ಭಾರಿ ಮಳೆಗಾಳಿಗೆ ಧರೆಗುರುಳಿದ 13 ವಿದ್ಯುತ್‌ ಕಂಬ

ಮಲೆಬೆನ್ನೂರು : ಮಲೆಬೆನ್ನೂರು ಹಾಗೂ ಸುತ್ತಲಿನ ಗ್ರಾಮಗಳಲ್ಲಿ ಶನಿವಾರ ರಾತ್ರಿ ಗುಡುಗು, ಮಿಂಚು, ಆಲಿಕಲ್ಲು ಸಹಿತ ಭಾರಿ ಮಳೆ ಸುರಿಯಿತು.

ಮಳೆಗೆ 13ಕ್ಕೂ ಹೆಚ್ಚು ವಿದ್ಯುತ್‌ ಕಂಬಗಳು ಧರೆಗುರುಳಿದ್ದು, ಮಲೆಬೆನ್ನೂರು ವಿದ್ಯುತ್‌ ವಿತರಣ ಕೇಂದ್ರದಿಂದ ಸರಬರಾಜಾಗುವ 35 ಹಳ್ಳಿಗಳಲ್ಲಿ ವಿದ್ಯುತ್‌ ಕಡಿತವುಂಟಾಗಿ ಗ್ರಾಮಗಳು ಕತ್ತಲಲ್ಲಿ ಮುಳುಗಿವೆ. ಮಲೆಬೆನ್ನೂರಿನಲ್ಲಿ 2, ಮೂಗಿನಗೊಂದಿಯಲ್ಲಿ 4, ಮಲ್ಲನಾಯ್ಕನಹಳ್ಳಿಯಲ್ಲಿ 4, ಹಳ್ಳಿಹಾಳ್‌ನಲ್ಲಿ 3 ವಿದ್ಯುತ್‌ ಕಂಬಗಳು ಧರೆಗುರುಳಿವೆ. ಆಲಿಕಲ್ಲು ಮಳೆ ಹೊಡೆತ ಹೆಚ್ಚಿತ್ತು. ಇಂದು ಸುರಿದ ಮಳೆ ಭತ್ತದ ಬೆಳೆಗೆ ಸ್ವಲ್ಪ ಮಟ್ಟಿಗೆ ಅನುಕೂಲವಾಗಿದೆ ಎಂದು ರೈತರು ತಿಳಿಸಿದ್ದಾರೆ.