ಏ.6ರಂದು ಚಂದ್ರ ದರ್ಶನ

ನ್ಯಾಮತಿ: ಏಪ್ರೀಲ್‌ 5 ರ ಶುಕ್ರವಾರ ಅಮಾವಾಸ್ಯೆ ಪೂಜೆ, ಏ.6ರ ಶನಿವಾರದಂದು ಚಂದ್ರ ದರ್ಶನವಾಗಲಿದೆ ಎಂದು ಶಿವಮೊಗ್ಗ ಜ್ಯೋತಿಷಿ ಲೋಕೇಶಯ್ಯಶಾಸ್ತ್ರಿ ದೊಡ್ಡಮಠ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಏ.5 ರ ಶುಕ್ರವಾರದಂದು ಮಧ್ಯಾಹ್ನಕ್ಕೆ ಅಮಾವಾಸ್ಯೆ ಮುಗಿಯಲಿದ್ದು, ಏ.6ರ ಬೆಳಗ್ಗೆ ಅಭ್ಯಂಗ ಸ್ನಾನ ಬೇವು, ಬೆಲ್ಲ ಸಿಹಿ-ಕಹಿ ಸವಿದು ಆಚರಣೆ ಮಾಡಬೇಕು. ವಿಕಾರಿ ನಾಮ ಸಂವತ್ಸರವು ಆರಂಭಗೊಳ್ಳಲಿದ್ದು, ಅಂದು ಸಂಜೆ 6.45 ಚಂದ್ರದರ್ಶನವಾಗಲಿದೆ ಎಂದು ಹೇಳಿದ್ದಾರೆ.

ಯುಗಾದಿ ಪೂಜಾ ಮೂಹೂರ್ತ:
ಏ.6 ರ ಶನಿವಾರದಂದು ನೂತನ ವಿಕಾರಿ ನಾಮ ನಾಮ ಸಂವತ್ಸರ ಆರಂಭಗೊಳ್ಳುತ್ತಿದ್ದು ಅಭ್ಯಂಗ ಸ್ನಾನ ನಾನಾ ದೇವಾಲಯಗಳಲ್ಲಿ ಧ್ವಜಾರೋಹಣ ಪಂಚಾಗ ಶ್ರವಣ ಕಾರ್ಯಕ್ರಮ ನಡೆಯಲಿದೆ. ನೂತನವಾಗಿ ಮನೆ ನಿರ್ಮಾಣ ಕಾರ್ಯ, ಅಂಗಡಿ, ಮೊದಲ ಬೇಸಾಯ, ನಾನಾ ಶುಭ ಕಾರ್ಯ ಆರಂಭಿಸಲು ಬೆಳಗ್ಗೆ 6.45 ರಿಂದ 10.15ರ ವರೆಗೆ ಅತಂತ್ಯ ಶುಭ ಸಮಯವಾಗಿರುತ್ತದೆ ಎಂದು ತಿಳಿಸಿದ್ದಾರೆ.