ಅಡಕೆ ಬೆಳೆಗಾರರ ಸಮಸ್ಯೆ ನಿವಾರಣೆಗೆ ಮನವಿ

ಚನ್ನಗಿರಿ : ಅಡಕೆ ಬೆಳೆಗಾರರ ಕೆಲ ಸಮಸ್ಯೆ ಪರಿಹರಿಸುವಂತೆ ಆಗ್ರಹಿಸಿ ಕರ್ನಾಟಕ ರಾಜ್ಯ ಅಡಕೆ ಬೆಳೆಗಾರರ ಸಹಕಾರ ಸಂಘಗಳ ಮಹಾ ಮಂಡಳ ಶಿವಮೊಗ್ಗ ಸಮಿತಿಯಿಂದ ದೆಹಲಿಗೆ ತೆರಳಿ ಕೇಂದ್ರ ಸರಕಾರದ ಸಚಿವರಾದ ರೈಲ್ವೆ ಸಚಿವ ಪಿಯುಷ್‌ ಗೋಯಲ್‌, ರಸಗೊಬ್ಬರ ಖಾತೆ ಸಚಿವ ಡಿ.ವಿ.ಸದಾನಂದ ಗೌಡ, ಗೃಹಖಾತೆ ಸಚಿವರಾದ ನಿರ್ಮಲ ಸೀತಾರಾಮನ್‌ ಮತ್ತು ಪ್ರಹ್ಲಾದ್‌ ಜೋಷಿಯವರಿಗೆ ಮನವಿ ಪತ್ರ ಸಲ್ಲಿಸಿದರು.

ನೆರೆಯ ಶ್ರೀಲಂಕಾ, ಬಾಂಗ್ಲಾ ದೇಶದಿಂದ ಭಾರತಕ್ಕೆ ಆಮದಾಗುತ್ತಿರುವ ಅಡಕೆ ಬೆಲೆ ಕೆ.ಜಿ.ಗೆ 251 ರೂ. ಇದ್ದು, ಅದನ್ನು ಹೆಚ್ಚಳ ಮಾಡಬೇಕು. ಆಗ ಭಾರತದ ಅಡಕೆಗೆ ಹೆಚ್ಚಿನ ಬೆಲೆ ಸಿಗುತ್ತದೆ ಮತ್ತು ಆಮದಾಗುವಂತಹ ಅಡಕೆಯ ಗುಣಮಟ್ಟ ಪರೀಕ್ಷೆ ನಡೆಸಬೇಕು. ಮುಖ್ಯವಾಗಿ ಕಳಪೆ ಗುಣಮಟ್ಟದ ಅಡಕೆ ಆಮದನ್ನು ನಿಲ್ಲಿಸಬೇಕು. ಅಡಕೆಯ ಅಂಶಗಳ ಕುರಿತು ವಿಜ್ಞಾನಿಗಳಿಂದ ರಿಸರ್ಚ್‌ ಮಾಡಿಸಬೇಕು ಎಂದು ಕರ್ನಾಟಕ ರಾಜ್ಯದ 27 ಸಹಕಾರ ಸಂಘಗಳ ಮಹಾಮಂಡಳದ ಸದಸ್ಯರು ಮನವಿ ಸಲ್ಲಿಸಿದರು.

ಮಹಾಮಂಡಳದ ಮಂಜಪ್ಪ ಹೊಸಬೆಲೆ, ತುಮ್‌ಕೋಸ್‌ ಅಧ್ಯಕ್ಷ ಎಚ್‌.ಎಸ್‌.ಶಿವಕುಮಾರ್‌, ಕ್ಯಾಂಪ್ಕೋ ಅಧ್ಯಕ್ಷ ಸತೀಶ್‌ ಚಂದ್ರ, ಮ್ಯಾಮ್‌ಕೋಸ್‌ ಅಧ್ಯಕ್ಷ ಸುಬ್ರಮಣ್ಯ, ಟಿ.ಎಸ್‌.ಎಸ್‌. ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ರವೀಶ್‌ ಹೆಗಡೆ ಇತರರಿದ್ದರು.