ವಿಕಲಚೇತನರು ಸಮಾಜದ ಮುಖ್ಯವಾಹಿನಿಗೆ ಬರಲಿ

ಚನ್ನಗಿರಿ: ವಿಕಲ ಚೇತನ ಮಕ್ಕಳು ಎಲ್ಲರಂತೆ ಸಮಾಜದ ಮುಖ್ಯವಾಹಿನಿಗೆ ಬರಲು ಸಮಾಜದ ಜನರು ಪ್ರೀತಿ ತೋರಿಸಬೇಕು ಎಂದು ಜಿಲ್ಲಾಧಿಕಾರಿ ಡಿ.ಎಸ್‌.ರಮೇಶ್‌ ಹೇಳಿದರು.

ಮಂಗಳವಾರ ಸ್ಪೂರ್ತಿ ಸಂಸ್ಥೆ ,ವಿಕಲ ಚೇತನರ ಮತ್ತು ಹಿರಿಯ ನಾಗರೀಕರ ಸಬಲೀಕರಣ ಇಲಾಖೆ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ, ತಾಲೂಕು ಆಡಳಿತದ ಆಶ್ರಯದಲ್ಲಿ ಪಟ್ಟಣದ ಕಗತೂರು ರಸ್ತೆಯ ಜೀವ ಪುನರಶ್ಚೇತನ ಕೇಂದ್ರದ ಅವರಣದಲ್ಲಿ ವಾಕ್‌ ಮತ್ತು ಶ್ರವಣ ದೋಷವುಳ್ಳ ಮಕ್ಕಳ ದಿನಾಚರಣೆ ಪ್ರಯುಕ್ತ ನಡೆದ ಕಾರ‍್ಯಕ್ರಮದಲ್ಲಿ ವಿಕಲ ಚೇತನ ಮಕ್ಕಳಿಗೆ ಸಾಧನ ಸಲಕರಣೆ ವಿತರಿಸಿ ಮಾತನಾಡಿದರು.

ವಿಕಲ ಚೇತನ ಮಕ್ಕಳಲ್ಲಿ ಅಗಾಧÜ ಬುದ್ದಿ ಶಕ್ತಿ ಇದ್ದು ಅಂಥ ಮಕ್ಕಳನ್ನು ಬೇರೆ ಎಂದು ಎಣೀಸದೇ ಸಮುದಾಯದಲ್ಲಿ ಗುರುತಿಸುವ ಕೆಲಸ ಮಾಡಬೇಕು ಎಂದು ತಿಳಿಸಿದರು.

ಜೀವ ಕೇಂದ್ರ ಉದ್ಘಾಟಿಸಿದ ಶಾಸಕ ವಡ್ನಾಳ್‌ ರಾಜಣ್ಣ ಮಾತನಾಡಿದರು.

ಈ ಸಂಸ್ಥೆಯು 6 ವರ್ಷದೊಳಗಿನ ವಿಕಲ ಚೇತನಗೆ ಪ್ರಾರಂಭದಲ್ಲಿಯೇ ಉತ್ತಮ ತರಬೇತಿಯನ್ನು ನೀಡುವ ಮೂಲಕ ಸಮಾಜದ ಮುಖ್ಯವಾಹಿನಿಗೆ ತರಲು ಪ್ರಯತ್ನಿಸುತ್ತಿರುವುದು ಶ್ಲಾಘನೀಯ ಎಂದು ತಿಳಿಸಿದರು. ಪುರಸಭೆ ಅಧ್ಯಕ್ಷ ಹಾಲೇಶ್‌, ಜಿ.ಪಂ. ಸದಸ್ಯ ತೇಜಸ್ವಿ ಪಟೇಲ್‌, ಎಂ.ಯೋಗೀಶ್‌, ಲೋಕೇಶಪ್ಪ, ತಹಸೀಲ್ದಾರ್‌ ಪದ್ಮಕುಮಾರಿ, ಸಾರ್ವಜನಿಕ ಶಿಕ್ಷ ಣ ಇಲಾಖೆಯ ಉಪನಿರ್ದೇಶಕಿ ಪ್ರೇಮಾ, ಸ್ಪೂರ್ತಿ ಸಂಸ್ಥೆಯ ನಿರೂಪಣಾ ನಿರ್ದೇಶಕಿ ಎಂ.ರೇಣುಕಾ, ರಾಜೇಶ್ವರಿ, ಶಿಶು ಅಭಿವೃದ್ಧಿ ಅಧಿಕಾರಿ ಸದಾನಂದ್‌, ತಾಲೂಕು ಸುಗ್ರಾಮ ಒಕ್ಕೂಟದ ಅಧ್ಯಕ್ಷೆ ಸಾಹೀರಾಭಾನು, ರಾಜ್ಯ ಮಕ್ಕಳ ಅಯೋಗದ ಸದಸ್ಯ ರೂಪನಾಯ್ಕ ಇತರರು ಹಾಜರಿದ್ದರು.