ವಿ.ಲಿಂಗರಾಜ್‌ ಬಸವಾಪಟ್ಟಣ
ಖರ್ಚು ಹಾಗೂ ಕೂಲಿ ಕಾರ್ಮಿಕರ ಕೊರತೆಯಿಂದಾಗಿ ರೈತರು ಕೃಷಿಯಿಂದ ವಿಮುಖರಾಗುತ್ತಿರುವ ಹೊತ್ತಿನಲ್ಲಿ ಇಲ್ಲೊಬ್ಬ ಅನ್ನದಾತ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಸಮಗ್ರ ಕೃಷಿ ಪದ್ಧತಿ, ಸಾವಯವ ಸಮಗ್ರ ಕೃಷಿಯಡಿ ಇವರು ಕೇವಲ 11 ಗುಂಟೆ ಜಮೀನಿನಲ್ಲಿ ನಾನಾ ರೀತಿಯ 17 ಬೆಳೆ ಬೆಳೆದು ವರ್ಷಕ್ಕೆ ಲಕ್ಷಾಂತರ ರೂಪಾಯಿ ಸಂಪಾದಿಸುತ್ತಿದ್ದಾರೆ.
ಎರಡು ಎಕರೆ ಅಡಕೆ ತೋಟ:
ಮೋತಿನಾಯ್ಕ್‌ ಅವರಿಗೆ ಕೇವಲ ಎರಡು ಎಕರೆ ಅಡಕೆ ತೋಟವಿದ್ದು, ಅದರಲ್ಲಿ 11 ಗುಂಟೆ ಜಮೀನಲ್ಲಿ ಮಾತ್ರ ಸಮಗ್ರ ಕೃಷಿ ಪದ್ಧತಿ ಅಳವಡಿಸಿಕೊಂಡು, ಕಾಫಿ ಗಿಡ, ಕಾಳುಮೆಣಸು, ದಾಳಿಂಬೆ, ಅರಿಸಿಣ, ಬಾಳೆ, ಸಪೋಟಾ, ಪಪ್ಪಾಯಿ, ಸೀತಾಫಲ, ಪೇರಲ, ಶುಂಠಿ, ಕಿತ್ತಳೆ, ಬೀನ್ಸ್‌, ಟೊಮೆಟೊ, ನಿಂಬೆಹಣ್ಣು, ಮೆಣಸಿನ ಗಿಡ, ಬೆಂಡೆ, ಆಂಧ್ರದ ಸೇಬು, ದ್ರಾಕ್ಷಿ ಬೆಳೆಯುತ್ತಿದ್ದಾರೆ.
ತೋಟಕ್ಕೆ ಹೊಂದಿರುವಂತೆ ತೇಗ, ಸಿಲವರ್‌, ಹಲಸಿನ ಮರ ಬೆಳೆದಿದ್ದಾರೆ. ಜತೆಗೆ ತೋಟ ಮತ್ತು ಮನೆ ಸುಂದರವಾಗಿ ಕಾಣುವುದಕ್ಕೆ ಗುಲಾಬಿ, ಡೇರೆ, ಮಲ್ಲಿಗೆ, ಸೇವಂತಿಗೆ ಸೇರಿ ನಾನಾ ರೀತಿ ಪುಷ್ಪ ಬೆಳೆಸಿದ್ದು, ಹೂವಿನ ಸಸಿಗಳು ಮಾರಾಟಕ್ಕೆ ಸಿದ್ಧವಾಗಿವೆ.
ವಾರ್ಷಿಕ 15 ಲಕ್ಷ ರೂ. ಆದಾಯ:
ಮನೆ ಮುಂದೆ ಇರುವ ಭದ್ರಾ ಉಪ ಕಾಲುವೆಯಿಂದ ನೀರುಣಿಸುತ್ತಾರೆ. ಕೊಟ್ಟಿಗೆ ಗೊಬ್ಬರ ಬಳಸಿ ಸಾವಯವ ಕೃಷಿ ಮೂಲಕ ಹಲವು ಬೆಳೆ ಬೆಳೆಯುತ್ತಾರೆ. ಸುಮಾರು 48 ವರ್ಷದ ತೋಟದ ಅಡಕೆ ಗೊಟುಗಳಿಂದ ಪ್ರತಿ ವರ್ಷ ಲಕ್ಷ್ಮೀ ತಳಿಯ 10 ಸಾವಿರ ಅಡಕೆ ಸಸಿ ಬೆಳೆಸಿ, 25 ರೂ.ಗೆ ಒಂದರಂತೆ ಮಾರಾಟ ಮಾಡಿ 2.5 ಲಕ್ಷ ರೂ. ಸಂಪಾದಿಸುತ್ತಾರೆ. ಸಪೋಟಾ, 45 ಕೆಜಿ ತೂಕದ ಬಾಳೆಗೊನೆಗಳು, ಕಾಳುಮೆಣಸು, ಕಾಫಿ, ಹಲಸು, ವಿಳ್ಯದೆಲೆ, ಗೆಣಸು, ತರಕಾರಿ ಮಾರಾಟದಿಂದ 3ರಿಂದ 4 ಲಕ್ಷ ರೂ., ಹೂವಿನ ಸಸಿ, ಅಲಂಕಾರಿಕ ಸಸಿಗಳಿಂದ 2 ಲಕ್ಷ ರೂ. ಮತ್ತು ಅಡಕೆ ಬೆಳೆಯಿಂದ 6 ಲಕ್ಷ ರೂ. ಸೇರಿ ವಾರ್ಷಿಕ 14ರಿಂದ 15 ಲಕ್ಷ ರೂ. ಆದಾಯ ಗಳಿಸುತ್ತಾರೆ.
ಮೋತಿ ನಾಯ್ಕ್‌ ಕೃಷಿಗೆ ಪತ್ನಿ ಪ್ರೇಮಾ ಬಾಯಿ ಸಾಥ್‌ ನೀಡುತ್ತಾರೆ. 2018-19ರಲ್ಲಿ ತಾಲೂಕು ಮಟ್ಟದ ಮತ್ತು 2019- 2021ರಲ್ಲಿ ಜಿಲ್ಲಾ ಮಟ್ಟದ ಆತ್ಮ ಯೋಜನೆ ಅಡಿ ತೋಟಗಾರಿಕೆ ವಿಭಾಗದಲ್ಲಿ ಶ್ರೇಷ್ಠ ಕೃಷಿಕ ಪ್ರಶಸ್ತಿ ಪಡೆದಿದ್ದಾರೆ.
ಕ್ವಿಂಟಲ್‌ ಕಾಳುಮೆಣಸು 35 ಸಾವಿರ ರೂ.
ಕಾಳುಮೆಣಸನ್ನು ದಾವಣಗೆರೆ ಮಾರುಕಟ್ಟೆಗೆ, ಕಾಫಿಯನ್ನು ಚಿಕ್ಕಮಗಳೂರಿಗೆ, ಹಣ್ಣು- ಹೂವುಗಳನ್ನು ಸ್ಥಳೀಯ ವ್ಯಾಪಾರಿಗಳಿಗೆ ಮಾರುತ್ತಾರೆ. ಕಾಳು ಮೆಣಸಿಗೆ ಈ ವರ್ಷ ಕ್ವಿಂಟಲ್‌ಗೆ 35 ಸಾವಿರ ರೂ. ದರವಿದೆ. ರಾಜ್ಯ ಸರಕಾರ ಈ ಬಗ್ಗೆ ಗಮನ ನೀಡಿ ಬೆಳೆಗಳಿಗೆ ಸೂಕ್ತ ಬೆಲೆ ನೀಡಿ ಪ್ರೋತ್ಸಾಹಿಸಬೇಕು ಎನ್ನುತ್ತಾರೆ ರೈತ ಮೋತಿನಾಯ್ಕ್‌
ಮುಂದಿನ ದಿನಗಳಲ್ಲಿ ಕೋಳಿ ಸಾಕಾಣಿಕೆ ಸೇರಿ ಹೈನುಗಾರಿಕೆ ಕೃಷಿ ಮಾಡುವ ಹಂಬಲವಿದೆ. ಆದರೆ, ಸರಕಾರದಿಂದ ಇದುವರಿಗೂ ಯಾವುದೇ ಸೌಲಭ್ಯಗಳು ದೊರೆತಿಲ್ಲ. ಸರಕಾರದಿಂದ ಸಮಗ್ರ ಕೃಷಿ ಪದ್ಧತಿಗೆ ಪ್ರೋತ್ಸಾಹ, ಸೌಲಭ್ಯ ನೀಡಬೇಕು. ಇದು ಉಳಿದ ರೈತರಿಗೂ ಪ್ರೇರಣೆ ಆಗಲಿದೆ.
- ಮೋತಿನಾಯ್ಕ್‌ ಪ್ರಗತಿಪರ ರೈತ, ಕವಳಿತಾಂಡ
ಖರ್ಚು ಹಾಗೂ ಕೂಲಿ ಕಾರ್ಮಿಕರ ಕೊರತೆಯಿಂದಾಗಿ ರೈತರು ಕೃಷಿಯಿಂದ ವಿಮುಖರಾಗುತ್ತಿರುವ ಹೊತ್ತಿನಲ್ಲಿ ಇಲ್ಲೊಬ್ಬ ಅನ್ನದಾತ ಎಲ್ಲರಿಗೂ ಮಾದರಿಯಾಗಿದ್ದಾರೆ. ಸಮಗ್ರ ಕೃಷಿ ಪದ್ಧತಿ, ಸಾವಯವ ಸಮಗ್ರ ಕೃಷಿಯಡಿ ಇವರು ಕೇವಲ 11 ಗುಂಟೆ ಜಮೀನಿನಲ್ಲಿ ನಾನಾ ರೀತಿಯ 17 ಬೆಳೆ ಬೆಳೆದು ವರ್ಷಕ್ಕೆ ಲಕ್ಷಾಂತರ ರೂಪಾಯಿ ಸಂಪಾದಿಸುತ್ತಿದ್ದಾರೆ.
ಎರಡು ಎಕರೆ ಅಡಕೆ ತೋಟ:
ಮೋತಿನಾಯ್ಕ್‌ ಅವರಿಗೆ ಕೇವಲ ಎರಡು ಎಕರೆ ಅಡಕೆ ತೋಟವಿದ್ದು, ಅದರಲ್ಲಿ 11 ಗುಂಟೆ ಜಮೀನಲ್ಲಿ ಮಾತ್ರ ಸಮಗ್ರ ಕೃಷಿ ಪದ್ಧತಿ ಅಳವಡಿಸಿಕೊಂಡು, ಕಾಫಿ ಗಿಡ, ಕಾಳುಮೆಣಸು, ದಾಳಿಂಬೆ, ಅರಿಸಿಣ, ಬಾಳೆ, ಸಪೋಟಾ, ಪಪ್ಪಾಯಿ, ಸೀತಾಫಲ, ಪೇರಲ, ಶುಂಠಿ, ಕಿತ್ತಳೆ, ಬೀನ್ಸ್‌, ಟೊಮೆಟೊ, ನಿಂಬೆಹಣ್ಣು, ಮೆಣಸಿನ ಗಿಡ, ಬೆಂಡೆ, ಆಂಧ್ರದ ಸೇಬು, ದ್ರಾಕ್ಷಿ ಬೆಳೆಯುತ್ತಿದ್ದಾರೆ.
ತೋಟಕ್ಕೆ ಹೊಂದಿರುವಂತೆ ತೇಗ, ಸಿಲವರ್‌, ಹಲಸಿನ ಮರ ಬೆಳೆದಿದ್ದಾರೆ. ಜತೆಗೆ ತೋಟ ಮತ್ತು ಮನೆ ಸುಂದರವಾಗಿ ಕಾಣುವುದಕ್ಕೆ ಗುಲಾಬಿ, ಡೇರೆ, ಮಲ್ಲಿಗೆ, ಸೇವಂತಿಗೆ ಸೇರಿ ನಾನಾ ರೀತಿ ಪುಷ್ಪ ಬೆಳೆಸಿದ್ದು, ಹೂವಿನ ಸಸಿಗಳು ಮಾರಾಟಕ್ಕೆ ಸಿದ್ಧವಾಗಿವೆ.
ವಾರ್ಷಿಕ 15 ಲಕ್ಷ ರೂ. ಆದಾಯ:
ಮನೆ ಮುಂದೆ ಇರುವ ಭದ್ರಾ ಉಪ ಕಾಲುವೆಯಿಂದ ನೀರುಣಿಸುತ್ತಾರೆ. ಕೊಟ್ಟಿಗೆ ಗೊಬ್ಬರ ಬಳಸಿ ಸಾವಯವ ಕೃಷಿ ಮೂಲಕ ಹಲವು ಬೆಳೆ ಬೆಳೆಯುತ್ತಾರೆ. ಸುಮಾರು 48 ವರ್ಷದ ತೋಟದ ಅಡಕೆ ಗೊಟುಗಳಿಂದ ಪ್ರತಿ ವರ್ಷ ಲಕ್ಷ್ಮೀ ತಳಿಯ 10 ಸಾವಿರ ಅಡಕೆ ಸಸಿ ಬೆಳೆಸಿ, 25 ರೂ.ಗೆ ಒಂದರಂತೆ ಮಾರಾಟ ಮಾಡಿ 2.5 ಲಕ್ಷ ರೂ. ಸಂಪಾದಿಸುತ್ತಾರೆ. ಸಪೋಟಾ, 45 ಕೆಜಿ ತೂಕದ ಬಾಳೆಗೊನೆಗಳು, ಕಾಳುಮೆಣಸು, ಕಾಫಿ, ಹಲಸು, ವಿಳ್ಯದೆಲೆ, ಗೆಣಸು, ತರಕಾರಿ ಮಾರಾಟದಿಂದ 3ರಿಂದ 4 ಲಕ್ಷ ರೂ., ಹೂವಿನ ಸಸಿ, ಅಲಂಕಾರಿಕ ಸಸಿಗಳಿಂದ 2 ಲಕ್ಷ ರೂ. ಮತ್ತು ಅಡಕೆ ಬೆಳೆಯಿಂದ 6 ಲಕ್ಷ ರೂ. ಸೇರಿ ವಾರ್ಷಿಕ 14ರಿಂದ 15 ಲಕ್ಷ ರೂ. ಆದಾಯ ಗಳಿಸುತ್ತಾರೆ.
ಮೋತಿ ನಾಯ್ಕ್‌ ಕೃಷಿಗೆ ಪತ್ನಿ ಪ್ರೇಮಾ ಬಾಯಿ ಸಾಥ್‌ ನೀಡುತ್ತಾರೆ. 2018-19ರಲ್ಲಿ ತಾಲೂಕು ಮಟ್ಟದ ಮತ್ತು 2019- 2021ರಲ್ಲಿ ಜಿಲ್ಲಾ ಮಟ್ಟದ ಆತ್ಮ ಯೋಜನೆ ಅಡಿ ತೋಟಗಾರಿಕೆ ವಿಭಾಗದಲ್ಲಿ ಶ್ರೇಷ್ಠ ಕೃಷಿಕ ಪ್ರಶಸ್ತಿ ಪಡೆದಿದ್ದಾರೆ.
ಕ್ವಿಂಟಲ್‌ ಕಾಳುಮೆಣಸು 35 ಸಾವಿರ ರೂ.
ಕಾಳುಮೆಣಸನ್ನು ದಾವಣಗೆರೆ ಮಾರುಕಟ್ಟೆಗೆ, ಕಾಫಿಯನ್ನು ಚಿಕ್ಕಮಗಳೂರಿಗೆ, ಹಣ್ಣು- ಹೂವುಗಳನ್ನು ಸ್ಥಳೀಯ ವ್ಯಾಪಾರಿಗಳಿಗೆ ಮಾರುತ್ತಾರೆ. ಕಾಳು ಮೆಣಸಿಗೆ ಈ ವರ್ಷ ಕ್ವಿಂಟಲ್‌ಗೆ 35 ಸಾವಿರ ರೂ. ದರವಿದೆ. ರಾಜ್ಯ ಸರಕಾರ ಈ ಬಗ್ಗೆ ಗಮನ ನೀಡಿ ಬೆಳೆಗಳಿಗೆ ಸೂಕ್ತ ಬೆಲೆ ನೀಡಿ ಪ್ರೋತ್ಸಾಹಿಸಬೇಕು ಎನ್ನುತ್ತಾರೆ ರೈತ ಮೋತಿನಾಯ್ಕ್‌
ಮುಂದಿನ ದಿನಗಳಲ್ಲಿ ಕೋಳಿ ಸಾಕಾಣಿಕೆ ಸೇರಿ ಹೈನುಗಾರಿಕೆ ಕೃಷಿ ಮಾಡುವ ಹಂಬಲವಿದೆ. ಆದರೆ, ಸರಕಾರದಿಂದ ಇದುವರಿಗೂ ಯಾವುದೇ ಸೌಲಭ್ಯಗಳು ದೊರೆತಿಲ್ಲ. ಸರಕಾರದಿಂದ ಸಮಗ್ರ ಕೃಷಿ ಪದ್ಧತಿಗೆ ಪ್ರೋತ್ಸಾಹ, ಸೌಲಭ್ಯ ನೀಡಬೇಕು. ಇದು ಉಳಿದ ರೈತರಿಗೂ ಪ್ರೇರಣೆ ಆಗಲಿದೆ.
- ಮೋತಿನಾಯ್ಕ್‌ ಪ್ರಗತಿಪರ ರೈತ, ಕವಳಿತಾಂಡ