ಬಸ್‌ ಡಿಕ್ಕಿ ಮಹಿಳೆ ಸಾವು

ದಾವಣಗೆರೆ: ಚಲಿಸುತ್ತಿದ್ದ ಬೈಕ್‌ಗೆ ಹಿಂಬದಿಯಿಂದ ಬಂದ ಬಸ್‌ ಡಿಕ್ಕಿ ಹೊಡೆದ ಪರಿಣಾಮ ಮಹಿಳೆಯೊಬ್ಬಳು ಮೃತಪಟ್ಟಿರುವ ಘಟನೆ ಭಾನುವಾರ ನಗರದ ಡಿಸಿಎಂ ರೈಲ್ವೆ ಸೇತುವೆ ಬಳಿ ನಡೆದಿದೆ.

ಚನ್ನಗಿರಿ ತಾಲೂಕಿನ ಮರಡಿ ಗ್ರಾಮದ ನಾಗರತ್ನ (44) ಮೃತ ದುರ್ದೈವಿ. ಸುರೇಶ್‌ ಮತ್ತು ನಾಗರತ್ನ ದಂಪತಿಗಳು ಮಗಳ ಮದುವೆ ಕುರಿತು ದಿನಾಂಕ ನಿಗದಿ ಪಡಿಸುವುದಕ್ಕೆ ಪುರೋಹಿತರ ಬಳಿ ಬಂದಿದ್ದರು. ವಾಪಸ್‌ ಹೋಗುವ ವೇಳೆ ಡಿಸಿಎಂ ರೈಲ್ವೆ ಸೇತುವೆ ಬಳಿ ಬೈಕ್‌ನಲ್ಲಿ ಸಂಚರಿಸುತ್ತಿದ್ದಾಗ ಹಿಂಬದಿಯಿಂದ ಬಂದ ಕೆಎಸ್‌ಆರ್‌ಟಿಸಿ ಬಸ್‌ ಡಿಕ್ಕಿ ಹೊಡೆದಿದೆ. ನಾಗರತ್ನಮ್ಮ ತಲೆ ಮೇಲೆ ಬಸ್‌ ಹರಿದುಹೋಗಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ಗಭೀರ ಗಾಯಗೊಂಡಿದ್ದ ಸುರೇಶ್‌ ಅವರನ್ನು ಸಿಜಿ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದೆ. ಸಂಚಾರಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.