ನಂದೀಶ್ ಭದ್ರಾವತಿ ದಾವಣಗೆರೆ
ಜಿಲ್ಲೆಯಲ್ಲಿ 2019ರ ಮತದಾರರ ನೋಂದಣಿ ಪ್ರಕ್ರಿಯೆಯಲ್ಲಿ 1,17,465 ಹೊಸ ಮತದಾರರು ಸೇರ್ಪಡೆಯಾಗಿದ್ದು, ಜಿಲ್ಲೆಯ ಒಟ್ಟು ಮತದಾರರ ಸಂಖ್ಯೆ 14.93 ಲಕ್ಷದಿಂದ 16.11 ಲಕ್ಷಕ್ಕೆ ಹಿಗ್ಗಿದೆ. ಲೋಕಸಭೆ ಚುನಾವಣೆಯಲ್ಲಿ ಎಲ್ಲಾ ಪಕ್ಷಗಳು ಹೊಸ ಯುವ ಮತದಾರರ ಮೇಲೆ ಕಣ್ಣಿಟ್ಟಿದ್ದು, ಅವರನ್ನು ಸೆಳೆಯಲು ಇನ್ನಿಲ್ಲದ ಕಸರತ್ತು ನಡೆಸುತ್ತಿವೆ.
ಹಿಗ್ಗಿದ ಮಹಿಳಾ ಮತ ಸಂಖ್ಯೆ:
2014ರ ಲೋಕಸಭಾ ಚುನಾವಣೆಯಲ್ಲಿ 14,93,822 ಮತದಾರರು ಇದ್ದು, 1,17,465 ಹೊಸ ಮತದಾರರು ಸೇರಿ 2019ರಲ್ಲಿ 16,11,965 ಮತದಾರರು ಮತ ಹಕ್ಕು ಪಡೆದಿದ್ದಾರೆ. ಕಳೆದ ಲೋಕಸಭಾ ಚುನಾವಣೆಯ ಮತದಾರರ ಪಟ್ಟಿಗೆ ಹೋಲಿಸಿದರೆ ಈ ಬಾರಿ ಹೊಸದಾಗಿ ಸೇರಿದ ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಿದೆ. 2014ರಲ್ಲಿ ಪುರುಷ ಮತದಾರರು 7,58,904 ಇದ್ದರೇ 2019ರಲ್ಲಿ ಈ ಸಂಖ್ಯೆ 8,14,413ಕ್ಕೆ ಏರಿದೆ. ಇನ್ನು 2014ರಲ್ಲಿ 73,4918 ಮಹಿಳಾ ಮತದಾರರು ಇದ್ದರೇ, 2019ರಲ್ಲಿ 79,68,74ಕ್ಕೆ ಏರಿದೆ. ಒಟ್ಟಾರೆ 55,509 ಪುರುಷ, 61,956 ಮಹಿಳಾ ಮತದಾರರು ಹೊಸದಾಗಿ ಮತ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ.
ಪ್ರಥಮ ಮತಕ್ಕೆ ಪಕ್ಷಗಳ ಕಣ್ಣು:
ಚುನಾವಣೆ ಫಲಿತಾಂಶವನ್ನೇ ಬದಲು ಮಾಡುವ ಸಾಮರ್ಥ್ಯವನ್ನು ಹೊಸ ಹಾಗೂ ಯುವ ಮತದಾರರು ಹೊಂದಿದ್ದು, ಈ ಕಾರಣಕ್ಕಾಗಿ ರಾಷ್ಟ್ರೀಯ ಪಕ್ಷಗಳು, ಒಂದು ಪ್ರಾದೇಶಿಕ ಪಕ್ಷ ಲೋಕಸಭೆ ಚುನಾವಣೆಗೆ ಈ ಮತದಾರರ ಸೆಳೆಯಲು ಸಜ್ಜಾಗಿವೆ. ಇದಕ್ಕಾಗಿ ಎಲ್ಲಾ ಪಕ್ಷಗಳು ನಾನಾ ಕಾರ್ಯಕ್ರಮಗಳ ಹಮ್ಮಿಕೊಳ್ಳಲು ಕಾರ್ಯಕರ್ತರಿಗೆ ತಿಳಿಸಿವೆ. ಬಿಜೆಪಿ ಈಗಾಗಲೇ ಈ ದಿಕ್ಕಿನಲ್ಲಿ ಕಾರ್ಯೋನ್ಮುಖವಾಗಿದೆ.
ಏನು ಕಾರ್ಯಕ್ರಮ:
ಬಿಜೆಪಿ 1 ಬೂತ್ಗೆ 10 ಯುವ ಮತದಾರರನ್ನು ಪಕ್ಷಕ್ಕೆ ಸೆಳೆಯಲು ಪ್ರಯತ್ನ ಮಾಡುತ್ತಿದೆ. ಯಾರ ಬಳಿ ಬೈಕ್ ಇರುತ್ತದೆಯೋ ಅಂತವರನ್ನು ಒಟ್ಟಿಗೆ ಸೇರಿಸಿ 5 ಬೂತ್ಗಳಿಂದ ಬೈಕ್ ರಾರಯಲಿ ಹಮ್ಮಿಕೊಂಡಿದೆ. ಇನ್ನು ಶಕ್ತಿ ಕೇಂದ್ರದ ಮೂಲಕ ಮೋದಿ ಕಾರ್ಯಕ್ರಮಗಳನ್ನು ಯುವಕರಿಗೆ ತಿಳಿಸಲು ಯೂತ್ ವೋಟರ್ಸ್ ಸಮಾವೇಶಕ್ಕೆ ವೇದಿಕೆ ಸಿದ್ಧ ಮಾಡಿದೆ. ಅಲ್ಲದೇ ಮೈ ಫಸ್ಟ್ ವೋಟ್ ಫಾರ್ ಮೋದಿ ಎಂಬ ಕಾರ್ಯಕ್ರಮ ಆಯೋಜಿಸಿದೆ. ಇನ್ನು ಜಿಲ್ಲಾ ಮಟ್ಟದಲ್ಲಿ ಕಬಡ್ಡಿ, ಕ್ರಿಕೆಟ್ ಆಟವನ್ನು ಕಮಲ ಕಪ್ ಹೆಸರಿನಡಿ ಹಮ್ಮಿಕೊಳ್ಳಲು ಬಿಜೆಪಿ ಸಜ್ಜಾಗಿದೆ ಎಂದು ರಾಜ್ಯ ಯುವ ಮೋರ್ಚಾದ ಪ್ರಸನ್ನ ಹೇಳುತ್ತಾರೆ.
ಇನ್ನು ಕಾಂಗ್ರೆಸ್ ರೈತರ, ನಿರುದ್ಯೋಗದ ಸಮಸ್ಯೆ ಇಟ್ಟುಕೊಂಡು ಚುನಾವಣೆ ನಡೆಸಲು ವೇದಿಕೆ ಸಿದ್ಧತೆ ಮಾಡಿಕೊಂಡಿದೆ. ಅಲ್ಲದೇ ಲೋಕಸಭೆ ಚುನಾವಣಾ ಸಿದ್ಧತಾ ಶಿಬಿರ ಹಮ್ಮಿಕೊಂಡು ಮೋದಿ ಆಡಳಿತದ ವೈಫಲ್ಯಗಳನ್ನು ಯುವಕರಿಗೆ ತಿಳಿಸಲು ನಾನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ.
ಸಾಮಾಜಿಕ ಜಾಲತಾಣ ಬಳಕೆ :
ಯುವ ಮತದಾರರ ನಿರ್ಧಾರಗಳು ರಾಜಕೀಯ ಪಕ್ಷ ಗಳ ಲೆಕ್ಕಾಚಾರವನ್ನೇ ತಲೆಕೆಳಗೆ ಮಾಡುವ ಸಂದರ್ಭ ಇರುವುದರಿಂದ ಎರಡು ರಾಷ್ಟ್ರೀಯ ಪಕ್ಷಗಳು ಸಾಮಾಜಿಕ ಜಾಲತಾಣ ಬಳಸಿಕೊಂಡು, ಕೇಂದ್ರ ಹಾಗೂ ರಾಜ್ಯ ಸರಕಾರದ ನಿರ್ಧಾರ, ಅಭಿವೃದ್ಧಿ ಕಾರ್ಯಗಳನ್ನು ಅಳೆಯುವುದು, ಅಭಿಪ್ರಾಯ ನೀಡುವಿಕೆ, ಪ್ರತ್ಯಕ್ಷ ಮತ್ತು ಪರೋಕ್ಷ ವಾಗಿ ರಾಜಕೀಯ ಚಟುವಟಿಕೆಯಲ್ಲಿ ತೊಡಗಿಕೊಳ್ಳುವಿಕೆಯಿಂದ ಆಗುವ ಲಾಭಗಳ ಬಗ್ಗೆ ತಿಳಿಸುತ್ತಿವೆ. ಒಟ್ಟಾರೆ ಹೊಸ ಮತದಾರರ ಮೇಲೆ ರಾಷ್ಟ್ರೀಯ ಪಕ್ಷಗಳು ಕಣ್ಣು ಇಟ್ಟಿದ್ದು, ಯುವ ಮತದಾರರರ ಒಲವು ಎತ್ತ ಎನ್ನುವುದನ್ನು ಕಾದುನೋಡಬೇಕು.
ಪೋಲಿಂಗ್ ಸೆಕ್ಷನ್
ಜಿಲ್ಲೆಯಲ್ಲಿ 1949 ಪೋಲಿಂಗ್ ಸೆಕ್ಷನ್ ಇದ್ದು, 2614 ಬ್ಯಾಲೆಟ್ ಯೂನಿಟ್, 2893 ಕಂಟ್ರೋಲ್ ಯೂನಿಟ್, 2504 ವಿವಿ ಪ್ಯಾಟ್ಗಳು ಈಗಾಗಲೇ ಇದೆ.20 ನೋಡಲ್ ಆಫೀಸರ್ಗಳನ್ನು ಈಗಾಗಲೇ ನೇಮಕ ಮಾಡಲಾಗಿದೆ.
ಚುನಾವಣೆಗೆ ಜಿಲ್ಲಾಡಳಿತ ಈಗಾಗಲೇ ಸಜ್ಜುಗೊಂಡಿದ್ದು, ಎಲ್ಲ ಅಧಿಕಾರಿಗಳಿಗೆ ಈಗಾಗಲೇ ತರಬೇತಿ ನೀಡಲಾಗಿದೆ. ನೀತಿ ಸಂಹಿತೆಯನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲು ಎಲ್ಲ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ.
- ಜಿ.ಎನ್.ಶಿವಮೂರ್ತಿ, ಜಿಲ್ಲಾಧಿಕಾರಿ
ನೋಂದಣಿ ಪರಿಷ್ಕರಣೆ
2018 ಜು.15 ರಿಂದ ಮತದಾರರ ನೋಂದಣಿ ಪರಿಷ್ಕರಣೆ ಪೂರ್ವಸಿದ್ಧತಾ ಪ್ರಕ್ರಿಯೆ ಆರಂಭವಾಗಿದ್ದು, ಬಿಎಲ್ಒಗಳಿಂದ ಮನೆ-ಮನೆ ಭೇಟಿ, ಮತಗಟ್ಟೆಗಳ ತರ್ಕ ಬದ್ದತೆ ಮತ್ತು ಭೌತಿಕ ಪರಿಶೀಲನೆ ನಡೆಸಿ ಕರಡು ಮತದಾರರ ಪಟ್ಟಿ ತಯಾರಿಸಲಾಗಿತ್ತು. ಅ.10 ರಿಂದ ನವೆಂಬರ್ 20 ರವರೆಗೆ ಹಕ್ಕು ಮತ್ತು ಆಕ್ಷೇಪಣೆ ಆಹ್ವಾನಿಸಲಾಗಿತ್ತು.ಡಿ.21ಕ್ಕೆ ಆಕ್ಷೇಪಣೆಗಳ ವಿಲೇವಾರಿ ಮಾಡಲಾಯಿತು. ಜ.4ಕ್ಕೆ ಛಾಯಾಚಿತ್ರ ಸಹಿತ ಅಂತಿಮ ಮತದಾರರ ಪಟ್ಟಿಯ ಪ್ರಕಟಣೆ ಮಾಡಲಾಯಿತು. ಅ.10ರಿಂದ ನ.17 ರವರೆಗೆ ಒಟ್ಟು ಎಂಟು ವಿಧಾನಸಭಾ ಕ್ಷೇತ್ರದಲ್ಲಿ ಫಾರಂ 6 ಅರ್ಜಿ ಸಲ್ಲಿಸಿದವರು 4,341, ಫಾರಂ 7- 2920, ಫಾರಂ 8- 1838, ಫಾರಂ 8ಎ- 477 ಸೇರಿದಂತೆ ಒಟ್ಟು 9,576 ಅರ್ಜಿಗಳನ್ನು ಸ್ವೀಕರಿಸಲಾಗಿತ್ತು.
ಜಿಲ್ಲೆಯಲ್ಲಿ 2019ರ ಮತದಾರರ ನೋಂದಣಿ ಪ್ರಕ್ರಿಯೆಯಲ್ಲಿ 1,17,465 ಹೊಸ ಮತದಾರರು ಸೇರ್ಪಡೆಯಾಗಿದ್ದು, ಜಿಲ್ಲೆಯ ಒಟ್ಟು ಮತದಾರರ ಸಂಖ್ಯೆ 14.93 ಲಕ್ಷದಿಂದ 16.11 ಲಕ್ಷಕ್ಕೆ ಹಿಗ್ಗಿದೆ. ಲೋಕಸಭೆ ಚುನಾವಣೆಯಲ್ಲಿ ಎಲ್ಲಾ ಪಕ್ಷಗಳು ಹೊಸ ಯುವ ಮತದಾರರ ಮೇಲೆ ಕಣ್ಣಿಟ್ಟಿದ್ದು, ಅವರನ್ನು ಸೆಳೆಯಲು ಇನ್ನಿಲ್ಲದ ಕಸರತ್ತು ನಡೆಸುತ್ತಿವೆ.
ಹಿಗ್ಗಿದ ಮಹಿಳಾ ಮತ ಸಂಖ್ಯೆ:
2014ರ ಲೋಕಸಭಾ ಚುನಾವಣೆಯಲ್ಲಿ 14,93,822 ಮತದಾರರು ಇದ್ದು, 1,17,465 ಹೊಸ ಮತದಾರರು ಸೇರಿ 2019ರಲ್ಲಿ 16,11,965 ಮತದಾರರು ಮತ ಹಕ್ಕು ಪಡೆದಿದ್ದಾರೆ. ಕಳೆದ ಲೋಕಸಭಾ ಚುನಾವಣೆಯ ಮತದಾರರ ಪಟ್ಟಿಗೆ ಹೋಲಿಸಿದರೆ ಈ ಬಾರಿ ಹೊಸದಾಗಿ ಸೇರಿದ ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಿದೆ. 2014ರಲ್ಲಿ ಪುರುಷ ಮತದಾರರು 7,58,904 ಇದ್ದರೇ 2019ರಲ್ಲಿ ಈ ಸಂಖ್ಯೆ 8,14,413ಕ್ಕೆ ಏರಿದೆ. ಇನ್ನು 2014ರಲ್ಲಿ 73,4918 ಮಹಿಳಾ ಮತದಾರರು ಇದ್ದರೇ, 2019ರಲ್ಲಿ 79,68,74ಕ್ಕೆ ಏರಿದೆ. ಒಟ್ಟಾರೆ 55,509 ಪುರುಷ, 61,956 ಮಹಿಳಾ ಮತದಾರರು ಹೊಸದಾಗಿ ಮತ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ.
ಪ್ರಥಮ ಮತಕ್ಕೆ ಪಕ್ಷಗಳ ಕಣ್ಣು:
ಚುನಾವಣೆ ಫಲಿತಾಂಶವನ್ನೇ ಬದಲು ಮಾಡುವ ಸಾಮರ್ಥ್ಯವನ್ನು ಹೊಸ ಹಾಗೂ ಯುವ ಮತದಾರರು ಹೊಂದಿದ್ದು, ಈ ಕಾರಣಕ್ಕಾಗಿ ರಾಷ್ಟ್ರೀಯ ಪಕ್ಷಗಳು, ಒಂದು ಪ್ರಾದೇಶಿಕ ಪಕ್ಷ ಲೋಕಸಭೆ ಚುನಾವಣೆಗೆ ಈ ಮತದಾರರ ಸೆಳೆಯಲು ಸಜ್ಜಾಗಿವೆ. ಇದಕ್ಕಾಗಿ ಎಲ್ಲಾ ಪಕ್ಷಗಳು ನಾನಾ ಕಾರ್ಯಕ್ರಮಗಳ ಹಮ್ಮಿಕೊಳ್ಳಲು ಕಾರ್ಯಕರ್ತರಿಗೆ ತಿಳಿಸಿವೆ. ಬಿಜೆಪಿ ಈಗಾಗಲೇ ಈ ದಿಕ್ಕಿನಲ್ಲಿ ಕಾರ್ಯೋನ್ಮುಖವಾಗಿದೆ.
ಏನು ಕಾರ್ಯಕ್ರಮ:
ಬಿಜೆಪಿ 1 ಬೂತ್ಗೆ 10 ಯುವ ಮತದಾರರನ್ನು ಪಕ್ಷಕ್ಕೆ ಸೆಳೆಯಲು ಪ್ರಯತ್ನ ಮಾಡುತ್ತಿದೆ. ಯಾರ ಬಳಿ ಬೈಕ್ ಇರುತ್ತದೆಯೋ ಅಂತವರನ್ನು ಒಟ್ಟಿಗೆ ಸೇರಿಸಿ 5 ಬೂತ್ಗಳಿಂದ ಬೈಕ್ ರಾರಯಲಿ ಹಮ್ಮಿಕೊಂಡಿದೆ. ಇನ್ನು ಶಕ್ತಿ ಕೇಂದ್ರದ ಮೂಲಕ ಮೋದಿ ಕಾರ್ಯಕ್ರಮಗಳನ್ನು ಯುವಕರಿಗೆ ತಿಳಿಸಲು ಯೂತ್ ವೋಟರ್ಸ್ ಸಮಾವೇಶಕ್ಕೆ ವೇದಿಕೆ ಸಿದ್ಧ ಮಾಡಿದೆ. ಅಲ್ಲದೇ ಮೈ ಫಸ್ಟ್ ವೋಟ್ ಫಾರ್ ಮೋದಿ ಎಂಬ ಕಾರ್ಯಕ್ರಮ ಆಯೋಜಿಸಿದೆ. ಇನ್ನು ಜಿಲ್ಲಾ ಮಟ್ಟದಲ್ಲಿ ಕಬಡ್ಡಿ, ಕ್ರಿಕೆಟ್ ಆಟವನ್ನು ಕಮಲ ಕಪ್ ಹೆಸರಿನಡಿ ಹಮ್ಮಿಕೊಳ್ಳಲು ಬಿಜೆಪಿ ಸಜ್ಜಾಗಿದೆ ಎಂದು ರಾಜ್ಯ ಯುವ ಮೋರ್ಚಾದ ಪ್ರಸನ್ನ ಹೇಳುತ್ತಾರೆ.
ಇನ್ನು ಕಾಂಗ್ರೆಸ್ ರೈತರ, ನಿರುದ್ಯೋಗದ ಸಮಸ್ಯೆ ಇಟ್ಟುಕೊಂಡು ಚುನಾವಣೆ ನಡೆಸಲು ವೇದಿಕೆ ಸಿದ್ಧತೆ ಮಾಡಿಕೊಂಡಿದೆ. ಅಲ್ಲದೇ ಲೋಕಸಭೆ ಚುನಾವಣಾ ಸಿದ್ಧತಾ ಶಿಬಿರ ಹಮ್ಮಿಕೊಂಡು ಮೋದಿ ಆಡಳಿತದ ವೈಫಲ್ಯಗಳನ್ನು ಯುವಕರಿಗೆ ತಿಳಿಸಲು ನಾನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ.
ಸಾಮಾಜಿಕ ಜಾಲತಾಣ ಬಳಕೆ :
ಯುವ ಮತದಾರರ ನಿರ್ಧಾರಗಳು ರಾಜಕೀಯ ಪಕ್ಷ ಗಳ ಲೆಕ್ಕಾಚಾರವನ್ನೇ ತಲೆಕೆಳಗೆ ಮಾಡುವ ಸಂದರ್ಭ ಇರುವುದರಿಂದ ಎರಡು ರಾಷ್ಟ್ರೀಯ ಪಕ್ಷಗಳು ಸಾಮಾಜಿಕ ಜಾಲತಾಣ ಬಳಸಿಕೊಂಡು, ಕೇಂದ್ರ ಹಾಗೂ ರಾಜ್ಯ ಸರಕಾರದ ನಿರ್ಧಾರ, ಅಭಿವೃದ್ಧಿ ಕಾರ್ಯಗಳನ್ನು ಅಳೆಯುವುದು, ಅಭಿಪ್ರಾಯ ನೀಡುವಿಕೆ, ಪ್ರತ್ಯಕ್ಷ ಮತ್ತು ಪರೋಕ್ಷ ವಾಗಿ ರಾಜಕೀಯ ಚಟುವಟಿಕೆಯಲ್ಲಿ ತೊಡಗಿಕೊಳ್ಳುವಿಕೆಯಿಂದ ಆಗುವ ಲಾಭಗಳ ಬಗ್ಗೆ ತಿಳಿಸುತ್ತಿವೆ. ಒಟ್ಟಾರೆ ಹೊಸ ಮತದಾರರ ಮೇಲೆ ರಾಷ್ಟ್ರೀಯ ಪಕ್ಷಗಳು ಕಣ್ಣು ಇಟ್ಟಿದ್ದು, ಯುವ ಮತದಾರರರ ಒಲವು ಎತ್ತ ಎನ್ನುವುದನ್ನು ಕಾದುನೋಡಬೇಕು.
ಪೋಲಿಂಗ್ ಸೆಕ್ಷನ್
ಜಿಲ್ಲೆಯಲ್ಲಿ 1949 ಪೋಲಿಂಗ್ ಸೆಕ್ಷನ್ ಇದ್ದು, 2614 ಬ್ಯಾಲೆಟ್ ಯೂನಿಟ್, 2893 ಕಂಟ್ರೋಲ್ ಯೂನಿಟ್, 2504 ವಿವಿ ಪ್ಯಾಟ್ಗಳು ಈಗಾಗಲೇ ಇದೆ.20 ನೋಡಲ್ ಆಫೀಸರ್ಗಳನ್ನು ಈಗಾಗಲೇ ನೇಮಕ ಮಾಡಲಾಗಿದೆ.
ಚುನಾವಣೆಗೆ ಜಿಲ್ಲಾಡಳಿತ ಈಗಾಗಲೇ ಸಜ್ಜುಗೊಂಡಿದ್ದು, ಎಲ್ಲ ಅಧಿಕಾರಿಗಳಿಗೆ ಈಗಾಗಲೇ ತರಬೇತಿ ನೀಡಲಾಗಿದೆ. ನೀತಿ ಸಂಹಿತೆಯನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲು ಎಲ್ಲ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ.
- ಜಿ.ಎನ್.ಶಿವಮೂರ್ತಿ, ಜಿಲ್ಲಾಧಿಕಾರಿ
ನೋಂದಣಿ ಪರಿಷ್ಕರಣೆ
2018 ಜು.15 ರಿಂದ ಮತದಾರರ ನೋಂದಣಿ ಪರಿಷ್ಕರಣೆ ಪೂರ್ವಸಿದ್ಧತಾ ಪ್ರಕ್ರಿಯೆ ಆರಂಭವಾಗಿದ್ದು, ಬಿಎಲ್ಒಗಳಿಂದ ಮನೆ-ಮನೆ ಭೇಟಿ, ಮತಗಟ್ಟೆಗಳ ತರ್ಕ ಬದ್ದತೆ ಮತ್ತು ಭೌತಿಕ ಪರಿಶೀಲನೆ ನಡೆಸಿ ಕರಡು ಮತದಾರರ ಪಟ್ಟಿ ತಯಾರಿಸಲಾಗಿತ್ತು. ಅ.10 ರಿಂದ ನವೆಂಬರ್ 20 ರವರೆಗೆ ಹಕ್ಕು ಮತ್ತು ಆಕ್ಷೇಪಣೆ ಆಹ್ವಾನಿಸಲಾಗಿತ್ತು.ಡಿ.21ಕ್ಕೆ ಆಕ್ಷೇಪಣೆಗಳ ವಿಲೇವಾರಿ ಮಾಡಲಾಯಿತು. ಜ.4ಕ್ಕೆ ಛಾಯಾಚಿತ್ರ ಸಹಿತ ಅಂತಿಮ ಮತದಾರರ ಪಟ್ಟಿಯ ಪ್ರಕಟಣೆ ಮಾಡಲಾಯಿತು. ಅ.10ರಿಂದ ನ.17 ರವರೆಗೆ ಒಟ್ಟು ಎಂಟು ವಿಧಾನಸಭಾ ಕ್ಷೇತ್ರದಲ್ಲಿ ಫಾರಂ 6 ಅರ್ಜಿ ಸಲ್ಲಿಸಿದವರು 4,341, ಫಾರಂ 7- 2920, ಫಾರಂ 8- 1838, ಫಾರಂ 8ಎ- 477 ಸೇರಿದಂತೆ ಒಟ್ಟು 9,576 ಅರ್ಜಿಗಳನ್ನು ಸ್ವೀಕರಿಸಲಾಗಿತ್ತು.