ಆ್ಯಪ್ನಗರ

ಹೊಸ ಯೋಜನೆಯ ಫೋರ್ಥ್‌ ಸಾಟರ್ಡೇ ರಜೆ: ಕಚೇರಿ ಬಂದ್‌

ರಾಜ್ಯ ಸರಕಾರ ನೂತನವಾಗಿ ಜಾರಿ ಮಾಡಿದ ಸರಕಾರಿ ಕಚೇರಿಗಳಿಗೆ 4ನೇ ಶನಿವಾರದ ರಜೆಯ ಯೋಜನೆಯ ಮೊದಲ ದಿನವಾದ ಶನಿವಾರ ನಗರದಲ್ಲಿ ಎಲ್ಲಾ ಸರಕಾರಿ ಕಚೇರಿಗಳು ಬಂದ್‌ ಆಗಿದ್ದವು.

Vijaya Karnataka 23 Jun 2019, 5:00 am
ಹರಿಹರ : ರಾಜ್ಯ ಸರಕಾರ ನೂತನವಾಗಿ ಜಾರಿ ಮಾಡಿದ ಸರಕಾರಿ ಕಚೇರಿಗಳಿಗೆ 4ನೇ ಶನಿವಾರದ ರಜೆಯ ಯೋಜನೆಯ ಮೊದಲ ದಿನವಾದ ಶನಿವಾರ ನಗರದಲ್ಲಿ ಎಲ್ಲಾ ಸರಕಾರಿ ಕಚೇರಿಗಳು ಬಂದ್‌ ಆಗಿದ್ದವು.
Vijaya Karnataka Web new project fourth saturday vacation office band
ಹೊಸ ಯೋಜನೆಯ ಫೋರ್ಥ್‌ ಸಾಟರ್ಡೇ ರಜೆ: ಕಚೇರಿ ಬಂದ್‌


ಈ ಕುರಿತು ಮಾಹಿತಿ ಇರದ ಸಾರ್ವಜನಿಕರು ಕಚೇರಿಗೆ ಬಂದು ಹೊಸ ರಜೆಯ ವಿಷಯ ತಿಳಿದು ಕೈ ಹಿಚುಕಿಕೊಳ್ಳುತ್ತಾ ಬಂದ ದಾರಿಗೆ ಸುಂಕವಿಲ್ಲದಂತೆ ವಾಪಸ್‌ ತೆರಳಿದರು. ಅದರಲ್ಲೂ ಗ್ರಾಮೀಣ ಭಾಗದವರು ಹೊಸ ರಜೆಯ ವಿಷಯ ತಿಳಿದು ಸರಕಾರಕ್ಕೆ ಹಿಡಿ ಶಾಪ ಹಾಕುತ್ತಿದ್ದರು.

ಹೆಚ್ಚು ಜನ ಬರುವ ತಹಸೀಲ್ದಾರ್‌ ಕಚೇರಿ, ನಗರಸಭೆ, ತಾಪಂ, ಸಬ್‌ ರಿಜಿಸ್ಟ್ರಾರ್‌, ಸಮಾಜ ಕಲ್ಯಾಣ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಸೇರಿದಂತೆ ಹಲವಾರು ಕಚೇರಿಗಳಿಗೆ ಜನ ಬಂದು ವಾಪಸ್‌ ಹೋಗುತ್ತಿರುವುದು ಸಾಮಾನ್ಯವಾಗಿತ್ತು.

ರಾಜ್ಯ ಸರಕಾರ ಸರಕಾರಿ ನೌಕರರ ಬೇಡಿಕೆಗೆ ಮಣಿದು 4ನೇ ಶನಿವಾರ ರಜೆ ನೀಡುವ ಯೋಜನೆಯನ್ನು ಈ ತಿಂಗಳಿಂದ ಜಾರಿ ಮಾಡಿದ ಪ್ರಯುಕ್ತ ಇಂದು ರಜೆ ನೀಡಲಾಗಿತ್ತು. ಈ ಯೋಜನೆಯನ್ನು ಜನಸಾಮಾನ್ಯರು ಟೀಕಿಸಿ ಮಾತನಾಡುತ್ತಿರುವುದು ಕಂಡು ಬಂದಿತು.


ಈಗಾಗಲೇ ಸರಕಾರಿ ರಜೆಗಳ ಸಂಖ್ಯೆ ಅಧಿಕವಾಗಿದೆ. ಇರುವ ರಜೆಗಳನ್ನು ಕಡಿತ ಮಾಡುವ ಬದಲು ವರ್ಷಕ್ಕೆ ಹೊಸ 12 ರಜೆ ಸೇರ್ಪಡೆ ಮಾಡಿರುವುದು ವಿಪರ್ಯಾಸ. ದಿನಕ್ಕೆ ಒಂದೂವರೆಯಿಂದ ಎರಡು ಸಾವಿರ ರೂ.ವರೆಗೆ ಸಂಬಳ, ಹೆಚ್ಚಿನ ರಜೆ, ಸವಲತ್ತು ಇರುವಾಗಲೆ ಸರಕಾರಿ ನೌಕರರಿಗೆ ಮತ್ತೆ 4ನೇ ಶನಿವಾರ ರಜೆ ನೀಡಿರುವುದು ಜನ ವಿರೋಧಿ ನೀತಿಯಾಗಿದೆ.
-ಪರಶುರಾಮ ಹಾವಗಾರ್‌, ರೈತ ಸಂಘ, ಮುಖಂಡ, ರಾಜನಹಳ್ಳಿ.

ಈಗಿರುವ ರಜೆಗಳೇ ಅಧಿಕವಾಗಿವೆ. ಜನ ಸಾಮಾನ್ಯರು ಸಣ್ಣ ಕೆಲಸ ಮಾಡಿಸಿಕೊಳ್ಳಲು ವಾರಗಟ್ಟಲೆ ಸರಕಾರಿ ಕಚೇರಿಗಳಿಗೆ ಅಲೆದಾಡಬೇಕು, ಲಂಚ ನೀಡಬೇಕು, ಜೀ ಹುಜೂರ್‌ ಎನ್ನಬೇಕು. ಪ್ರಜಾತಂತ್ರ ವ್ಯವಸ್ಥೆಯ ಪ್ರಮುಖ ನ್ಯೂನತೆ ಎಂದರೆ ಕೆಂಪುಪಟ್ಟಿ (ರೆಡ್‌ ಟೇಪಿಸಂ) ಅಥವಾ ನಿಧಾನಗತಿಯ ಕೆಲಸವಾಗಿದೆ. ವರ್ಷಕ್ಕೆ ಹೆಚ್ಚುವರಿ 12 ರಜೆಗಳು ಮಲಗುವ ಸರಕಾರಿ ನೌಕರರಿಗೆ ಹಾಸಿಗೆ ಹಾಕಿಕೊಟ್ಟಂತಾಗಿದೆ. ಇದರಿಂದ ಬಡಪಾಯಿ ಜನರು ಮತ್ತಷ್ಟು ಸಂಕಷ್ಟಕ್ಕೆ ಈಡಾಗುತ್ತಾರೆ.
-ಎಚ್‌.ನಾಗರಾಜ್‌, ರಾಜಕೀಯ ಶಾಸ್ತ್ರ ಪಿ.ಜಿ. ವಿದ್ಯಾರ್ಥಿ, ಹರಿಹರ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ