ಸಿಬಿಎಸ್‌ಇ ಫಲಿತಾಂಶ ಪ್ರಕಟ

ದಾವಣಗೆರೆ: ಕೇಂದ್ರಿಯ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) 10ನೇ ತರಗತಿಯ ಪರೀಕ್ಷಾ ಫಲಿತಾಂಶ ಮಂಗಳವಾರ ಪ್ರಕಟಣಗೊಂಡಿದ್ದು, ಜಿಲ್ಲೆಯ ಸುಮಾರು 19 ಸಿಬಿಎಸ್‌ಇ ಶಾಲೆ ವಿದ್ಯಾರ್ಥಿಗಳ ಫಲಿತಾಂಶ ಪ್ರಕಟಗೊಂಡಿದೆ.

ನಿಸರ್ಗ 500ಕ್ಕೆ 491:

ನಗರದ ವಿನಾಯಕ ಬಡಾವಣೆ ನಿವಾಸಿಯಾದ ಯುಬಿಡಿಟಿ ಕಾಲೇಜಿನ ಎಲೆಕ್ಟ್ರಾನಿಕ್‌ ವಿಭಾಗದಲ್ಲಿ ಪ್ರೋಫೆಸರ್‌ ಡಾ.ಎಚ್‌.ಆರ್‌. ಸುದರ್ಶನ್‌ ರೆಡ್ಡಿ ಹಾಗೂ ಚಿತ್ರದುರ್ಗದ ಡೆಪ್ಯೂಟಿ ಚೀಫ್‌ ಎಲೆಕ್ಟ್ರಿಕಲ್‌ ಇನ್ಸ್‌ಪೆಕ್ಟರ್‌ ಬಿ.ವಿ. ಶಶಿಕಲಾ ಪುತ್ರಿಯಾದ ಎಚ್‌.ಎಸ್‌. ನಿಸರ್ಗ ನಗರದ ತರಳಬಾಳು ಅನುಭವ ಮಂಟಪದಲ್ಲಿ 10ನೇ ತರಗತಿ ಸಿಬಿಎಸ್‌ಇ ವಿದ್ಯಾಭ್ಯಾಸ ಮಾಡುತ್ತಿದ್ದು, ಈಗ 500ಕ್ಕೆ 491 ಅಂಕ ಪಡೆದು ಶೇ.98.2ರಷ್ಟು ಫಲಿತಾಂಶ ಪಡೆದುಕೊಂಡಿದ್ದಾಳೆ.