ಜೈಲಿನಲ್ಲಿ ಕೈದಿಗಳ ಬಡಿದಾಟ

ಬೆಂಗಳೂರು: ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಲ್ಲಿ ಊಟ ಮಾಡುವ ವೇಳೆ ಇಬ್ಬರು ಸಜಾ ಬಂದಿಗಳ ನಡುವೆ ಉಂಟಾದ ಜಗಳದಲ್ಲಿ ಒಬ್ಬನಿಗೆ ಗಂಭೀರ ಗಾಯಗಳಾಗಿದ್ದು, ವಿಕ್ಟೋರಿಯಾ ಆಸ್ಪತ್ರೆಗೆ ಸೇರಿಸಲಾಗಿದೆ.

ಗಾಯಾಳು ಕಾಮಣ್ಣ (23) ಗಾಯಗೊಂಡವರು. ಹಲ್ಲೆ ಮಾಡಿದ ಆರೋಪಿ ಕೈದಿ ಚೌಡಪ್ಪ(28) ವಿರುದ್ಧ ಜೈಲು ಮುಖ್ಯ ಅಧೀಕ್ಷಕ ಎಂ.ಸೋಮಶೇಖರ್‌ ಅವರು ಪರಪ್ಪನ ಅಗ್ರಹಾರ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.

ಜ.21ರಂದು ಊಟ ವಿತರಿಸುವ ವೇಳೆ ಚೌಡಪ್ಪ ಮತ್ತು ಕಾಮಣ್ಣನ ನಡುವೆ ಊಟದ ವಿಚಾರಕ್ಕೆ ಜಗಳವಾಗಿದೆ. ಈ ವೇಳೆ ಕುಪಿತಗೊಂಡ ಚೌಡಪ್ಪ, ಕಾಮಣ್ಣನ ಮೇಲೆ ದಾಳಿ ನಡೆಸಿ ಹಲ್ಲೆ ನಡೆಸಿದ್ದು, ಜೈಲು ಸಿಬ್ಬಂದಿ ಜಗಳ ಬಿಡಿಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.