ಜಿಲ್ಲಾದ್ಯಂತ 14 ಚೆಕ್‌ ಪೋಸ್ಟ್‌

ಧಾರವಾಡ: ಜಿಲ್ಲೆಯಲ್ಲಿಕೋವಿಡ್‌- 19 ಸೋಂಕು ನಿಯಂತ್ರಣಕ್ಕೆ ಜಿಲ್ಲಾಡಳಿತ ಇನ್ನಷ್ಟು ಮುಂಜಾಗ್ರತಾ ಕ್ರಮ ಕೈಗೊಂಡಿದೆ. ಮಹಾರಾಷ್ಟ್ರ, ಗೋವಾ ರಾಜ್ಯಗಳಿಂದ ಉತ್ತರಕನ್ನಡ ಜಿಲ್ಲೆಯ ಮೂಲಕ ಹೊರ ರಾಜ್ಯ ಮತ್ತು ವಿದೇಶಿ ಪ್ರವಾಸಿಗರು ಆಗಮಿಸುತ್ತಿದ್ದಾರೆ. ಅವರನ್ನು ತಪಾಸಣೆ ಮಾಡಲು ಜಿಲ್ಲೆಯಲ್ಲಿಒಟ್ಟು 14 ಚೆಕ್‌ಪೋಸ್ಟ್‌ ಸ್ಥಾಪಿಸಿ, ಅವುಗಳ ಕರ್ತವ್ಯಗಳ ಕುರಿತು ಜಿಲ್ಲಾಧಿಕಾರಿ ದೀಪಾ ಚೋಳನ್‌ ಆದೇಶ ಹೊರಡಿಸಿದ್ದಾರೆ.

ಚೆಕ್‌ ಪೋಸ್ಟ್‌ಗಳು: ಕಾರವಾರ ರಸ್ತೆ ಹುಬ್ಬಳ್ಳಿ, ರೋಣ ಕ್ರಾಸ್‌ ರಸ್ತೆ ನವಲಗುಂದ, ಸಂಗಟಿಕೊಪ್ಪ ಕಲಘಟಗಿ, ಹಾರೋಬೆಳವಡಿ, ಗೋವಾ ರಸ್ತೆ ಅಳ್ನಾವರ, ಹಳಿಯಾಳ ರಸ್ತೆ ಧಾರವಾಡ, ಕೊಂಡಿಕೊಪ್ಪ ಕ್ರಾಸ್‌ ಅಣ್ಣಿಗೇರಿ, ಗುಡಿಗೇರಿ ಕ್ರಾಸ್‌ ಲಕ್ಷೆತ್ರ್ಮೕಶ್ವರ ರಸ್ತೆ ಕುಂದಗೋಳ, ಗಬ್ಬೂರ ಕ್ರಾಸ್‌ ಹುಬ್ಬಳ್ಳಿ, ಅಮರಗೋಳ ಕ್ರಾಸ್‌ ಶಿವಳ್ಳಿ, ಧಾರವಾಡದ ಕೃಷಿ ವಿವಿ, ಕೆಲಗೇರಿ, ನುಗ್ಗಿಕೇರಿ ಹಾಗೂ ಜೆಎಸ್‌ಎಸ್‌ ಕಾಲೇಜು ವಿದ್ಯಾಗಿರಿ ಬಳಿ ಚೆಕ್‌ ಪೋಸ್ಟ್‌ ಪ್ರಾರಂಭಿಸಲಾಗಿದೆ. ಈ ಚೆಕ್‌ಪೋಸ್ಟ್‌ಗಳಲ್ಲಿದಿನದ 24 ಗಂಟೆಗಳ ಕಾಲ ಒಬ್ಬ ಹಿರಿಯ ಅಧಿಕಾರಿ, ಒಬ್ಬ ಆರೋಗ್ಯ ಸಹಾಯಕ ಹಾಗೂ ಪೊಲೀಸ್‌ ಸಿಬ್ಬಂದಿ 3 ತಂಡಗಳಾಗಿ ಕಾರ್ಯನಿರ್ವಹಿಸಬೇಕು. ನಿಯೋಜಿಸಿದ ಅಧಿಕಾರಿಗಳು ಸಮಯಕ್ಕೆ ಸರಿಯಾಗಿ ಹಾಜರಾತಿ ವರದಿ ಮಾಡಿಕೊಳ್ಳಬೇಕು. ಕರ್ತವ್ಯ ನಿರ್ವಹಣೆ ವಿವರ ದಾಖಲಿಸಬೇಕು. ಕೊರೊನಾ ವೈರಸ್‌ ಶಂಕಿತ ವ್ಯಕ್ತಿಗಳನ್ನು ಕೂಡಲೇ ಹೆಚ್ಚಿನ ತಪಾಸಣೆಗೆ ಕಳುಹಿಸುವ ಏರ್ಪಾಡು ಮಾಡಬೇಕು. ಜಿಲ್ಲಾಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಅಧಿಕಾರಿಗಳಿಗೆ ಪ್ರತಿ ದಿನ ವರದಿ ಮಾಡಬೇಕು ಎಂದು ಆದೇಶದಲ್ಲಿಸೂಚಿಸಿದ್ದಾರೆ.