ಚಿಕ್ಕಬೆನ್ನೂರು ಕೆರೆ ಕಾಮಗಾರಿ ಶಾಸಕ ವೀಕ್ಷಣೆ

ಸಂತೆಬೆನ್ನೂರು: ಶ್ರೀ ಧರ್ಮಸ್ಥಳ ಸಂಸ್ಥೆ ಕೆರೆ ಹೂಳು ತೆಗೆಯುವ ಯೋಜನೆ ಪಾರದರ್ಶಕದಿಂದ ನಿರ್ವಹಿಸಿರುವ ರೀತಿ ಸರಕಾರವು ಯೋಜನೆಯಲ್ಲಿ ಅನುಷ್ಠಾನ ತರಲು ಯತ್ನಿಸುತ್ತಿದೆ ಎಂದು ಶಾಸಕ ವಡ್ನಾಳ್‌ ರಾಜಣ್ಣ ಹೇಳಿದರು.

ಸಮೀಪದ ಚಿಕ್ಕಬೆನ್ನೂರಿನ ಕೆರೆ ಹೂಳು ತೆಗೆಯುವ ಸ್ಥಳ ಭಾನುವಾರ ವೀಕ್ಷಣೆ ಮಾಡಿ,ಮಾತನಾಡಿದರು.

ಸರಕಾರವು ಜಿಲ್ಲೆಯಲ್ಲಿ ಒಂದು ಕೆರೆಯನ್ನು 'ನಮ್ಮ ಊರು, ನಮ್ಮ ಕೆರೆ' ಯೋಜನೆಯಡಿ ಆಯ್ಕೆ ಮಾಡಿ ಹೂಳು ತೆಗೆಯುತ್ತಿದೆ. ಚಿಕ್ಕಬೆನ್ನೂರಿನ ಕೆರೆ ಹೂಳು ತೆಗೆಯುವದರಿಂದ ರೈತರಿಗೆ ಅನುಕೂಲವಾಗಿದ್ದು ಮತ್ತು ದನ-ಕರು, ಪಕ್ಷಿಗಳಿಗೆ ಉಪಯುಕ್ತವಾಗಿ, ಅಂತರ್ಜಲ ಹೆಚ್ಚಲು ಸಾಧ್ಯವಾಗಿದೆ ಎಂದು ಹೇಳಿದರು.

ಸಂಸ್ಥೆಯ ಯೋಜನಾಧಿಕಾರಿ ಮಾತಾನಾಡಿ, 16 ದಿನಗಳಲ್ಲಿ 11.700 ಲೋಡ್‌ ಹೂಳು ತೆಗೆದಿದ್ದು ಸುಮಾರು 7.26.000 ಹಣ ಖರ್ಚಾಗಿದೆ. ಸುಮಾರು 10 ಎಕರೆ ವಿಸ್ತಿರ್ಣದಷ್ಟು ಹೂಳು ತೆಗೆದು ತಿಂಗಳ 31ನೇ ತಾರೀಖಿಗೆ ಪೂರ್ಣಗೊಳಿಸುತ್ತೇವೆ ಎಂದು ಮಾಹಿತಿ ನೀಡಿದರು.

ಸಂಸ್ಥೆಯ ಮೇಲ್ವಿ ಚಾರಕ ನಾಗೇಶ್‌, ಮಹಾಬಲೇಶ್‌, ವರ್ತಕ ಸಿರಾಜ್‌ ಅಹಮದ್‌, ಶಿಕ್ಷ ಕ ಎಂ.ಬಿ.ನಾಗರಾಜ್‌ ಕಾಕನೂರು, ಎಂ.ಸಿದ್ದಪ್ಪ, ಗೌಡ್ರು ಪ್ರಸನ್ನ ಕೆರೆ ಏರಿ ಸಮಿತಿ ಅಧ್ಯಕ್ಷ ಚಂದ್ರುಗೌಡ, ಕಾಂತೇಶ್‌, ನಿರಂಜನ್‌, ರಮತ್‌ವುಲ್ಲ ಇತರರು ಉಪಸ್ಥಿತರಿದ್ದರು.