ಹರಿಹರ: ಜೋರಾಗಿ ಬೀಸಿದ ಗಾಳಿಗೆ ಬಹುಮಹಡಿ ಕಟ್ಟಡದ ತುದಿಯಲ್ಲಿ ಅಳವಡಿಸಿದ್ದ ಫ್ಲೆಕ್ಸ್(ತಗಡು)ಬಿದ್ದು ಮಹಿಳೆ, ಮಗು ಸೇರಿದಂತೆ ನಾಲ್ವರು ಗಾಯಗೊಂಡು ಆಸ್ಪತ್ರೆಗೆ ದಾಖಲಾದ ಘಟನೆ ನಗರದಲ್ಲಿ ಸೋಮವಾರ ಸಂಜೆ ನಡೆದಿದೆ.
ತಾಲೂಕಿನ ನಂದಿಗಾವಿ ಗ್ರಾಮದ ಟಿ. ಪ್ರಕಾಶ್, ಕೋಡಿಹಳ್ಳಿಯ ಪರಮೇಶ್ವರ, ಸಂಧ್ಯಾ ಮತ್ತು 5 ವರ್ಷದ ಮಗು ಚಿನ್ಮಯಿ ಗಾಯಗೊಂಡವರು.
ಗಾಯಗೊಂಡವರಲ್ಲಿ ಟಿ.ಪ್ರಕಾಶ್ ತಲೆಗೆ ತೀವ್ರ ಪೆಟ್ಟು ಬಿದ್ದು, ಅಧಿಕ ರಕ್ತಸ್ರಾವವಾಗಿ, ಕೋಮಾ ಸ್ಥಿತಿಯಲ್ಲಿದ್ದರಿಂದ ಎಸ್.ಎಸ್. ಆಸ್ಪತ್ರೆಗೆ ರವಾನಿಸಲಾಗಿದೆ. ಮಗು, ಮಹಿಳೆ, ವ್ಯಕ್ತಿಗೆ ತೀವ್ರ ಪೆಟ್ಟುಗಳಾಗಿದ್ದು, ನಗರದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ. ಗಾಳಿ ರಭಸಕ್ಕೆ ವಿವಿಧೆಡೆ ವಿದ್ಯುತ್ ಶಾರ್ಟ್ ಸಕ್ರ್ಯೂಟ್ ಆಗಿದ್ದು, ನಗರದಲ್ಲಿ ರಾತ್ರಿ ವಿದ್ಯುತ್ ಇಲ್ಲದೆ ಕತ್ತಲು ಆವರಿಸಿತ್ತು.