ಪಡಿತರ ವಿತರಣೆಗೆ ಹಣ ವಸೂಲಿ ಆರೋಪ

ಅಳ್ನಾವರ: ಪಟ್ಟಣದಲ್ಲಿಸಾರ್ವಜನಿಕ ಪಡಿತರ ವಿತರಣೆ ಕೇಂದ್ರದಲ್ಲಿಪಡಿತರ ವಿತರಣೆಗೆ ಹಣ ಪಡೆಯಲಾಗುತ್ತಿದೆ ಎಂದು ಆರೋಪಿಸಿ ಫಲಾನುಭವಿಗಳು ಅಂಗಡಿಯ ವಿರುದ್ಧ ದೂರು ನೀಡಿದ್ದಾರೆ.

ಪಟ್ಟಣದ ಗ್ರಾಹಕರ ಸೇವಾ ಸಹಕಾರಿ ಸಂಘಕ್ಕೆ ಆಹಾರ ಧಾನ್ಯ ಪಡೆಯಲು ಹೋದಾಗ ಈ ನ್ಯಾಯಬೆಲೆ ಅಂಗಡಿಯಲ್ಲಿಪಡಿತರ ವಿತರಿಸುವ ಸಂದರ್ಭದಲ್ಲಿಪ್ರತಿಯೊಬ್ಬ ಕಾರ್ಡುದಾರರಿಂದ 20 ರೂ. ಪಡೆಯುತ್ತಿದ್ದಾರೆ. ಈ ಬಗ್ಗೆ ಕೇಳಿದರೆ ಈ ಪಡಿತರ ವಿತರಣೆಯಿಂದ ನನಗೇನು ಲಾಭವಿಲ್ಲಅದಕ್ಕಾಗಿ ಹಣ ಪಡೆಯಲಾಗುತ್ತಿದೆ ಎನ್ನುತ್ತಾರೆ ಎಂಬುದು ಗ್ರಾಹಕರ ಆರೋಪವಾಗಿದೆ.

ಈ ಅವ್ಯವಸ್ಥೆಯಿಂದ ರೋಸಿಹೋದ ಜನ ತಹಸೀಲ್ದಾರ ಅಮರೇಶ ಪಮ್ಮಾರ ಅವರಿಗೆ ದೂರು ನೀಡಿ ಸೂಕ್ತ ಕ್ರಮ ಜರುಗಿಸಬೇಕೆಂದು ಆಗ್ರಹಿಸಿದ್ದಾರೆ.