ಬಿಬಿಎಂಪಿ ಇಂಜಿನಿಯರ್ ಮನೆಗೆ ಎಸಿಬಿ ದಾಳಿ: ₹3.98 ಕೋಟಿ ಮೌಲ್ಯದ ಆಸ್ತಿ ಪತ್ತೆ

ದಾವಣಗೆರೆ : ಬೆಂಗಳೂರಿನ ಬಿಬಿಎಂಪಿ ಎಇಇ ಇಂಜಿನಿಯರ್ ಸಿ.ಎ.ಆಂಜಿನಪ್ಪನವರ ಮನೆ ಮೇಲೆ ಶುಕ್ರವಾರ ಬೆಳಗ್ಗೆಯಿಂದ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದು, ಒಟ್ಟು 3.98 ಕೋಟಿ ರೂಪಾಯಿ ಮೌಲ್ಯದ ಅಕ್ರಮ ಆಸ್ತಿ ಪತ್ತೆಯಾಗಿದೆ.

ಸಿ.ಎ.ಅಂಜಿನಪ್ಪನವರ ಮನೆ ಸೇರಿದಂತೆ ರಾಜ್ಯದ 4 ಕಡೆ ದಾಳಿ ನಡೆದಿದೆ. ಮೂಲತಃ ದಾವಣಗೆರೆ ತಾಲೂಕಿನ ಲೋಕಿಕೆರೆ ಗ್ರಾಮ ನಿವಾಸಿ. ಲೋಕಿಕೆರೆ ಗ್ರಾಮದ ಮನೆಯ ಮೇಲೆ ನೆನ್ನೆ ಬೆಳ್ಳಂಬೆಳಗ್ಗೆ ಎಸಿಬಿ ತಂಡ ದಾಳಿ ನಡೆಸಿತ್ತು. ಬೆಂಗಳೂರಿನ ಜೀವನ್ ಭೀಮ್ ನಗರದ ಕ್ವಾರ್ಟಸ್, ಚನ್ನಗಿರಿ ತಾಲೂಕಿನ ಎರೇಹಳ್ಳಿ ಗ್ರಾಮದ ಮನೆ ಸೇರಿ 4 ಕಡೆ ದಾಳಿ ಏಕಕಾಲಕ್ಕೆ ದಾಳಿ ನಡೆದಿದೆ.

ದಾವಣಗೆರೆ ಎಸಿಬಿ ಎಸ್ಪಿ ಜಯಪ್ರಕಾಶ ನೇತೃತ್ವದಲ್ಲಿ ದಾಳಿ ನಡೆಸಿದ್ದು, ಒಟ್ಟು 3.98 ಕೋಟಿ ಮೌಲ್ಯದ ಅಕ್ರಮ ಆಸ್ತಿ ಪತ್ತೆಯಾಗಿದೆ. ₹35 ಲಕ್ಷ ನಗದು, 1.2ಕೆ.ಜಿ. ಚಿನ್ನಾಭರಣ, 9ಕೆ.ಜಿ. ಬೆಳ್ಳಿ ಸಾಮಗ್ರಿ, 73 ಲಕ್ಷ ರೂ. ಮೌಲ್ಯದ 15ಎಕರೆ 20 ಗುಂಟೆ ಎಕರೆ ಅಡಕೆತೋಟ, ರೂ 44.30 ಲಕ್ಷ ರೂಪಾಯಿ ಮೌಲ್ಯದ ಕಾರು, ಬೈಕ್, ಗೃಹಬಳಕೆ ವಸ್ತುಗಳು ಪತ್ತೆಯಾಗಿವೆ.

ಬಿಬಿಎಂಪಿ ಎಂಜಿನಿಯರ್ ಆಂಜಿನಪ್ಪ ಮನೆಗಳ ಮೇಲೆ ಎಸಿಬಿ ದಾಳಿ, ಕಂತೆ ಕಂತೆ ಹಣ-ವಾಹನಗಳು ಪತ್ತೆ!

ದಾವಣಗೆರೆ ಪೂರ್ವವಲಯ ಎಸ್ಪಿ ಜಯಪ್ರಕಾಶ್‌ನೇತೃತ್ವದಲ್ಲಿ ನಡೆದಿದ್ದು, ಡಿಎಸ್ಪಿ ಎಚ್.ಎಸ್.ಪರಮೇಶ್ವರ, ಬಸವರಾಜ್‌ಮಗದಮ್, ಲೋಕೇಶ್, ಇನ್ಸ್‌ಪೆಕ್ಟರ್‌ಗಳಾದ ಮಧುಸೂಧನ್, ಸುದರ್ಶನ್, ಪಟ್ಟಣಕುಡೆ, ಇಮ್ರಾನ್‌ಬೇಗ್, ಪ್ರವೀಣ್‌ಕುಮಾರ್ ಸೇರಿದಂತೆ ಇತರರು ಇದ್ದರು.