ಸಾಧಕ ವಿದ್ಯಾರ್ಥಿಗಳಿಗೆ ಪುರಸ್ಕಾರ, ಸನ್ಮಾನ

ಹುಬ್ಬಳ್ಳಿ : ಸಮೃದ್ಧಿ ಚಾರಿಟೇಬಲ್‌ ಟ್ರಸ್ಟ್‌ ಕಳೆದ ನಾಲ್ಕು ವರ್ಷಗಳಿಂದ ಸಾಮಾಜಿಕ ಕಾರ್ಯಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡು ನಿರಂತರ ಕ್ರಿಯಾಶೀಲತೆಯಿಂದ ಕಾರ್ಯನಿರ್ವಹಿಸುತ್ತಿದೆ ಎಂದು ಟ್ರಸ್ಟ್‌ನ ಅಧ್ಯಕ್ಷ Ü ಜಿ.ಎಲ್‌. ನಾಗೇಂದ್ರಪ್ಪ ಹೇಳಿದರು.

ಸಮೃದ್ಧಿ ಚಾರಿಟೇಬಲ್‌ ಟ್ರಸ್ಟ್‌ ಹಾಗೂ ಸಿಂಡಿಕೇಟ್‌ ಬ್ಯಾಂಕಿನ ಸಹಯೋಗದೊಂದಿಗೆ ನಗರದ ಆರ್‌.ಎನ್‌. ಶೆಟ್ಟಿ ಕಲ್ಯಾಣ ಮಂಟಪದಲ್ಲಿ ಶನಿವಾರ ಆಯೋಜಿಸಿದ ಧಾರವಾಡ ಜಿಲ್ಲೆಗೆ ಪಿಯುಸಿ ಪರೀಕ್ಷೆಯಲ್ಲಿ ಅಗ್ರಸ್ಥಾನ ಪಡೆದ ವಿದ್ಯಾರ್ಥಿಗಳಿಗೆ ನಗದು ಪುರಸ್ಕಾರ ಹಾಗೂ ಸನ್ಮಾನ ಸಮಾರಂಭದ ಅಧ್ಯಕ್ಷ ತೆ ವಹಿಸಿ ಅವರು ಮಾತನಾಡಿದರು.

ಸಮಾರಂಭ ಉದ್ಘಾಟಿಸಿದ ಸಿಂಡಿಕೇಟ್‌ ಬ್ಯಾಂಕ್‌ನ ಕ್ಷೇತ್ರೀಯ ಪ್ರಬಂಧಕ ಕೆ. ಶಿವಕುಮಾರ ವಿದ್ಯಾರ್ಥಿಗಳಿಗೆ ನಗದು ಪುರಸ್ಕಾರ ನೀಡಿ, ಸನ್ಮಾನಿಸಿದರು. ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಎಜಿಎಂ ಗೋವಿಂದ ನಾಯಕ ಮಾತನಾಡಿದರು.

ಸಮಾರಂಭದಲ್ಲಿ ಪಿಯುಸಿ ಪರೀಕ್ಷೆಯಲ್ಲಿ ಧಾರವಾಡ ಜಿಲ್ಲೆಗೆ ಅಗ್ರಸ್ಥಾನದಲ್ಲಿ ಉತ್ತೀರ್ಣರಾದ ವಿದ್ಯಾರ್ಥಿಗಳಾದ ಅಪರ್ಣಾ ಮುಳಗುಂದ, ಶ್ರೀವತ್ಸ ಕುಲಕರ್ಣಿ, ದೃಷ್ಟಿ ಮಹಾಜನ, ಸುಜನಾ ಕುಲಕರ್ಣಿ, ರೋಹಿಣಿ ಕಟ್ಟಿ, ಶಿಲ್ಪಾ ಭಜಂತ್ರಿ, ಭುವನೇಶ್ವರಿ ಬ್ಯಾಹಟ್ಟಿ, ಚೇತನಾ ರಮೇಶ, ಪಿಂಕಿ ಚೌಧರಿ, ಪ್ರಥಮಾ ತೆಲೆಸಾರ, ಲಾವಣ್ಯ ಕುಸುಗಲ್‌, ವೀಣಾ ಹೆಬಸೂರ ಅವರಿಗೆ ನಗದು ಪುರಸ್ಕಾರ ನೀಡಿ ಗೌರವಿಸಲಾಯಿತು.

ಕು. ಸುಜನಾ ಕುಲಕರ್ಣಿ ಇವರಿಂದ ಪ್ರಾರ್ಥನೆ. ಆಡಳಿತ ಮಂಡಳಿಯ ಸದಸ್ಯ ಪುಲ್ಲೆಪ್ಪ ಸ್ವಾಗತಿಸಿದರು. ಸಿ. ಎಮ್‌. ಚನ್ನಬಸಪ್ಪ ಕಾರ್ಯಕ್ರಮ ನಿರೂಪಿಸಿದರು.ಎನ್‌.ಎಚ್‌. ನರೇಗಲ್‌ ವಂದಿಸಿದರು.ರಮೇಶ ಸದರಜೋಶಿ, ಪಿ. ಶಿವಪುತ್ರಪ್ಪ, ಪಿ. ಎಚ್‌. ಸ್ವಾಮಿ ಮುಂತಾದವರು ಉಪಸ್ಥಿತರಿದ್ದರು.