ಗೂಗಲ್‌ ಪೇ ಹೆಸರಲ್ಲಿ 1 ಲಕ್ಷ ರೂ. ವಂಚನೆ

ಹುಬ್ಬಳ್ಳಿ : ಗೋಗಲ್‌ ಪೇ ಕಸ್ಟಮರ್‌ ಕೇರ್‌ನಿಂದ ಮಾತನಾಡುವುದಾಗಿ ನಂಬಿಸಿ ವ್ಯಕ್ತಿಯೊಬ್ಬರ ಖಾತೆಯಿಂದ ಒಂದು ಲಕ್ಷ ಹಣವನ್ನು ವರ್ಗಾಯಿಸಿಕೊಂಡು ಮೋಸ ಮಾಡಿದ ಘಟನೆ ಇತ್ತೀಚಿಗೆ ನಡೆದಿದೆ.

ಧಾರವಾಡ ಗಾಂಧಿನಗರ ನಿವಾಸಿ ದೀಪಕ ವಿಠೋಬಾ ಮಡಿವಾಳ ಎಂಬುವರೇ ಮೋಸ ಹೋದವರು. ದೀಪಕ ಅವರಿಗೆ ಕರೆ ಮಾಡಿದ ಅಪರಿಚಿತ ವ್ಯಕ್ತಿ ಗೋಗಲ್‌ ಪೇ ಕಸ್ಟಮರ್‌ ಕೇರ್‌ನಿಂದ ಮಾತನಾಡುತ್ತಿರುವುದಾಗಿ ಹೇಳಿದ್ದಾನೆ. ಅಡುಗೆ ಸಿಲಿಂಡರ್‌ ಬುಕ್ಕಿಂಗ್‌ಗೆ ಪಾವತಿಸಿದ ಹಣವನ್ನು ಮರಳಿ ನಿಮ್ಮ ಖಾತೆಗೆ ಮರು ಪಾವತಿ ಮಾಡುವುದಾಗಿ ದೀಪಕ ಅವರಿಗೆ ನಂಬಿಸಿದ್ದಾನೆ. ಹಣ ವಾಪಸ್‌ ಪಡೆಯಲು ಎನಿಡೆಸ್ಕ ಆ್ಯಪ್‌ ಡೌನ್‌ ಲೋಡ ಮಾಡಿಕೊಳ್ಳುವಂತೆ ಸಲಹೆ ನೀಡಿದ್ದಾನೆ. ನಂತರ ಆ್ಯಪ್‌ನ ಲಿಂಕ್‌ ಮುಖಾಂತರ ದೀಪಕ್‌ ಅವರ ಖಾತೆಯಲ್ಲಿದ್ದ 1 ಲಕ್ಷ ಹಣವನ್ನು ವರ್ಗಾಯಿಸಿಕೊಂಡು ಮೋಸ ಮಾಡಿದ್ದಾನೆ. ಈ ಕುರಿತು ದೀಪಕ ಅವರ ಮಾಹಿತಿ ಆಧರಿಸಿ ಸೈಬರ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದಂಡ ವಸೂಲಿ: ಸಂಚಾರ ನಿಯಮ ಉಲ್ಲಂಘನೆಗೆ ಸಂಬಂಧಿಸಿದಂತೆ ಆ.12ರಂದು 488 ಪ್ರಕರಣ ದಾಖಲಾಗಿದ್ದು,ಒಟ್ಟು 62,200 ರೂ. ದಂಡ ವಸೂಲಿ ಮಾಡಲಾಗಿದೆ.