ಹೈದರಾಬಾದ್‌: ಕ್ರಿಕೆಟ್‌ ಬೆಟ್ಟಿಂಗ್‌ನಲ್ಲಿ ಮಾಡಿದ ಸಾಲ ತೀರಿಸಲು ಹೆತ್ತ ತಾಯಿ-ಸಹೋದರಿಗೆ ವಿಷವುಣಿಸಿದ ಪಾಪಿ ಮಗ!

ಹೈದರಾಬಾದ್‌: ಇತ್ತೀಚಿನ ದಿನಗಳಲ್ಲಿ ಬೆಟ್ಟಿಂಗ್ ದಂಧೆ ಎಗ್ಗಿಲ್ಲದೆ ಸಾಗುತ್ತಿದೆ. ಅನೇಕರು ಈಗಾಗಲೇ ಬೆಟ್ಟಿಂಗ್‌ ಮಾಡಿಕೊಂಡು ಸಾಲ ತೀರಿಸಲು ಆಗದೆ ಆತ್ಮಹತ್ಯೆಗೆ ಶರಣಾಗುತ್ತಿದ್ದಾರೆ. ಇದೀಗ ಹೈದರಾಬಾದ್‌ನಲ್ಲಿ ಯುಕನೊಬ್ಬ ಬೆಟ್ಟಿಂಗ್‌ನಲ್ಲಿ ಕಳೆದುಕೊಂಡ ಹಣದ ಸಾಲವನ್ನು ತೀರಿಸಲು ಹೆತ್ತ ತಾಯಿ ಹಾಗೂ ಒಡ ಹುಟ್ಟಿದ ತಂಗಿಯನ್ನು ಹತ್ಯೆ ಮಾಡಿದ್ದಾನೆ.

ಈ ಘಟನೆ ತೆಲಂಗಾಣದ ರಾವಲ್‌ಕೊಲ್‌ನ ಮೆದ್ಚಾಲ್‌ ಎಂಬಲ್ಲಿ ನಡೆದಿದೆ. ಸಾಯಿನಾಥ್‌ ರೆಡ್ಡಿ(23) ಎಂಬ ಯುವಕ ಕ್ರಿಕೆಟ್‌ ಬೆಟ್ಟಿಂಗ್‌ನಲ್ಲಿ ಅಪಾರ ಪ್ರಮಾಣದ ಹಣವನ್ನು ಕಳೆದುಕೊಂಡಿದ್ದಾನೆ. ಹಣ ನೀಡುವಂತೆ ಬೆಟ್ಟಿಂಗ್‌ ಮಾಡಿಕೊಂಡಿದ್ದ ಜನರು ಕೇಳುತ್ತಿದ್ದರು. ಆದರೆ ಸಾಯಿನಾಥ್‌ ಬಳಿ ಹಣವಿರಲಿಲ್ಲ. ಹೀಗಾಗಿ ಬೆಟ್ಟಿಂಗ್‌ ಹಣ ತೀರಿಸಲು ತನ್ನ ಕುಟುಂಬದ ಆಸ್ತಿ ಮಾರಲು ಮುಂದಾಗಿದ್ದಾನೆ. ಆಸ್ತಿ ಮಾರಲು ತಾಯಿ ಹಾಗೂ ಸಹೋದರಿ ಅಡ್ಡಿಯಾಗುವ ಸಾಧ್ಯತೆಯನ್ನು ಅರಿತು ಅವರಿಬ್ಬರನ್ನು ಮುಗಿಸಲು ಸ್ಕೆಚ್‌ ಹಾಕಿದ್ದಾನೆ. ಹೀಗಾಗಿ ತಾಯಿ ಪಿ ಸುನಿತಾ(44) ಹಾಗೂ ಸಹೋದರಿ ಅನುಜಾ ರೆಡ್ಡಿ(22)ಗೆ ಆಹಾರದಲ್ಲಿ ವಿಷವನ್ನು ಬೆರೆಸಿ ನೀಡಿದ್ದಾನೆ. ನವೆಂಬರ್‌ 23ರಂದು ಇಬ್ಬರಿಗೆ ವಿಷ ನೀಡಿ ಹತ್ಯೆ ಮಾಡಿದ್ದಾನೆ.

ಸಿಕ್ಕಿ ಬಿದ್ದಿದ್ದು ಹೇಗೆ?
ಘಟನೆ ಬಗ್ಗೆ ಪರಿಶೀಲನೆ ನಡೆಸಿದಾಗ ಪೊಲೀಸರಿಗೆ ಹತ್ಯೆಯ ವಾಸನೆ ಬಡಿದಿದೆ. ಹೀಗಾಗಿ ಸಾಯಿನಾಥ್‌ನನ್ನು ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಈ ವೇಳೆ ಯುವಕ ತಾನೇ ವಿಷ ಹಾಕಿ ಕೊಂದಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಪೊಲೀಸ್‌ ಮೂಲಗಳ ಪ್ರಕಾರ, ಸಾಯಿನಾಥ್‌ ತಂದೆ ಕೆಲವು ತಿಂಗಳ ಹಿಂದೆ ಸಾವನಪ್ಪಿದ್ದರಂತೆ. ಆದಾದ ನಂತರ ಯುವಕ ಬೆಟ್ಟಿಂಗ್‌ ದಂಧೆಯಲ್ಲಿ ಭಾಗಿಯಾಗಿ ಹಣ ಕಳೆದುಕೊಂಡಿದ್ದ ಅಂತೆ. ಮೊದಮೊದಲು ಸಾಯಿನಾಥ್ ತಂದೆಯ ವಿಮೆಯಿಂದ ಬಂದ ಹಣ ತಾಯಿ ಖಾತೆಯಲ್ಲಿ ಇತ್ತಂತೆ, ಈ ಹಣವನ್ನು ಖಾಲಿ ಮಾಡಿದ ನಂತರ ಆತ ಸಾಲಗಾರನಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಇಬ್ಬರು ಪುಟ್ಟಮಕ್ಕಳ ಜತೆ ತಾಯಿ ಆತ್ಮಹತ್ಯೆ