ಮತ್ತೊಂದು ದಾಖಲೆ ಬರೆದ ಕಿಮ್ಸ್ ಆಸ್ಪತ್ರೆ: 101 ಕೋವಿಡ್ ಸೋಂಕಿತ ಗರ್ಭಿಣಿಯರಿಗೆ ಹೆರಿಗೆ!

ಹುಬ್ಬಳ್ಳಿ: ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯು ರಾಜ್ಯದಲ್ಲಿಯೇ ಮೊದಲ ಯಶಸ್ವಿ ಪ್ಲಾಸ್ಮಾ ಥೆರಪಿ ಮೂಲಕ ಗಮನ ಸೆಳೆದಿರುವ ಕಿಮ್ಸ್ ವೈದ್ಯರು ಇದೀಗ ಕೊರೊನಾ ಸೋಂಕಿತ 101 ಗರ್ಭಿಣಿಯರಿಗೆ ಯಶಸ್ವಿಯಾಗಿ ಹೆರಿಗೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

66 ಮಹಿಳೆಯರಿಗೆ ಸಿಸೇರಿಯನ್ ಮತ್ತು 35 ಮಹಿಳೆಯರಿಗೆ ನಾರ್ಮಲ್ ಹೆರಿಗೆಯಾಗಿದೆ. ಇದರಲ್ಲಿ 4ಶಿಶು ಹಾಗೂ 3 ಬಾಣಂತಿಯರು ಮೃತಪಟ್ಟಿದ್ದಾರೆ.

ಕೆಲವರಿಗೆ ಮಾರಕ ರೋಗದ ನಡುವೆ ಹೆರಿಗೆಯಾಗಿದ್ದು, ಇದರಲ್ಲಿ ಕೆಲವು ಪ್ರಕರಣಗಳು ಸವಾಲಾಗಿದ್ದವು ಎಂದು ನಿರ್ದೇಶಕ ಡಾ. ರಾಮ ಲಿಂಗಪ್ಪ ಅಂಟರತಾನಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ವಿವಿಧ ಬೇಡಿಕೆ ಈಡೇರಿಕೆಗೆ ಹುಬ್ಬಳ್ಳಿ ಕಿಮ್ಸ್‌ ಆವರಣದಲ್ಲಿ ನರ್ಸ್‌ಗಳ ಪ್ರತಿಭಟನೆ

ಹೆರಿಗೆ ವಾರ್ಡ್‌ ನಲ್ಲಿ ಕೆಲಸ ಮಾಡಿದ ಇಬ್ಬರು ಸಿಬ್ಬಂದಿ, 8 ಪಿಜಿ ವಿದ್ಯಾರ್ಥಿಗಳಿಗೆ, ಹೌಸ್ ನರ್ಸ್ 12 ಜನರಿಗೆ ಕೋವಿಡ್ ಪಾಸಿಟಿವ್ ತಗುಲಿತ್ತು. ಇಂತಹ ಸಂದಿಗ್ಧ ಪರಿಸ್ಥಿತಿಯಲ್ಲಿಯೂ ಯಶಸ್ವಿಯಾಗಿ ಕೆಲಸ ಮಾಡಿದ್ದೇವೆ ಎಂದರು. ಕಿಮ್ಸ್ ನಲ್ಲಿ ಶೇ.10ರಷ್ಟು ಹೆರಿಗೆ ‌ಕೇಸ್ ಗಳು ಕಮ್ಮಿಯಾಗಿವೆ ಎಂದರು.
ಹುಬ್ಬಳ್ಳಿ: ಸೋಂಕಿತ ವೃದ್ಧನಿಗೆ ಯಶಸ್ವಿ ಶಸ್ತ್ರಚಿಕಿತ್ಸೆ ಮಾಡಿದ ಕಿಮ್ಸ್

ಇದೆ ರೀತಿ 10 ರೋಗಿಗಳಿಗೆ ಶಸ್ತ್ರಚಿಕಿತ್ಸೆ ನಡೆಸಲಾಗಿದೆ. ಗಂಗಾವತಿಯ ಪೊಲೀಸ್ ಅಧಿಕಾರಿಗೆ ಹೆಪ್ಪುಗಟ್ಟಿದ್ದ ಕಾಲು ಶಸ್ತ್ರಚಿಕಿತ್ಸೆ ನೆರವೇರಿಸಲಾಗಿದೆ ಎಂದು ಡಾ.‌ಎಸ್.ವೈ. ಮುಲ್ಕಿ ಪಾಟೀಲ ಹೇಳಿದರು.