ಬೆಂಗಳೂರು: ಮಗಳಿಗೆ ನಿದ್ದೆ ಮಾತ್ರೆ ನೀಡಿ, ಪಾಪಿ ತಂದೆಯಿಂದಲೇ ಅತ್ಯಾಚಾರ!

ಬೆಂಗಳೂರು: 19 ವರ್ಷದ ಮಗಳ ಮೇಲೆ 41 ವರ್ಷದ ತಂದೆಯಿಂದ ಅತ್ಯಾಚಾರ ನಡೆದಿರುವುದಾಗಿ ದೂರು ದಾಖಲಾಗಿದೆ. ಸಂತ್ರಸ್ತೆಯ ಗೆಳತಿಯರು ನೀಡಿದ ಮಾಹಿತಿ ಮೇರೆಗೆ ಪೊಲೀಸರು ಕಾನೂನು ಕ್ರಮ ಜರುಗಿಸಿದ್ದಾರೆ. ಕೆಮ್ಮು, ಜ್ವರ ಇದ್ದ ಮಗಳಿಗೆ ರೋಗದ ಮಾತ್ರೆ ಬದಲಿಗೆ ನಿದ್ರೆ ಮಾತ್ರೆ ನೀಡಿ ಅತ್ಯಾಚಾರ ಎಸಗಿದ ಆರೋಪದ ಮೇಲೆ ಪ್ರಕರಣ ದಾಖಲಾಗಿದೆ.

ತಂದೆ ರಾಕೇಶ್‌ ಹಾಗೂ ಮಲತಾಯಿ ಜೊತೆ ವಾಸವಿದ್ದ ಸಂತ್ರಸ್ತೆಗೆ ಜೂ 23 ರ ತಡರಾತ್ರಿ ಕೆಮ್ಮು, ನೆಗಡಿ ಕಾಣಿಸಿಕೊಂಡಿತ್ತು. ನಸುಕಿನಲ್ಲಿ ಮಾತ್ರೆ ನುಂಗಿ ಮಲಗಿದ್ದ ಸಂತ್ರಸ್ತೆಗೆ 24ರಂದು ಬೆಳಗ್ಗೆ ಎಚ್ಚರವಾದಾಗ ಆಕೆಯ ಅಂಗಾಂಗಳನ್ನು ಯಾರೋ ಮುಟ್ಟುತ್ತಿರುವ ಅನುಭವ ಆಗಿತ್ತು. ಕಣ್ಣು ಬಿಟ್ಟ ಸಂತ್ರಸ್ತೆ ಆಘಾತಗೊಂಡಿದ್ದು, ತಂದೆ ಪಕ್ಕದಲ್ಲೇ ಮಲಗಿದ್ದ.

ಇನ್ನು ತಂದೆ ಅತ್ಯಾಚಾರ ಎಸಗಿರುವ ಬಗ್ಗೆ ಮಲತಾಯಿ ಬಳಿ ಹೇಳಿಕೊಂಡಿದ್ದರು. ಆದರೂ ಮಲತಾಯಿ ತಲೆಕೆಡಿಸಿಕೊಂಡಿರಲಿಲ್ಲ. ಬಳಿಕ ಸ್ನೇಹಿತರ ಬಳಿ ಸಂತ್ರಸ್ತೆ ಸಂಕಟ ತೋಡಿಕೊಂಡಿದ್ದರು. ಸ್ನೇಹಿತರೇ ಪೊಲೀಸರಿಗೆ ಮಾಹಿತಿ ನೀಡಿ ಸೂಕ್ಷ್ಮವಾಗಿ ಪ್ರಕರಣ ನಿರ್ವಹಿಸುವಂತೆ ಕೋರಿದ್ದರು.

ಲೈಜಾಲ್‌ ಕುಡಿದ ಸಂತ್ರಸ್ತೆ!
ಅತ್ತ ಪೊಲೀಸರಿಗೆ ಮಾಹಿತಿ ತಿಳಿಯುತ್ತಿದ್ದಂತೆಯೇ ಇತ್ತ ಸಂತ್ರಸ್ತೆ ಭಯದಿಂದ ಲೈಜಾಲ್‌ ಕುಡಿದು ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ. ಅದೇ ಹೊತ್ತಿಗೆ ಮನೆಗೆ ಬಂದ ಪೊಲೀಸರು, ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿ ತನಿಖೆ ಮುಂದುವರಿಸಿದ್ದಾರೆ. ಅತ್ಯಾಚಾರ ಪ್ರಕರಣ ದಾಖಲಿಸಿಕೊಂಡಿರುವ ಬೆಳ್ಳಂದೂರು ಪೊಲೀಸರು, ಆರೋಪಿ ತಂದೆಯ ಬಂಧನಕ್ಕೆ ಮುಂದಾಗಿದ್ದಾರೆ.

ತೆಲಂಗಾಣದ ಡಿಸಿಎಂಗೆ ಕೊರೊನಾ ಪಾಸಿಟಿವ್..! ರಾಜಕಾರಣಿಗಳಲ್ಲಿ ಹೆಚ್ಚಿದ ಆತಂಕ