ವ್ಯಾಸಂಗಕ್ಕೆ ಬಂದಿದ್ದ ಸುಡಾನ್‌ ಪ್ರಜೆಯ ಕೊಲೆ

ವಿಕ ಸುದ್ದಿಲೋಕ ಬೆಂಗಳೂರು

ನಗರದಲ್ಲಿವ್ಯಾಸಂಗ ಮಾಡಲು ಬಂದಿದ್ದ ಸುಡಾನ್‌ ಪ್ರಜೆಯನ್ನು ಚಾಕುವಿನಿಂದ ಇರಿದು ಕೊಲೆ ಮಾಡಲಾಗಿದೆ.

ಮೊನ್ಯಾಟೊಕ್‌ ಅಲಿಯಾಸ್‌ ಕ್ರಿಸ್‌ (28) ಕೊಲೆಯಾದವರು.

ಕೆ.ಜಿ. ಹಳ್ಳಿಯ ಶಾಂಪುರ ರೈಲ್ವೆ ಗೇಟ್‌ ಬಳಿ ಸೆ.27ರಂದು ತಡರಾತ್ರಿ 1 ಗಂಟೆ ಸುಮಾರಿಗೆ ರಕ್ತದ ಮಡುವಿನಲ್ಲಿಬಿದ್ದಿದ್ದ ಕ್ರಿಸ್‌ನನ್ನು ಆತನ ಸ್ನೇಹಿತರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಚಿಕಿತ್ಸೆ ಫಲಿಸದೆ ಶನಿವಾರ ಬೆಳಗ್ಗೆ ಆತ ಮೃತಪಟ್ಟಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಖಾಸಗಿ ಕಾಲೇಜಿನಲ್ಲಿಫಾರ್ಮಸಿ ಓದುತ್ತಿದ್ದ ಕ್ರಿಸ್‌, ಹೆಗಡೆನಗರದಲ್ಲಿಸ್ನೇಹಿತರ ಜತೆ ವಾಸವಿದ್ದ. ಗುರುವಾರ ರಾತ್ರಿ ಹೊರಗಡೆ ಹೋಗುವುದಾಗಿ ಸ್ನೇಹಿತರಿಗೆ ತಿಳಿಸಿ ಹೋಗಿದ್ದ. ಮನೆಗೆ ಮರಳುವಾಗ ರೈಲ್ವೆ ಗೇಟ್‌ ಬಳಿ ದುಷ್ಕರ್ಮಿಗಳ ಜತೆ ಜಗಳವಾಗಿದೆ. ಆಗ ಆತನಿಗೆ ಚಾಕುವಿನಿಂದ ಇರಿದ ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ.

ಕೊಲೆಯ ಹಿಂದೆ ಸ್ಥಳೀಯರ ಕೈವಾಡ ಇರುವ ಶಂಕೆ ಇದೆ. ಕೆ.ಜಿ.ಹಳ್ಳಿ ಠಾಣೆಯಲ್ಲಿಪ್ರಕರಣ ದಾಖಲಿಸಿಕೊಂಡು ಹಂತಕರ ಪತ್ತೆಗೆ ಬಲೆ ಬೀಸಲಾಗಿದೆ ಎಂದು ಪೊಲೀಸ್‌ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.