130 ಕೋಟಿ ರೂ. ಸಾಲ ವಿತರಣೆ

ಧಾರವಾಡ: ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕ್‌ ಗ್ರಾಹಕ ಸಂಪರ್ಕ ಮೇಳದಲ್ಲಿ130 ಕೋಟಿ ರೂ. ಸಾಲ ವಿತರಣೆ ಮಾಡಿದೆ.
ಸಾಲ ಯೋಜನೆಗಳ ಬಗ್ಗೆ ಅರಿವು ಮೂಡಿಸಲು ಕೇಂದ್ರ ಹಣಕಾಸು ಸಚಿವಾಲಯದ ನಿರ್ದೇಶನ ಮೇರೆಗೆ ಅ. 4ರಿಂದ 10ರ ವರೆಗೆ ಸಂಘಟಿಸಲಾಗಿದ್ದ ಗ್ರಾಹಕ ಸಂಪರ್ಕ ಸೇತು ಕಾರ್ಯಕ್ರಮದಲ್ಲಿಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕು ಅತ್ಯಂತ ಕ್ರಿ0åÜÞಶೀಲವಾಗಿ ಪಾಲುಗೊಂಡು 8400 ಜನರಿಗೆ ವಿವಿಧ ಉದ್ದೇಶಕ್ಕೆ ಸಂಬಂಧಿಸಿ 130 ಕೋಟಿ ರೂ. ಸಾಲ ವಿತರಿಸಿದೆ ಎಂದು ಕರ್ನಾಟಕ ವಿಕಾಸ ಗ್ರಾಮೀಣ ಬ್ಯಾಂಕಿನ ಅಧ್ಯಕ್ಷ ಪಿ.ಗೋಪಿಕೃಷ್ಣ ತಿಳಿಸಿದ್ದಾರೆ.

ವಿವಿಧ ಸಾಲ ಯೋಜನೆಗಳ ಬಗ್ಗೆ ಸಾರ್ವಜನಿಕರಲ್ಲಿಅರಿವು ಮೂಡಿಸಲು ನಮ್ಮ ನಡೆ ಗ್ರಾಹಕರಡೆಗೆ ಎಂಬ ಶೀರ್ಷಿಕೆಯಡಿ ಬ್ಯಾಂಕ್‌ ಹುಬ್ಬಳ್ಳಿ, ಬೆಳಗಾವಿ, ಉಡುಪಿ ಮತ್ತು ಮಂಗಳೂರಿನಲ್ಲಿವಿಶೇಷ ಮಳಿಗೆ ಸ್ಥಾಪಿಸಿತ್ತಲ್ಲದೆ ಈ ಮಳಿಗೆಗಳಿಗೆ ಸುಮಾರು ಇಪ್ಪತ್ತು ಸಾವಿರಕ್ಕೂ ಮಿಕ್ಕಿದ ಜನ ಭೇಟಿ ನೀಡಿ ಸಾಲ ಯೋಜನೆಗಳ ಕುರಿತು ಮಾಹಿತಿ ಪಡೆದರು. ಅಲ್ಲದೇ ಸಾಲ ಪಡೆಯುವ ಬಗೆಗೆ ಪ್ರಾತ್ಯಕ್ಷಿಕೆಯನ್ನು ಕುತೂಹಲದಿಂದ ವೀಕ್ಷಿಸಿದರು ಎಂದು ಪ್ರಕಟಣೆಯಲ್ಲಿತಿಳಿಸಿದ್ದಾರೆ.