ಸ್ಯಾನಿಟೈಸರ್‌ ಕುಡಿದ ಮತ್ತೆ 10 ಮಂದಿ ಕಿಮ್ಸ್‌ಗೆ ದಾಖಲು

ಹುಬ್ಬಳ್ಳಿ: ಕಲಘಟಗಿ ತಾಲೂಕಿನ ಗಂಭ್ಯಾಪುರ ಗ್ರಾಮದಲ್ಲಿಸ್ಯಾನಿಟೈಸರ್‌ ಸೇವಿಸಿ ಇಬ್ಬರು ಮೃತಪಟ್ಟ ಘಟನೆ ಬೆನ್ನಲ್ಲೇ ಸ್ಯಾನಿಟೈಸರ್‌ ಸೇವಿಸಿದ ಅದೇ ಗ್ರಾಮದ ಹತ್ತು ಜನರನ್ನು ಹುಬ್ಬಳ್ಳಿ ಕಿಮ್ಸ್‌ಗೆ ದಾಖಲಿಸಲಾಗಿದೆ.

ಗ್ರಾಮದಲ್ಲಿಸುಮಾರು 15 ಜನ ಮದ್ಯ ವ್ಯಸನಿಗಳು ಸ್ಯಾನಿಟೈಸರ್‌ ಸೇವನೆ ಮಾಡಿದ್ದರು ಎಂದು ಹೇಳಲಾಗುತ್ತಿದೆ. ಹೀಗಾಗಿ ಪೊಲೀಸರು ಸ್ಯಾನಿಟೈಸರ್‌ ಕುಡಿದವರನ್ನು ಪತ್ತೆ ಮಾಡುವ ಕಾರ್ಯಕ್ಕೆ ಮುಂದಾಗಿದ್ದಾರೆ. ಸೋಮವಾರ ಸಿಕ್ಕ ಹತ್ತು ಜನರನ್ನು ಕಿಮ್ಸ್‌ಗೆ ದಾಖಲಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ಸ್ಯಾನಿಟೈಸರ್‌ ಕುಡಿದು ಅಸ್ವಸ್ಥಗೊಂಡಿದ್ದ ಅಕ್ಕ-ತಮ್ಮ ಚಿಕಿತ್ಸೆ ಫಲಿಸದೇ ಭಾನುವಾರ ಸಾವನ್ನಪ್ಪಿದ್ದರು. ಹೀಗಾಗಿ ಇವರ ಜೊತೆ ಸ್ಯಾನಿಟೈಸರ್‌ ಸೇವಿಸಿದ ಇನ್ನುಳಿದ ಜನರನ್ನು ಪೊಲೀಸರು ಹುಡುಕುವ ಕಾರ್ಯದಲ್ಲಿತೊಡಗಿದ್ದಾರೆ.