'ಸ್ಮಾರ್ಟ್‌ ಆಗಬೇಕೆ? ಹೆಣ್ಣು ಸಿಗುತ್ತಿಲ್ಲವೇ? ಎಂದು ದುಡ್ಡು ಕೀಳುತ್ತಿರುವ ನ್ಯೂಟ್ರಿಷನ್‌ ಕ್ಲಬ್‌ಗಳು!

ದಾವಣಗೆರೆ: ಜಿಲ್ಲೆಯಲ್ಲಿ ಅನಧಿಕೃತ ನ್ಯೂಟ್ರಿಷನ್‌ ಕ್ಲಬ್‌ಗಳ ಹಾವಳಿ ಹೆಚ್ಚಾಗಿದ್ದು, ಮಹಾನಗರ ಪಾಲಿಕೆಯಿಂದ ಯಾವುದೇ ಪರವಾನಗಿ ಪಡೆಯದೆ ನಾಯಿ ಕೊಡೆಗಳಂತೆ ತಲೆ ಎತ್ತುತ್ತಿವೆ. ಹೀಗೆ ತಲೆ ಎತ್ತಿದ ನ್ಯೂಟ್ರಿಷನ್‌ ಕ್ಲಬ್‌ಗಳು ಆರೋಗ್ಯದ ಹೆಸರಿನಲ್ಲಿ ಜನರಿಂದ ಹಣ ಕೀಳುವ ದಂಧೆಗೆ ಇಳಿದಿವೆ.

ಜನರ ಭಾವನೆಯೇ ಬಂಡವಾಳ ಜನರ ಭಾವನೆಗಳನ್ನೇ ಬಂಡವಾಳ ವನ್ನಾಗಿಸಿಕೊಂಡ ಕ್ಲಬ್‌ಗಳು ದೇವಸ್ಥಾನ, ಜನ ಸಂದಣಿ ಇರುವ ಪ್ರದೇಶಗಳಲ್ಲಿ ಕೆಲಸಗಾರರನ್ನು ಬಿಟ್ಟು ಕರಪತ್ರಗಳನ್ನು ಹಂಚುತ್ತವೆ. ನಂತರ ಕೆಲ ವ್ಯಕ್ತಿಗಳ ಮನೆಗೆ ನೇರ ಭೇಟಿಯಾಗಿ ನ್ಯೂಟ್ರಿಷನ್‌ (ಪೌಷ್ಟಿಕ ಆಹಾರ) ತೆಗೆದುಕೊಳ್ಳುವುದರಿಂದ ದೇಹದ ತೂಕ ಕಡಿಮೆ, ಜೀರ್ಣ ಶಕ್ತಿ ಸಮಸ್ಯೆ, ಸೊಂಟ, ಬೆನ್ನು ನೋವು, ಗ್ಯಾಸ್ಟ್ರಿಕ್‌ ಸೇರಿ ನಾನಾ ಸಮಸ್ಯೆಗಳಿಗೆ ರಾಮಬಾಣ ಎಂದು ಹೇಳಿ ಮನವೊಲಿಸುತ್ತಾರೆ.

ಹೀಗೆ ಅನಧಿಕೃತ ನ್ಯೂಟ್ರಿಷನ್‌ ಕ್ಲಬ್‌ಗಳ ವ್ಯವಹಾರ ಪ್ರಾರಂಭವಾಗುತ್ತದೆ. ಹಾಲಿ ಪಟ್ಟಣ ಪ್ರದೇಶಗಳಲ್ಲಿ ದಾಂಗುಡಿ ಇಟ್ಟಿರುವ ಕ್ಲಬ್‌ಗಳು, ಈಗ ಹಳ್ಳಿ ಕಡೆ ಮುಖ ಮಾಡಿವೆ. ನ್ಯೂಟ್ರಿಷನ್‌ ಕ್ಲಬ್‌ಗಳಿಗೆ 18 ವರ್ಷದಿಂದ 45 ವರ್ಷದ ಹೆಣ್ಣು ಮಕ್ಕಳೇ ಟಾರ್ಗೆಟ್‌ ಆಗಿದ್ದಾರೆ. ಪರ್ಮಿಷನ್‌ ಇಲ್ಲ ನ್ಯೂಟ್ರಿಷನ್‌ ಕ್ಲಬ್‌ಗಳು ಸದ್ಯ ಮನೆಗಳಲ್ಲಿ ಅನಧಿಕೃತವಾಗಿ ನಡೆಯುತ್ತಿವೆ. ಇವುಗಳನ್ನು ನಡೆಸಲು ಪಾಲಿಕೆ ಅನುಮತಿ ತೆಗೆದುಕೊಳ್ಳಬೇಕು. ಆದರೆ ಬಹುತೇಕ ಕ್ಲಬ್‌ಗಳು ತೆಗೆದುಕೊಂಡಿಲ್ಲ.

ಪೌಷ್ಠಿಕ ಆಹಾರ, ಕಲಿಕೆ ಗುಣಮಟ್ಟ ಪರಿಶೀಲನೆ

ಜತೆಗೆ ಆರೋಗ್ಯ ಇಲಾಖೆ, ಫುಡ್‌ ಸೇಫ್ಟಿ ಸ್ಟಾಡೆಂರ್ಡ್‌ ಅಥಾರಟಿಯಿಂದ ಲೈಸನ್ಸ್‌ ಪಡೆಯ ಬೇಕು. ಅಲ್ಲಿಂದಲ್ಲೂ ಪರವಾನಗಿ ತೆಗೆದುಕೊಂಡಿಲ್ಲ. ಚೈನ್‌ಲಿಂಕ್‌ ಬಿಸಿನೆಸ್‌ ಆರೋಗ್ಯದ ಹೆಸರು ಹೇಳಿ ತಮ್ಮಲ್ಲಿರುವ ಜ್ಯೂಸ್‌ ಮಾದರಿಯ ಔಷಧ ಕೊಡುವ ಅನಧಿಕೃತ ನ್ಯೂಟ್ರಿಷನ್‌ ಕ್ಲಬ್‌ಗಳು ಮೊದಲು ಉಚಿತವಾಗಿ ಜ್ಯೂಸ್‌ ನೀಡುತ್ತವೆ. ನಂತರ ಯಾವ ಆರೋಗ್ಯ ಸಮಸ್ಯೆಗೆ ಯಾವ ಜ್ಯೂಸ್‌ ಕುಡಿಯಬೇಕು ಎಂದು ಹೇಳಿ ಹಣ ಪಡೆಯುತ್ತಾರೆ. ಇದಾದ ಬಳಿಕ ಬೇರೆಯವರನ್ನು ಕರೆದು ಕೊಂಡು ಬಂದರೆ ಕಮಿಷನ್‌ ನೀಡುವ ಆಸೆಯನ್ನು ತೋರಿಸುತ್ತಾರೆ. ಈಗ ಇದು ಚೈನ್‌ಲಿಂಕ್‌ ಬಿಸಿನೆಸ್‌ ಆಗಿ ಮಾರ್ಪಟ್ಟಿದೆ.

ಸ್ಮೋಕಿಂಗ್‌ಗಿಂತಲೂ ಅಪೌಷ್ಟಿಕ ಆಹಾರ ಅಪಾಯಕಾರಿ

ಗುಣಮಟ್ಟ ಖಾತ್ರಿ ಇಲ್ಲ ಅನಧಿಕೃತ ಕ್ಲಬ್‌ಗಳು ನೀಡುವ ಔಷಧ ಮಾದರಿಯ ಜ್ಯೂಸ್‌ಗಳ ಬಗ್ಗೆ ಯಾವುದೇ ಗುಣಮಟ್ಟದ ಖಾತ್ರಿ ಆಗಿಲ್ಲ. ಬಾಟಲ್‌ಗಳ ಮೇಲೆ ಐಎಸ್‌ಐ ಮಾರ್ಕ್ ಕೂಡ ಇಲ್ಲ. ಇದು ಪರೀಕ್ಷೆಗೆ ಒಳ ಪಟ್ಟಿದೆಯೇ ಎಂಬುದು ಗೊತ್ತಿಲ್ಲ. ಒಟ್ಟಾರೆ ನಿಯಮಗಳನ್ನು ಗಾಳಿಗೆ ತೂರಿ ನಡೆಸುತ್ತಿರುವ ಅನಧಿಕೃತ ನ್ಯೂಟ್ರಿಷನ್‌ ಕ್ಲಬ್‌ಗಳು ಆರೋಗ್ಯದ ಹೆಸರಿನಲ್ಲಿ ಜನರ ಜತೆ ಚೆಲ್ಲಾಟ ಆಡುತ್ತಿವೆ.
- ನಂದೀಶ್‌ ಭದ್ರಾವತಿ, ದಾವಣಗೆರೆ