ಅಪರಿಚಿತ ವ್ಯಕ್ತಿಯಿಂದ 21.41 ಲಕ್ಷ ರೂ. ವಂಚನೆ

ಹುಬ್ಬಳ್ಳಿ: ಫೇಸ್‌ಬುಕ್‌ನಲ್ಲಿಪರಿಚಿತಗೊಂಡ ಅಪರಿಚಿತ ವ್ಯಕ್ತಿ ಬೆಲೆಬಾಳುವ ವಸ್ತುಗಳನ್ನೊಳಗೊಂಡ ಪಾರ್ಸೆಲ್‌ ಕಳುಹಿಸುವುದಾಗಿ ಹೇಳಿ ಇಲ್ಲಿಯ ವ್ಯಕ್ತಿಯೊಬ್ಬರನ್ನು ನಂಬಿಸಿ 21.41 ಲಕ್ಷ ರೂ. ವಂಚನೆ ಮಾಡಿರುವ ಘಟನೆ ಇತ್ತೀಚೆಗೆ ನಡೆದಿದೆ.

ಫೇಸ್‌ಬುಕ್‌ನಲ್ಲಿಪರಿಚಯವಾದ ಅಪರಿಚಿತ ವ್ಯಕ್ತಿ ಲಂಡನ್‌ನಲ್ಲಿಆಯಿಲ್‌ ಕಂಪನಿಯಲ್ಲಿಕೆಲಸ ಮಾಡುವುದಾಗಿ ಹೇಳಿ ನಗರದ ವ್ಯಕ್ತಿಯನ್ನು ನಂಬಿಸಿದ್ದಾನೆ. ನಂತರ ಏರ್‌ಪೋರ್ಟ್‌ ಪಾರ್ಸಲ್‌ ಕಚೇರಿ ಆಫೀಸರ್‌ ಎಂದು ಹೇಳಿ ಮಹಿಳೆ ಮತ್ತು ವ್ಯಕ್ತಿಯೊಬ್ಬರು ಮಾತನಾಡಿ ಪಾರ್ಸೆಲ್‌ ಬಂದಿರುವುದಾಗಿ ತಿಳಿಸಿದ್ದಾರೆ. ಅಲ್ಲದೇ, ಪಾರ್ಸಲ್‌ ಪಡೆಯಲು ಹಣ ಪಾವತಿ ಮಾಡಬೇಕು ಎಂದು ತಿಳಿಸಿದ್ದಾರೆ.

ಇದನ್ನು ನಂಬಿದ ವ್ಯಕ್ತಿ ಅಕ್ಟೋಬರ್‌ 5 ರಿಂದ ನವೆಂಬರ್‌ 21ರ ವರೆಗೆ ಅವರ ಖಾತೆಗೆ ಒಟ್ಟು 21,41,500 ರೂ. ವರ್ಗಾಯಿಸಿದ್ದಾರೆ. ಆದರೆ, ಅವರಿಗೆ ಪಾರ್ಸಲ್‌ ನೀಡದೇ, ವಂಚಿಸಿದ್ದಾರೆ. ಈ ಬಗ್ಗೆ ಇಲ್ಲಿಯ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ.