ಅನುದಾನಿತ ಸಂಸ್ಥೆ ಶಿಕ್ಷಕರ ವೇತನ ಬಿಡುಗಡೆ

ಧಾರವಾಡ : ಅನುದಾನಿತ ಶಿಕ್ಷ ಕರ ಹೋರಾಟಕ್ಕೆ ಮಣಿದ ಸರಕಾರ ಧಾರವಾಡ ತಾಲೂಕು ಪಂಚಾಯತಿಗೆ 3 ಕೋಟಿ 95 ಲಕ್ಷ ರೂ.ಗಳನ್ನು ಬಿಡುಗಡೆ ಮಾಡಿದೆ ಎಂದು ಜಿಲ್ಲಾಧ್ಯಕ್ಷ ವಿಲ್ಸನ್‌ ಜೆ ಮೈಲಿ ತಿಳಿಸಿದ್ದಾರೆ.

ಈ ಕುರಿತು ಗುರುವಾರ ಪತ್ರಿಕಾ ಪ್ರಕಟಣೆ ನೀಡಿರುವ ಅವರು, ಕಳೆದ 3 ತಿಂಗಳಿನಿಂದ ಜಿಲ್ಲೆಯ ಅನುದಾನಿತ ಪ್ರಾಥಮಿಕ ಶಾಲಾ ಶಿಕ್ಷ ಕಕರು ವೇತನ ಇಲ್ಲದೇ ಹಲವು ಬಾರಿ ಪ್ರತಿಭಟನೆ ನಡೆಸಿದ್ದರು.ಶಿಕ್ಷ ಕರ ನೇತಾರ ವಿಪ ಮಾಜಿ ಸಭಾಪತಿ ಬಸವರಾಜ ಹೊರಟ್ಟಿ ಅವರ ಸತತ ಪ್ರಯತ್ನದಿಂದ ಹಣ ಬಿಡುಗಡೆ ಆಗಿದೆ ಎಂದಿದ್ದಾರೆ. ಅಲ್ಲದೇ ಕರ್ನಾಟಕ ರಾಜ್ಯ ಖಾಸಗಿ ಅನುದಾನಿತ ಪ್ರಾಥಮಿಕ ಶಾಲಾ ಶಿಕ್ಷ ಕರ ಸಂಘದ ರಾಜ್ಯಾಧ್ಯಕ್ಷ ದಿವಾಕರ ಪುನೀತ ಪದಾಧಿಕಾರಿಗಳಾದ ಸುಧಾಮಣಿರಾವ್‌, ಎಫ್‌.ಟಿ.ಕೆಮ್ಮಣಕೇರಿ, ಆರ್‌.ಐ.ಪಡನೂರ, ಆರ್‌.ಕೆ.ಬಳಗಾನೂರ, ಎಸ್‌.ಎಂ.ಹೂಗಾರ, ಎಸ್‌.ಎಸ್‌.ಕತ್ತೆಬೆನ್ನೂರ, ಎಂ.ಎಚ್‌.ಕಲಗುಡಿ, ಎಸ್‌.ಬಿ. ಮುದೇಗೌಡರ ಸೇರಿದಂತೆ ಇತರರು ವಿಪ ಮಾಜಿ ಸಭಾಪತಿ ಬಸವರಾಜ ಹೊರಟ್ಟಿಯವರಿಗೆ ಧನ್ಯವಾದಗಳನ್ನು ತಿಳಿಸಿದ್ದಾರೆ .