ಬೆಂಗಳೂರು: ಡ್ರಗ್ಸ್‌ ಮಾರಾಟ ಮಾಡುತ್ತಿದ್ದ ನಾಲ್ವರನ್ನು ಬಂಧಿಸಿದ ಜೆಪಿ ನಗರ ಪೊಲೀಸರು

ಬೆಂಗಳೂರು: ನಗರದಲ್ಲಿ ಡ್ರಗ್ಸ್‌ ಮಾರಾಟ ಮಾಡುತ್ತಿದ್ದ ನಾಲ್ವರನ್ನು ಬಂಧಿಸಿದ ಜೆಪಿ ನಗರ ಪೊಲೀಸರು, 2.40 ಲಕ್ಷ ಮೌಲ್ಯದ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಫ್ರೇಜರ್‌ಟೌನ್‌ನ ಮೊಹಮ್ಮದ್‌ ಮುಜಾಮಿಲ್‌ (27), ರಾಜೀವ್‌ ನಗರದ ಸೈಯ್ಯದ್‌ ಸೊಯಾಬುದ್ದೀನ್‌ (27), ಜೆ.ಪಿ.ನಗರ ಸಂತೃಪ್ತ ಲೇಔಟ್‌ನ ರವಿಕುಮಾರ್‌ (46) ಹಾಗೂ ಕಾಚರಕನಹಳ್ಳಿಯ ಡೊಸೊ ಕಲೀಫ (27) ಬಂಧಿತರು. ಆರೋಪಿಗಳಿಂದ 14.84 ಗ್ರಾಂ ತೂಕದ ಕೊಕೇನ್‌, 15 ಗ್ರಾಂ ತೂಕದ ಎಕ್ಟೆಸಿ ಮಾತ್ರೆಗಳು ಹಾಗೂ ಕೃತ್ಯಕ್ಕೆ ಬಳಸುತ್ತಿದ್ದ 6 ಮೊಬೈಲ್‌ಗಳು, 96 ಸಾವಿರ ರೂ. ನಗದು, ಒಂದು ಐಷಾರಾಮಿ ಕಾರು ಮತ್ತು ಬೈಕ್‌ ವಶಪಡಿಸಿಕೊಂಡಿದ್ದಾರೆ.
ಬೆಂಗಳೂರು: ಈ ಹಿಂದೆ ಕಮಿಷನರ್‌ ಆಗಿದ್ದ ಹಿರಿಯ ಪೊಲೀಸ್‌ ಅಧಿಕಾರಿ ವಿರುದ್ಧ ಲೈಂಗಿಕ ಕಿರುಕುಳ ದೂರು ದಾಖಲು..!
ಆರೋಪಿಗಳು ಕೊಕೇನ್‌ ಮತ್ತು ಎಕ್ಟೆಸಿ ಮಾತ್ರೆಗಳನ್ನು ಜೆ.ಪಿ.ನಗರದ 6ನೇ ಹಂತದ ಆರಿಕ್‌ ಬೊಟಿಕ್‌ ಹೋಟೆಲ್‌ನಲ್ಲಿ ಕಳೆದ ನವೆಂಬರ್‌ನಿಂದ ಜನವರಿ ನಡುವೆ ಪ್ರತಿ ವಾರ ರೂಮ್‌ಗಳನ್ನು ಬುಕ್‌ ಮಾಡಿಕೊಂಡು ಸೇವಿಸುತ್ತಿದ್ದರು. ಜತೆಗೆ, ಸಂಘಟಿತ ರೀತಿಯಲ್ಲಿ ಸಾರ್ವಜನಿಕರಿಗೆ ಮಾರಾಟ ಮಾಡಲು ಜಾಲ ರೂಪಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.