ಮಾರಿಕಾಂಬ ದೇವಿ ಗದ್ದುಗೆ ಉದ್ಘಾಟನೆ

ಹೊನ್ನಾಳಿ: ಪಟ್ಟಣದ ಮಾರಿಕಾಂಬ ದೇವಿಯ ನೂತನ ಗದ್ದುಗೆ ಉದ್ಘಾಟನೆ ಹಾಗೂ ಮಾರಿಕಾಂಬ ದೇವಿಯ ಪ್ರತಿಷ್ಠಾಪನೆ ಸಮಾರಂಭವು ಮೇ 2ರಂದು ಬೆಳಗ್ಗೆ 11 ಗಂಟೆಗೆ ನಡೆಯಲಿದೆ ಎಂದು ಮಾರಿಕಾಂಬ ದೇವಾಲಯದ ಸಮಿತಿ ಮುಖಂಡ ಎಚ್‌.ಬಿ.ಗಿಡ್ಡಪ್ಪ ತಿಳಿಸಿದ್ದಾರೆ.

ಕಾರ‍್ಯಕ್ರಮದಂಗ ಕಳಸಾರೋಹಣ, ಗಣಪತಿ ನವಗ್ರಹ ಮೂರ್ತಿಗಳ ಪ್ರತಿಷ್ಠಾಪನೆ, ಚಂಡಿಕಾ ಹೋಮ, ತುಂಗ ಭದ್ರಾನದಿ ಗಂಗಾ ಪೂಜಾ ಮೆರವಣಿಗೆ ಹಮ್ಮಿಕೊಳ್ಳಲಾಗಿದೆ.

ಈ ಸಮಾರಂಭಕ್ಕೆ ಕಾಗಿನೆಲೆ ಶ್ರೀ ನಿರಂಜನಾನಂದ ಪುರಿ ಸ್ವಾಮೀಜಿ, ಹೊಸದುರ್ಗದ ಶ್ರೀ ಈಶ್ವರಾನಂದ ಪುರಿ ಸ್ವಾಮೀಜಿ, ಹೊನ್ನಾಳಿ ಹಿರೇಕಲ್ಮಠದ ಶ್ರೀ ಚನ್ನಮಲ್ಲಿಕಾರ್ಜುನ ಸ್ವಾಮೀಜಿ ಆಗಮಿಸುವರು. ಮೇ 1ರ ರಾತ್ರಿ ಅರಬಗಗಟ್ಟೆ ನರಸಿಂಹಚಾರ ಅವರಿಂದ ಸಂಗೀತ ನಡೆಯಲಿದೆ ಎಂದು ಪ್ರಕಟಣೆಯಲ್ಲಿ ಹೇಳಿದ್ದಾರೆ.