ಐಮಂಗಲ ಚಿರತೆ ಸೆರೆ

ಐಮಂಗಲ : ಆಹಾರ ಅರಸಿ ಪಾಲವ್ವನಹಳ್ಳಿಯತ್ತ ಬಂದಿದ್ದ ಚಿರತೆಯನ್ನು ಅರಣ್ಯ ಇಲಾಖೆ, ಪೊಲೀಸ್‌ ಸಿಬ್ಬಂದಿ ಗ್ರಾಮಸ್ಥರ ಸಹಕಾರದೊಂದಿಗೆ ಬುಧವಾರ ಸೆರೆಹಿಡಿದಿದ್ದಾರೆ.

ಹೋಬಳಿಯ ಪಾಲವ್ವನಹಳ್ಳಿ ಗುಡ್ಡಕ್ಕೆ ಕುರುಮರಡಿಕೆರೆ ಗುಡ್ಡದ ಕಡೆಯಿಂದ ಆಹಾರ ಅರಸುತ್ತ ಬಂದ ಚಿರತೆ ಗುಡ್ಡದ ಮೇಲಿಂದ ಬಿದ್ದು ನಿತ್ರಾಣವಾಗಿತ್ತು. ಪಾಲವ್ವನಹಳ್ಳಿಯ ಕುರಿಗಾಯಿವೊಬ್ಬರು ಚಿರತೆಯನ್ನು ಕಂಡು ಗ್ರಾಮಸ್ಥರಿಗೆ ತಿಳಿಸಿದ್ದ. ಬಳಿಕ ಗ್ರಾಮಸ್ಥರು ಅರಣ್ಯ ಇಲಾಖೆ, ಪೊಲೀಸ್‌ ಸಿಬ್ಬಂದಿಗೆ ಮಾಹಿತಿ ನೀಡಿದರು. ಉಭಯ ಇಲಾಖೆಯ ಸಿಬ್ಬಂದಿ ಹಾಗೂ ಹಾಗೂ ಗ್ರಾಮಸ್ಥರು ಸೇರಿ ಚಿರತೆ ಸೆರೆ ಹಿಡಿದಿದ್ದಾರೆ.