234 ಮತಗಟ್ಟೆ, 936 ಅಧಿಕಾರಿಗಳು

ನವಲಗುಂದ : ತಾಲೂಕು ಆಡಳಿತ ಕ್ಷೇತ್ರದಲ್ಲಿನ 234 ಮತಗಟ್ಟೆಗಳಿಗೆ ಸಿಬ್ಬಂದಿಯನ್ನು ಸಂಬಂಧಿಸಿದ ಮತಗಟ್ಟೆಗೆ ತಲುಪಿಸುವ ವ್ಯವಸ್ಥೆ ಮಾಡಿತು.

234 ಮತಗಟ್ಟೆಗಳಗೆ 936 ಮತಗಟ್ಟೆ ಅಧಿಕಾರಿಗಳನ್ನು ನೇಮಕ ಮಾಡಲಾಗಿದ್ದು, 60ಕ್ಕೂ ಹೆಚ್ಚು ಸಿಬ್ಬಂದಿ ಚುನಾವಣೆ ಕರ್ತವ್ಯಕ್ಕಾಗಿ ನಿಯೋಜಿಸಲಾಗಿದೆ. ನವಲಗುಂದ ಹಾಗೂ ಅಣ್ಣಿಗೇರಿಯ ತಲಾ 1 ಕೇಂದ್ರದಲ್ಲಿ ಸಖಿ ಮತಗಟ್ಟೆಯನ್ನು ತೆರೆಯಲಾಗಿದೆ. ನವಲಗುಂದ ಮಾಡೆಲ್‌ ಹೈಸ್ಕೂಲ್‌ನ 91ನೇ ಮತಗಟ್ಟೆಯಲ್ಲಿ ಸಂಪೂರ್ಣ ವಿಶೇಷಚೇತನ ಸಿಬ್ಬಂದಿಯನ್ನು ಚುನಾವಣಾ ಕರ್ತವ್ಯಕ್ಕಾಗಿ ನೇಮಿಸಲಾಗಿದೆ. ಪ್ರತಿ ಮತಗಟ್ಟೆಗಳಲ್ಲಿ ವಿಶೇಷಚೇತನರಿಗೆ, ವಯೋವೃದ್ಧರ ಅನುಕೂಲಕ್ಕಾಗಿ ವ್ಹೀಲ್‌ ಚೇರ್‌ ಜತೆಗೆ ಆಟೊ ರಿಕ್ಷಾ ಸೌಲಭ್ಯ ಕಲ್ಪಿಸಲಾಗಿದೆ. ಎಲ್ಲ ಬೂತ್‌ಗಳಲ್ಲಿಯೂ ಮತದಾರರು ಬಿಸಿಲಿನ ದಾಹ ತೀರಿಸಿಕೊಳ್ಳಲು ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿದೆ. ಚುನಾವಣಾ ಸಿಬ್ಬಂದಿಗಾಗಿ ಮೆಡಿಕಲ್‌ ಮತ್ತು ವೆಲ್‌ಫೇರ್‌ ಕಿಟ್‌ಗಳನ್ನು ನೀಡಲಾಗಿದೆ.

ಕ್ಷೇತ್ರದಲ್ಲಿ ಒಟ್ಟು 2 ಲಕ್ಷ 69 ಸಾವಿರದ 49 ಮತದಾರರಿದ್ದು. ಇದರಲ್ಲಿ 1,01551 ಮಹಿಳೆಯರು, 1,53089 ಪುರುಷ ಮತದಾರರಿದ್ದಾರೆ. 234 ಮತಗಟ್ಟೆಗಳ ಪೈಕಿ 41 ಅತೀಸೂಕ್ಷ ್ಮ, 30 ಸೂಕ್ಷ ್ಮ ಮತಗಟ್ಟೆಗಳನ್ನಾಗಿ ಗುರುತಿಸಲಾಗಿದೆ. ಚುನಾವಣಾ ಕರ್ತವ್ಯಕ್ಕಾಗಿ ಡಿವೈಎಸ್ಪಿ ರಾಮನಗೌಡ ಹಟ್ಟಿ ನೇತೃತ್ವದಲ್ಲಿ 2 ಡಿವೈಎಸ್ಪಿ, 6 ಸಿಪಿಐ, 8 ಎಸ್‌ಐ, 12 ಎಎಸ್‌ಐ, 138 ಪೊಲೀಸ್‌ ಸಿಬ್ಬಂದಿ, 168 ಗೃಹರಕ್ಷ ಕದಳ ಸಿಬ್ಬಂದಿ, 3 ಡಿಆರ್‌ ವಾಹನ, 1 ಐಆರ್‌ಬಿ ತುಕುಡಿಗಳನ್ನು ನಿಯೋಜಿಸಲಾಗಿದೆ. ಚುನಾವಣೆ ಕರ್ತವ್ಯಕ್ಕೆ ನಿಯೋಜನೆಗೊಂಡ ಪೊಲೀಸ್‌ ಸಿಬ್ಬಂದಿಗೆ ಗುಲ್ಕೋಸ್‌, ಬಿಸ್ಕೀಟ್‌, ಖಾರದಾನಿ, ಟೂತ್‌ ಫೇಸ್ಟ್‌, ಟೂತ್‌ ಬ್ರಷ್‌ ಸೇರಿದಂತೆ ಅವಶ್ಯಕ ವಸ್ತುಗಳನ್ನೊಳಗೊಂಡ ಕಿಟ್‌ಗಳನ್ನು ಡಿವೈಎಸ್ಪಿ ರಾಮನಗೌಡ ಹಟ್ಟಿ ಸಿಬ್ಬಂದಿಗೆ ವಿತರಿಸಿದರು.

234 ಒಟ್ಟು ಮತಗಟ್ಟೆಗಳು

41 ಅತೀಸೂಕ್ಷ ್ಮ

30 ಸೂಕ್ಷ ್ಮ

936 ಮತಗಟ್ಟೆ ಅಧಿಕಾರಿಗಳು