ನಾಯಿಗಳಿಗೆ ಸಾಮೂಹಿಕ ವಿಷ ಪ್ರಾಶನ

ಬೆಂಗಳೂರು : 20 ಬೀದಿನಾಯಿಗಳಿಗೆ ವಿಷ ಹಾಕಿರುವ ಅಮಾನವೀಯ ಘಟನೆ ಬಿಟಿಎಂ ಲೇಔಟ್‌ನಲ್ಲಿ ನಡೆದಿದೆ.

ಕೃತ್ಯದ ವಿರುದ್ಧ ಪ್ರಾಣಿ ಹಿಂಸೆ ತಡೆ ಕಾಯಿದೆ ಅಡಿಯಲ್ಲಿ ಕೇಸು ದಾಖಲಿಸಿರುವ ಪೊಲೀಸರು ಆರೋಪಿಗಳ ಪತ್ತೆಗೆ ಘಟನಾ ಸ್ಥಳದ ಸುತ್ತ ಮುತ್ತ ಇರುವ ಸಿಸಿಟಿವಿಗಳ ನೆರವು ಪಡೆಯುತ್ತಿದ್ದಾರೆ.

ಬಿಟಿಎಂ ಲೇಔಟ್‌ನ 2ನೇ ಹಂತದ 16ನೇ ಮುಖ್ಯರಸ್ತೆಯಲ್ಲಿ ಅ. 28 ರಂದು ಘಟನೆ ನಡೆದಿದೆ. ವಿಷ ಬೆರೆಸಿದ ಪ್ಯಾಕೆಟ್‌ಗಳಲ್ಲಿ ಊಟವನ್ನು ಇಡಲಾಗಿತ್ತು. ಅದನ್ನು ಸೇವಿಸಿದ್ದ ನಾಯಿಗಳ ರಸ್ತೆಯಲ್ಲಿ ಬಿದ್ದು ಒದ್ದಾಡಿದ್ದು. ಸ್ಥಳೀಯರು ತಕ್ಷಣ ಪಶು ವೈದ್ಯರಿಗೆ ವೈದ್ಯರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದರು. ಸ್ಥಳಕ್ಕೆ ಧಾವಿಸಿದ ವೈದ್ಯ ಎ.ಕೆ.ಉಸ್ಮಾನಿ, ಇದ್ದಿಲು ಬೆರೆಸಿದ ನೀರನ್ನು ನಾಯಿಗಳಿಗೆ ಕುಡಿಸಿ ಹೊಟ್ಟೆ ಶುಚಿ ಮಾಡಿಸಿದ್ದರೂ ಒಂದು ನಾಯಿ ಸತ್ತಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಸ್ಥಳದಲ್ಲಿ ಸಿಕ್ಕ ಆಹಾರವನ್ನು ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿ ವರದಿ ಕೇಳಿದ್ದಾರೆ. ಯಾರು ವಿಷ ಇಟ್ಟರು ಎನ್ನುವ ಬಗ್ಗೆ ಸಾರ್ವಜನಿಕರು ಪೊಲೀಸರಿಗೆ ಮಾಹಿತಿ ನೀಡುತ್ತಿಲ್ಲ ಎನ್ನಲಾಗಿದೆ.