ಮಾರಾಟದ ವಸ್ತುವಾಯ್ತು 3 ದಿನದ ಹಸುಳೆ! ಮಗು ಮಾರಿದ ಹೆತ್ತವರಿಗೆ ಜೈಲು ಶಿಕ್ಷೆ

ದಾವಣಗೆರೆ: ಮೂರು ದಿನದ ಹಸುಳೆ ಮಾರಾಟ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಗುವಿನ ತಾಯಿ-ತಂದೆ ಸೇರಿದಂತೆ ನಾಲ್ವರಿಗೆ ಶಿಕ್ಷೆ ವಿಧಿಸಲಾಗಿದೆ. ತಲಾ 7 ವರ್ಷ ಜೈಲು ಶಿಕ್ಷೆ ಹಾಗೂ 25 ಸಾವಿರ ರೂ. ದಂಡ ವಿಧಿಸಿ ದಾವಣಗೆರೆ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ತೀರ್ಪು ನೀಡಿದೆ.

ರಸ್ತೆ ಹೊಂಡಕ್ಕೆಲ್ಲಾ ಮಳೆಯೇ ಕಾರಣ! ಹೆದ್ದಾರಿ ಪ್ರಾಧಿಕಾರದ ಉತ್ತರಕ್ಕೆ ಸಿಟ್ಟಿಗೆದ್ದ ಜನ!

ನಗರದ ಬೀಡಿ ಲೇಔಟ್‌ ನಿವಾಸಿಗಳಾದ ಮಗುವಿನ ತಾಯಿ ಶಬೀನಾ, ತಂದೆ ಸಿಕಂದರ್‌ ಹಾಗೂ ಮಗು ಖರೀದಿಸಿದ್ದ ಆಜಾದ್‌ ನಗರ ನಿವಾಸಿಗಳಾದ ಹಫೀಜಾ ಬಾನು, ಮುಜೀಬ್‌ ಶಿಕ್ಷೆಗೊಳಗಾದವರು. ಹೆಣ್ಣುಮಗು ಜನಿಸಿ ಮೂರು ದಿನಕ್ಕೆ 2017ರ ಡಿಸೆಂಬರ್‌ 22ರಂದು ಶಬೀನಾ, ಸಿಕಂದರ್‌ ದಂಪತಿ 20,000 ರೂ.ಗಳಿಗೆ ಹಫೀಜಾ ಬಾನು, ಮುಜೀಬ್‌ ದಂಪತಿಗೆ ಮಾರಾಟ ಮಾಡಿದ್ದರು.

ನೆರೆ ಸಂತ್ರಸ್ತರಿಗಾಗಿ ಬೀದಿಗಿಳಿದ ಜೆಡಿಎಸ್: ಅಧಿವೇಶನದಲ್ಲೂ ಹೋರಾಟದ ಎಚ್ಚರಿಕೆ ನೀಡಿದ ಎಚ್ಡಿಕೆ

ಈ ಬಗ್ಗೆ ಜಿಲ್ಲಾಮಕ್ಕಳ ರಕ್ಷಣಾಧಿಕಾರಿ ಮಹಿಳಾ ಪೊಲೀಸ್‌ ಠಾಣೆಗೆ ದೂರು ಸಲ್ಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಪಿಐಗಳಾದ ನಾಗಮ್ಮ, ಟಿ.ವಿ.ದೇವರಾಜ್‌ ಅವರುಗಳು ತನಿಖೆ ನಡೆಸಿ, ಆರೋಪಿಗಳ ವಿರುದ್ಧ ನ್ಯಾಯಾಲಯಕ್ಕೆ ದೋಷಾರೋಪಣಾ ಪಟ್ಟಿ ಸಲ್ಲಿಸಿದ್ದರು. ವಿಚಾರಣೆ ನಂತರ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ನ್ಯಾಯಾಧೀಶ ಕುಲಕರ್ಣಿ ಅಂಬಾದಾಸ್‌ ತೀರ್ಪು ಪ್ರಕಟಿಸಿದ್ದಾರೆ. ಸರಕಾರದ ಪರವಾಗಿ ಅಭಿಯೋಜಕ ಎಸ್‌.ವಿ. ಪಾಟೀಲ್‌ ವಾದ ಮಂಡಿಸಿದ್ದರು.

ಶಾಸಕರು ಬಾರದ ಸುವರ್ಣ ಸೌಧದಲ್ಲಿ ಕುರಿಗಳ ಅಧಿವೇಶನ! ವಾಟಾಳ್ ಯತ್ನಕ್ಕೆ ಖಾಕಿ ಬ್ರೇಕ್