ನಿರಶನ ನಿರತ ಹೊನ್ನಾಳಿ ಶಾಸಕ ಅಸ್ವಸ್ಥ

ಹೊನ್ನಾಳಿ : ತಾಲೂಕು ಕಚೇರಿ ಮುಂಭಾಗ ಆಹೋ ರಾತ್ರಿ ಧರಣಿಯಲ್ಲಿ ಪಾಲ್ಗೊಂಡಿರುವ ಶಾಸಕ ಎಂ.ಪಿ.ರೇಣುಕಾಚಾರ್ಯ ಮತ್ತೊಮ್ಮೆ ಅಸ್ವಸ್ಥಗೊಂಡಿದ್ದಾರೆ. ಬಾನುವಾರ ಬೆಳಗಿನಜಾವ ಹಲವಾರು ಬಾರಿ ವಾಂತಿ ಆಗಿದ್ದರಿಂದ ಶಾಸಕರನ್ನು ಮನೆಗೆ ಕರೆ ತರಲಾಯಿತು.

ನಂತರ ತಾಲೂಕು ವೈದ್ಯಾಧಿಕಾರಿ ಡಾ.ಕೆಂಚಪ್ಪ ಪ್ರಾಥಮಿಕ ಚಿಕಿತ್ಸೆ ನೀಡಿ, ನಂತರ ಗ್ಲೂಕೋಸ್‌ ಹಾಕಿಸಿದ್ದರು, ರಕ್ತದೊತ್ತಡ ಹೆಚ್ಚಾಗಿ ವಾಂತಿ ಆಗಿದೆ. ಅವರಿಗೆ ವಿಶ್ರಾಂತಿ ಅಗತ್ಯ ಇದೆ ಎಂದು ತಿಳಿಸಿದರು. ಸ್ಥಳಕ್ಕೆ ತಹಸೀಲ್ದಾರ್‌ ತುಷಾರ್‌ ಬಿ. ಹೊಸೂರು ಭೇಟಿ ನೀಡಿ ಶಾಸಕರ ಆರೋಗ್ಯ ವಿಚಾರಿಸಿದರು. ಈ ಹಿಂದೆ ನಿರಶನ ವೇಳೆಯಲ್ಲೂ ಶುಗರ್‌, ಬಿಪಿ ಹೆಚ್ಚಾಗಿ ಸ್ಥಳದಲ್ಲೇ ಚಿಕಿತ್ಸೆ ನೀಡಲಾಗಿತ್ತು.