ಕಾರು - ಬೈಕ್‌ ಡಿಕ್ಕಿ : ಇಬ್ಬರು ಸಾವು

ಹೊಳಲ್ಕೆರೆ : ಸಮೀಪದ ದೊಗ್ಗನಾಳ್‌ ಗೇಟ್‌ ಬಳಿ ಸಂಜೆ 5ರ ವೇಳೆ ಬೈಕ್‌ ಸವಾರರಿಗೆ ಕಾರು ಡಿಕ್ಕಿ ಹೊಡೆದು ಬೈಕ್‌ ಸವಾರರು ಇಬ್ಬರು ಸ್ಥಳದಲ್ಲೆ ಮೃತಪಟ್ಟಿದ್ದಾರೆ.

ಕೆಂಚಾಪುರದ ನಿವಾಸಿ ಸಿ.ಮಹಾದೇವಪ್ಪ (56) ಮತ್ತು ಅರಬಘಟ್ಟದ ನಿವಾಸಿ ಉಮೇಶ್‌ (42) ಮೃತಪಟ್ಟವರು. ಈ ಇಬ್ಬರು ಹೊಳಲ್ಕೆರೆಯಿಂದ ಬೈಕ್‌ನಲ್ಲಿ ಹೋಗುತ್ತಿದ್ದರು. ದೊಗ್ಗನಾಳ್‌ ಗೇಟ್‌ ಬಳಿ ಎದುರಿನಿಂದ ಬಂದ ಕಾರ್‌ ಡಿಕ್ಕಿ ಹೊಡೆದ ಪರಿಣಾಮ ತಲೆಗೆ ಪೆಟ್ಟು ಬಿದ್ದು ಸ್ಥಳದಲ್ಲೆ ಮೃತಪಟ್ಟಿದ್ದಾರೆ.

ಹೊಳಲ್ಕೆರೆ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ್ದಾರೆ ಎಂದು ಪಿಎಸ್‌ಐ ಮಹೇಶ್‌ ತಿಳಿಸಿದ್ದಾರೆ.