ಲಿಫ್ಟ್‌ ಕಟ್‌ ಆಗಿ 9 ಜನರಿಗೆ ಗಾಯ

ಧಾರವಾಡ: ಇಲ್ಲಿನ ಖಾಸಗಿ ಹೋಟೆಲ್‌ವೊಂದರಲ್ಲಿಲಿಫ್ಟ್‌ ಕಟ್‌ ಆಗಿ ಕೆಳಗೆ ಬಿದ್ದ ಪರಿಣಾಮ ಒಂಬತ್ತು ಜನರು ಗಾಯಗೊಂಡ ಘಟನೆ ಭಾನುವಾರ ತಡರಾತ್ರಿ ಸಂಭವಿಸಿದೆ.

ನಗರದ ಕೃಷಿ ವಿಶ್ವವಿದ್ಯಾಲಯದ ಎದುರಿನ ದ್ವಾರವಾಟಾ ಹೋಟೆಲ್‌ನಲ್ಲಿಈ ದುರಂತ ಸಂಭವಿಸಿದೆ. ವಿವಿಧ ಖಾಸಗಿ ಕಂಪನಿಯ ಉದ್ಯೋಗಿಗಳಾದ ಆನಂದ ಪವಾರ್‌ (32), ಅನಿಲ್‌ ರಾಮಸಿಂಗ್‌ (34), ಕೆಂಪಯ್ಯ ಪುರಾಣಿಕ್‌ (34), ಆಂಟೋನಿ (44), ಬಸೀರ್‌ ಅಹ್ಮದ್‌ (22) ಸೇರಿದಂತೆ 9 ಜನ ಗಾಯಗೊಂಡಿದ್ದಾರೆ.

ಲಿಫ್ಟ್‌ನಲ್ಲಿಒಟ್ಟು 13 ಜನ ಇದ್ದರು. ನಿಗದಿತ ಭಾರಕ್ಕಿಂತ ಹೆಚ್ಚಿನ ಜನರು ಲಿಫ್ಟ್‌ನಲ್ಲಿಹತ್ತಿದ ಕಾರಣಕ್ಕೆ, ಲಿಫ್ಟ್‌ ಕಟ್‌ ಆಗಿ ಈ ದುರಂತ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಗಾಯಗೊಂಡ 5 ಜನರನ್ನು ಜಿಲ್ಲಾಆಸ್ಪತ್ರೆಗೆ ಹಾಗೂ ಗಂಭೀರವಾಗಿ ಗಾಯಗೊಂಡ ನಾಲ್ವರನ್ನು ಎಡಿಎಂ ಆಸ್ಪತ್ರಗೆ ದಾಖಲಿಸಲಾಗಿದೆ ಎಂದು ಉಪನಗರ ಠಾಣೆ ಪೊಲೀಸರು ತಿಳಿಸಿದ್ದಾರೆ.