ನಂತೆ ಬೇರೆಯವರು ಮೋಸ ಹೋಗಬಾರದು. ಆನ್ಲೈನ್ ಮೂಲಕ ಖರೀದಿ ಮಾಡುವಂತಿದ್ದರೆ ಅಧಿಕೃತ ವೆಬ್ಸೈಟ್ಗಳಿಗೆ ಭೇಟಿ ನೀಡಿ ಪರಿಶೀಲಿಸಿ ಖರೀದಿಸಿ.’
ಆನ್ಲೈನ್ ಖರೀದಿದಾರರಿಗೆ ಟಿಪ್ಸ್
- ವಸ್ತುಗಳ ಮಾರಾಟದ ಬಗ್ಗೆ ಫೇಸ್ಬುಕ್ನಲ್ಲಿ ಬರುವ ಜಾಹೀರಾತುಗಳು ಅಧಿಕೃತ ಕಂಪನಿ ಹೊಂದಿವೆಯೇ ಎಂಬುದನ್ನು ಪರಿಶೀಲಿಸಿ.
- ವೆಬ್ಸೈಟ್ಗಳ ಕುರಿತು ರಿವ್ಯೂ/ಪ್ರತಿಕ್ರಿಯೆ ಗಮನಿಸಿ.
- ಪ್ರತಿಕ್ರಿಯೆಗೆ ಅವಕಾಶ ಇಲ್ಲದ ಶಂಕಾಸ್ಪದ ವೆಬ್ಸೈಟ್ಗಳೊಂದಿಗೆ ವ್ಯವಹಾರ ನಡೆಸಬೇಡಿ.
- ಖರೀದಿಸಿದ ವಸ್ತು ಚೆನ್ನಾಗಿಲ್ಲದಿದ್ದರೆ ರಿಟರ್ನ್ ಮಾಡುವ, ಹಣ ವಾಪಸ್ ಪಡೆಯುವ ಅಪ್ಷನ್ ಇದೆಯೇ ಚೆಕ್ ಮಾಡಿ.