5 ಸೋಂಕಿತರ ಪ್ರಯಾಣ ವಿವರ

ಧಾರವಾಡ: ಜಿಲ್ಲೆಯಲ್ಲಿಶನಿವಾರ ಕೋವಿಡ್‌ ಸೋಂಕು ದೃಢಪಟ್ಟಿರುವ ಪಿ- 1913, ಪಿ- 1942, ಪಿ-1943, ಪಿ-1944 ಹಾಗೂ ಪಿ- 1945 ಇವರ ಪ್ರಯಾಣದ ವಿವರ ಹೀಗಿದೆ.

ಪಿ- 1913:ಇವರು ಧಾರವಾಡ ನಗರದ ನಿವಾಸಿ. ಮಾ.10ರಂದು ಮುಂಬಯಿಗೆ ಹೋಗಿ, ಮೇ 9ರಂದು ಬಾಡಿಗೆ ಕಾರ್‌ ನಂ. ಎಂಎಚ್‌- 02 ಇಆರ್‌- 4057 ಮೂಲಕ ಮಧ್ಯಾಹ್ನ 2.30ಕ್ಕೆ ಹೊರಟು ರಾತ್ರಿ 10.30ಕ್ಕೆ ನಿಪ್ಪಾಣಿ ಚೆಕ್‌ ಪೋಸ್ಟ್‌ನಲ್ಲಿಥರ್ಮಲ್‌ ಸ್ಕ್ರೀನಿಂಗ್‌ ತಪಾಸಣೆ ಮಾಡಿಸಿಕೊಂಡಿದ್ದಾರೆ. ಮೇ 10ರಂದು ಬೆಳಗ್ಗೆ 1 ಗಂಟೆಗೆ ಧಾರವಾಡ ತಲುಪಿದ್ದರು. ಅದೇ ದಿನ ಗಂಟಲು ದ್ರವ ಪರೀಕ್ಷೆಗೊಳಪಡಿಸಿ ಕ್ವಾರಂಟೈನ್‌ನಲ್ಲಿಇರಿಸಲಾಗಿತ್ತು. ಮೊದಲ ಪರೀಕ್ಷೆ ನೆಗಟಿವ್‌ ಬಂದಿತ್ತು. ಮೇ 21ರಂದು 2ನೇ ಬಾರಿ ಗಂಟಲು ದ್ರದ ಪರೀಕ್ಷೆ ಮಾಡಿದಾಗ ಪಾಸಿಟಿವ್‌ ಬಂದಿದೆ.

ಪಿ- 1942, 1943 ,1944 ಹಾಗೂ 1945 : ಇವರು ಮಹಾರಾಷ್ಟ್ರದ ಮುಂಬಯಿ ನಗರದ ನಿವಾಸಿಗಳು. ಮೇ 20ರಂದು ಕುಟುಂಬದ ಐದು ಜನ ಸದಸ್ಯರು ಹಾಗೂ ಇಬ್ಬರು ಸಂಬಂಧಿಗಳು ಬಾಡಿಗೆ ಇನ್ನೋವಾ ಕಾರಿನಲ್ಲಿಮುಂಬಯಿಯಿಂದ ಬೆಳಗಿನ ಜಾವ 1.30ಕ್ಕೆ ಹೊರಟು, ಕರಾಡಿ ಮತ್ತು ಕೊಲ್ಲಾಪುರ ಮಾರ್ಗವಾಗಿ ಬೆಳಗ್ಗೆ 9.30ಕ್ಕೆ ನಿಪ್ಪಾಣಿ ಚೆಕ್‌ ಪೋಸ್ಟ್‌ನಲ್ಲಿಥರ್ಮಲ್‌ ಸ್ಕ್ರೀನಿಂಗ್‌ ಟೆಸ್ಟ್‌ ಮಾಡಿಸಿಕೊಂಡಿದ್ದಾರೆ. ಕಿತ್ತೂರು ಹತ್ತಿರದ ದಾಬಾದಲ್ಲಿಮೇ 20ರಂದು ಮಧ್ಯಾಹ್ನ 2.30ಕ್ಕೆ ಊಟ ಮಾಡಿದ್ದಾರೆ. ನಂತರ ಸಂಜೆ 4.30ಕ್ಕೆ ಧಾರವಾಡ ತಲುಪಿದ್ದಾರೆ. ಇಬ್ಬರು ಸಂಬಂಧಿಕರು ಅಂದೇ ವಾಪಸ್‌ ಮುಂಬಯಿಗೆ ಹೋಗಿದ್ದಾರೆ. 5 ಜನರ ಗಂಟಲು ದ್ರವ ಪರೀಕ್ಷೆ ಮಾಡಿ ಕ್ವಾರಂಟೈನ್‌ನಲ್ಲಿಇಡಲಾಗಿತ್ತು. ಮೇ 23ರಂದು ಸೋಂಕಿತರೆಂದು ದೃಢಪಟ್ಟಿದ್ದರಿಂದ ಕಿಮ್ಸ್‌ಗೆ ದಾಖಲಿಸಲಾಗಿದೆ.