ದಾವಣಗೆರೆಯಲ್ಲಿ ಎಲ್ಲೆಲ್ಲೂ ಸೊಳ್ಳೆ ಕಾಟ; ನೆಮ್ಮದಿಯಾಗಿ ಉಣ್ಣೋ ಹಾಗಿಲ್ಲ, ಅಡ್ಡಾಡೋ ಹಾಗಿಲ್ಲ, ಮಲಗೋ ಹಾಗಿಲ್ಲ!

• ಬಸವರಾಜ ಕೆ.ಜಿ.

ದಾವಣಗೆರೆ: ಸ್ಮಾರ್ಟ್‌ ಸಿಟಿಯಲ್ಲಿ ಸೊಳ್ಳೆಗಳ ಹಾವಳಿ ಹೆಚ್ಚಿದೆ. ಸಂಜೆ ಆದರೆ ಮನೆ ಬಾಗಿಲು ತೆಗಿಯಂಗಿಲ್ಲ. ಹೊರಗೆ ಹೋಗಿ ಅಕ್ಕ ಪಕ್ಕದವರ ಜತೆ ನಿಂತು ಮಾತನಾಡೋ ಹಾಗಿಲ್ಲ. ಹೋಗ್ಲಿ, ಊಟ ಆದ ಮೇಲೆ ಪ್ಯಾಸೇಜ್ ನಲ್ಲಿ ನಾಲ್ಕು ಹೆಜ್ಜೆ ನಡೆದಾಡೋಣ ಅಂದ್ರೆ ಅದಕ್ಕೂ ಬಿಡ್ತಾ ಇಲ್ಲ ಈ ಸೊಳ್ಳೆಗಳು. ಎಲ್ಲೇ ನಿಂತ್ರೂ, ಕುಂತ್ರೂ ಕಿವಿಯಲ್ಲಿ ಗುಯ್ಯ್ ಅಂತ ರಾಗ ಹಾಡುವ ಸೊಳ್ಳೆಗಳು ಕಚ್ಚಿ ಮಾಯವಾಗಿ ಬಿಡುತ್ತವೆ.ರಾತ್ರಿ ಹೊತ್ತು ಬಿಡಿ, ಹಗಲಲ್ಲೂ ಮನೆ ಒಳಗೆ ಸೊಳ್ಳೆಗಳ ಹಾವಳಿ ಜಾಸ್ತಿಯಾಗಿದೆ. ಹಾಲಲ್ಲಿ ಟಿವಿ ನೋಡಲು ಕುಳಿತುಕೊಂಡರೆ ಒಂದೋ ಸೊಳ್ಳೆ ಬತ್ತಿ ಹಚ್ಚಬೇಕು, ಇಲ್ಲದಿದ್ದರೆ ಕೈಯಲ್ಲಿಮಸ್ಕಿಟೋ ಬ್ಯಾಟ್‌ ಹಿಡಿದು ಸೊಳ್ಳೆಯ ಬರುವಿಕೆ ಕಾಯುತ್ತಾ ಕೂರಬೇಕು. ಬಹುತೇಕ ಮನೆಗಳಲ್ಲಿ ಸೊಳ್ಳೆಗಳ ಜತೆ ಹಗಲು ರಾತ್ರಿ ಯುದ್ಧ ನಡೆಯುತ್ತಿದೆ. ನಗರದ ಕೆಲ ಬಡಾವಣೆಗಳಲ್ಲಿ ಸೊಳ್ಳೆ ಕಾಟಕ್ಕೆ ಜನರ ನಿದ್ರಾಭಂಗವಾಗಿದೆ!

ಗ್ರಾಮದ ಮಧ್ಯಭಾಗದಲ್ಲಿ ಘನತ್ಯಾಜ್ಯ ವಿಲೇವಾರಿ ಘಟಕ; ಗ್ರಾಮಸ್ಥರಿಂದ ಪ್ರತಿಭಟನೆ
ಸಿಟಿಯಲ್ಲಿ ಈ ಹಾಡಾದರೆ, ನೀರಾವರಿ ಸೌಲಭ್ಯವಿರುವ ಹಳ್ಳಿಗಳ ಪಾಡು ಕೇಳುವಂತಿಲ್ಲ. ಮೊನ್ನೆಯಷ್ಟೇ ಭದ್ರಾ ಜಲಾಶಯದಿಂದ ಕಾಲುವೆಗೆ ನೀರು ಹರಿಬಿಡಲಾಗಿದೆ. ಕೆಲವೆಡೆ ಬೋರ್‌ ನೀರಿಗೆ ಭತ್ತದ ಸಸಿ ಮಡಿ ಮಾಡಲಾಗಿದೆ. ಈ ವೇಳೆ ಗದ್ದೆಯಲ್ಲಿ ಸದಾ ನೀರು ನಿಲ್ಲುವ ಕಾರಣ, ಸೊಳ್ಳೆಗಳ ಸಂತತಿ ವೃದ್ಧಿಯಾಗುತ್ತಿದೆ.

ಸೊಳ್ಳೆ ಹೆಚ್ಚಲು ಕಾರಣವೇನು?

2022 ಮಳೆ ವರ್ಷ. ವರ್ಷದ ಪ್ರತಿ ತಿಂಗಳೂ ವರುಣ ಆರ್ಭಟಿಸಿ ಹೋಗಿದ್ದಾನೆ. ಕೆರೆ ಕಟ್ಟೆಗಳು ತುಂಬಿವೆ. ಆದರೆ, ಸಮಸ್ಯೆ ಇರುವುದು ಹಳ್ಳಿಗಳ ತೆರೆದ ಚರಂಡಿಗಳು ಹಾಗೂ ನಗರ ಪ್ರದೇಶದಲ್ಲಿರುವ ಖಾಲಿ ಸೈಟುಗಳಿಂದ. ನವೆಂಬರ್‌ ಮುನ್ನ ಸುರಿದ ಮಳೆಯಿಂದಾಗಿ ನಗರದ ಖಾಲಿ ನಿವೇಶನಗಳಲ್ಲಿ ನೀರು ನಿಂತಿತ್ತು. ಈ ನೀರು ತಿಂಗಳವರೆಗೂ ಹಾಗೇ ಇದ್ದುದರಿಂದ ಅಲ್ಲಿಸೊಳ್ಳೆಗಳ ಸಂತಾನೋತ್ಪತ್ತಿ ವೃದ್ಧಿಸಿದೆ. ಹೊರವಲಯದ ಹೊಸ ಲೇಔಟ್‌ಗಳಿಗೆ ಹೊಂದಿಕೊಂಡಿರುವ ಬಡಾವಣೆಗಳಲ್ಲಿಸೊಳ್ಳೆಗಳ ಹಾವಳಿ ಹೆಚ್ಚಾಗಿದೆ. ಇತ್ತ ಹಳೇ ಊರಿನಲ್ಲಿರಸ್ತೆ ಬದಿ ಬೀಳುವ ತ್ಯಾಜ್ಯದಿಂದಾಗಿ ಸೊಳ್ಳೆಗಳ ಕಾಟ ನಿಯಂತ್ರಣಕ್ಕೆ ಬರುತ್ತಿಲ್ಲ.

ದಾವಣಗೆರೆ | ಜ.15ರೊಳಗೆ 150 ಕ್ಷೇತ್ರಗಳ ಟಿಕೆಟ್ ಫೈನಲ್‌; ಆಕಾಂಕ್ಷಿಗಳ ಮಾರ್ಕ್ಸ್ ಕಾರ್ಡ್ ವೀಕ್ಷಣೆ ಮಾಡಿದ ಕೈ ವೀಕ್ಷಕರು
ಫಾಗಿಂಗ್‌ ಮರೆತ ಪಾಲಿಕೆ!

ಸೊಳ್ಳೆಗಳು ಹೆಚ್ಚಾದಾಗ ಊರ ತುಂಬಾ ಫಾಗಿಂಗ್‌ ಮಾಡಬೇಕು. ಕಳೆದ ವರ್ಷವಿಡೀ ಮಳೆಯಾದ ಕಾರಣ, ಜಿಲ್ಲೆಯ ಹಲವು ಗ್ರಾಪಂ ವ್ಯಾಪ್ತಿಯಲ್ಲಿಫಾಗಿಂಗ್‌ ಮಾಡಲಾಗಿದೆ. ಆದರೆ, ದಾವಣಗೆರೆ ಪಾಲಿಕೆ ಅಧಿಕಾರಿಗಳು ಮತ್ತು ಸಿಬ್ಬಂದಿ ಹೊಗೆ ಹಾಕುವುದನ್ನೇ ಮರೆತಿದ್ದಾರೆ. ಈ ಹಿಂದೆ ಕಡೇ ಬಾರಿ ಫಾಗಿಂಗ್‌ ಮಾಡಿದ್ದು ಯಾವಾಗ ಎಂಬುದು ಕೂಡ ನಾಗರಿಕರಿಗೆ ನೆನಪಿಲ್ಲ. ಈಗ ಸೊಳ್ಳೆಗಳು ಹೆಚ್ಚಾಗಿರುವ ಕಾರಣ ಕೂಡಲೆ ಎಲ್ಲಬಡಾವಣೆಗಳಲ್ಲಿ ಫಾಗಿಂಗ್‌ ಮಾಡುವಂತೆ ಸಾರ್ವಜನಿಕರು ಪಾಲಿಕೆಯನ್ನು ಒತ್ತಾಯಿಸಿದ್ದಾರೆ.

ಡೆಂಘಿ ಕೇಸ್‌ ಹೆಚ್ಚಳ

ಸೊಳ್ಳೆ ಕಡಿತ ಸಾಂಕ್ರಾಮಿಕ ರೋಗಗಳಿಗೆ ಕಾರಣವಾಗುತ್ತದೆ. ಸಾಮಾನ್ಯವಾಗಿ ಜ್ವರವೇ ಮುಖ್ಯವಾಗಿರುವ ಮಲೇರಿಯಾ, ಡೆಂಘಿ, ಚಿಕೂನ್‌ಗುನ್ಯಾ ರೋಗಗಳಿಗೆ ಸೊಳ್ಳೆ ಕಡಿತ ಕಾರಣವಾಗುತ್ತದೆ. ಜಿಲ್ಲೆಯಲ್ಲಿ 2022ರ ಜೂನ್‌ ತಿಂಗಳಿಂದ ಡೆಂಗೆ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದೆ. ಇಡೀ ವರ್ಷದಲ್ಲಿಒಟ್ಟು 240 ಡೆಂಗೆ ಹಾಗೂ 78 ಚಿಕೂನ್‌ ಗುನ್ಯಾ ಕೇಸುಗಳು ಪತ್ತೆಯಾಗಿವೆ. ಈ ಪೈಕಿ ಹೆಚ್ಚಿನ ಕೇಸುಗಳು ದಾವಣಗೆರೆಯಲ್ಲೇ ಇವೆ.

2013ರಿಂದ ಈ ದೇಶದ ಇತಿಹಾಸ ಬದಲಾಗಿದೆ: ನಡ್ಡಾ
ಜನ ಏನು ಮಾಡಬೇಕು?

• ಮನೆ ಸುತ್ತ ಸ್ವಚ್ಛತೆ ಕಾಪಾಡಿ.
• ತೆರೆದ ಕೊಳ, ಡ್ರಮ್‌ಗಳಲ್ಲಿನೀರು ಸಂಗ್ರಹಿಸಬೇಡಿ.
• ಮನೆ ಸುತ್ತ ದಿನಗಟ್ಟಲೆ ನೀರು ನಿಲ್ಲಲು ಬಿಡಬೇಡಿ.
• ವಾಹನ, ಅಂಗಳ ತೊಳೆದ ನೀರು ಚರಂಡಿಗೆ ಹೋಗುವಂತೆ ಮಾಡಿ.
• ಸಂಜೆ ವೇಳೆ ಮನೆ ಬಾಗಿಲು ಹಾಕಿ.
• ಸೊಳ್ಳೆ ಒಳ ಬರದಂತೆ ಕಿಟಕಿಗಳಿಗೆ ಮೆಶ್‌ ಹಾಕಿಸಿ.

ಯಾರು ಏನಂತಾರೆ?

ತಿಂಗಳಿಂದ ಇದ್ದಕ್ಕಿದ್ದಂತೆ ಸೊಳ್ಳೆಗಳ ಸಂಖ್ಯೆ ಹೆಚ್ಚಾಗಿದೆ. ಸೊಳ್ಳೆ ಬತ್ತಿ, ಮ್ಯಾಟ್‌ಗೆ ಸೊಳ್ಳೆಗಳು ಮೈಟ್‌ ಮಾಡುತ್ತಿಲ್ಲ. ಸೊಳ್ಳೆ ಪರದೆ ಕಟ್ಟಿಕೊಳ್ಳದೆ ಮಲಗಿದರೆ ನಿದ್ದೆ ಮಾಡಲು ಬಿಡುವುದಿಲ್ಲ. ಅತ್ತ ಪಾಲಿಕೆಯವರು ಫಾಗಿಂಗ್‌ ಮಾಡುವುದನ್ನೇ ಮರೆತಿದ್ದಾರೆ.

- ಎಸ್‌. ರಾಜಶೇಖರ ಮಠದ, ದೇವರಾಜ ಅರಸು ಬಡಾವಣೆ
------------------------------------------
ಸೊಳ್ಳೆಗಳ ಹಾವಳಿ ಹೆಚ್ಚಾದರೆ ಡೆಂಘಿಘಿ, ಮಲೇರಿಯಾ ಪ್ರಕರಣಗಳು ಕೂಡ ಹೆಚ್ಚುತ್ತವೆ. ಈ ಸಂಬಂಧ ಪಾಲಿಕೆ ಆರೋಗ್ಯ ವಿಭಾಗದ ಆದಿಕಾರಿಗಳ ಜತೆ ಚರ್ಚಿಸಿ ಕೂಡಲೆ ನಗರದಲ್ಲಿಫಾಗಿಂಗ್‌ ಮಾಡಿಸಲು ವ್ಯವಸ್ಥೆ ಮಾಡಲಾಗುವುದು.

- ಡಾ. ನಟರಾಜ್‌, ಮಲೇರಿಯಾ ಅಧಿಕಾರಿ