ಕ್ರಿಕೆಟ್‌ ಬೆಟ್ಟಿಂಗ್‌ ಮೂವರ ಬಂಧನ

ದಾವಣಗೆರೆ : ನಗರದಲ್ಲಿ ಎರಡು ಕಡೆ ದಾಳಿ ನಡೆಸಿರುವ ಡಿಸಿಬಿ ವಿಶೇಷ ಪೊಲೀಸ್‌ ತಂಡ ಕ್ರಿಕೆಟ್‌ ಬೆಟ್ಟಿಂಗ್‌ನಲ್ಲಿ ತೊಡಗಿದ್ದ ಮೂವರನ್ನು ಬಂಧಿಸಿದ್ದಾರೆ.

ಆರೋಪಿಗಳಿಂದ 58,200 ರೂ. ನಗದು ಹಾಗೂ ಒಂದು ಎಲ್ಸಿಡಿ ಟಿವಿ ವಶ ಪಡಿಸಿಕೊಂಡಿದ್ದಾರೆ. ಪ್ರಭು, ನವೀನ್‌, ರವಿಕುಮಾರ್‌ ಬಂಧಿತ ಆರೋಪಿಗಳು.

ನಗರದ ನಿಟುವಳ್ಳಿಯ ಕರಿಯಮ್ಮ ದೇವಿ ದೇವಸ್ಥಾನ ಮತ್ತು ಆಂಜನೇಯ ಬಡಾವಣೆಯಲ್ಲಿ ಇವರು ಕ್ರಿಕೆಟ್‌ ಬೆಟ್ಟಿಂಗ್‌ ಜೂಜಾಟ ನಡೆಸುತ್ತಿದ್ದರು. ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ವರ್ಸಸ್‌ ಮುಂಬೈ ಇಂಡಿಯನ್‌ ನಡುವೆ ನಡೆಯುತ್ತಿದ್ದ ಐಪಿಎಲ್‌ ಪಂದ್ಯಾವಳಿ ವೇಳೆ ಬೆಟ್ಟಿಂಗ್‌ ಕಟ್ಟಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಇನ್‌ಸ್ಪೆಕ್ಟರ್‌ ಟಿವಿ ದೇವರಾಜ್‌ ತಂಡ ದಾಳಿ ನಡೆಸಿದ್ದು ಸಿಇಎನ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.